هل تستخدم جهازك الاسلكي بتصريح ام لا !

[UUNUU]

بسم الله الرحمن الرحيم

السلام عليكم ورحمة الله وبركاته :
سؤال مهم جدا : هل تحمل رخصة من هيئة الإتصالات لإستخدام جهازك الاسلكي ام لا و هل جهازك مرخص ايضا ؟
الكثير منّا لا يعلم انه يجب على كل مواطن (سعودي او غير سعودي ) ان يحصل على رخصه من هيئة الإتصالات لإستخدام جهاز لاسلكي (أيكوم ، ايسو ،...) و ايضا يجب ان يكون الجهاز مرخص

قيمة الدخول إلى الاختبار 300 ريال
قيمة إستخراج الرخصه 100 ريال
قيمة إسئجار القنوات 100 كل سنه و انت مجبر ان تدفع قيمة اشتراك لخمس سنوات مقدما
و غير ذالك 250 ريال قيمة ترخيص جهاز الاسلكي
---------------------------------
انا حاب اطرح هذا السؤال ، انا عارف ان اغلبنا زحيّفه مايعرفون لا رخصه ولا غيره فحبيت اشوف الاغلبيه معاهم رخص ولأ ؟ و هل مسكوك هيئة الإتصالات قبل كذا ، وهل تفتيش المرور في الطريق ياخذ الجهاز إذا شافه و ماكان معك رخصه ؟

[a7la>1]

اما ادفع 1150 عشان ترخيص يبووووو روح بعيد بلا ترخيص بلا خرااااااااااااااااط


ومشكوووور على طرحك الموضوع...

[الاداري]

ولا ادفعهااااااااااا


ولا عمرهم اخذو الجهاز مني لن كل المروور عندنا رعين بر

[بو خليفه]

أخي العزيز كل مدينة لها أوضاعها في اللاسلكي مثلاً القرى و الهجر اللاسلكي بالنسبة لهم شئ أساسي و لا يحتاج إلى تصريح
أما نحن داخل المدن و المدن الكبيرة و فيها بعض المواقع الأمينة و العسكرية و موافع النفط و غيره

[UUNUU]

اما ادفع 1150 عشان ترخيص يبووووو روح بعيد بلا ترخيص بلا خرااااااااااااااااط


ومشكوووور على طرحك الموضوع...

ولا ادفعهااااااااااا


ولا عمرهم اخذو الجهاز مني لن كل المروور عندنا رعين بر

كذا الزحف ولا بلاش

أخي العزيز كل مدينة لها أوضاعها في اللاسلكي مثلاً القرى و الهجر اللاسلكي بالنسبة لهم شئ أساسي و لا يحتاج إلى تصريح
أما نحن داخل المدن و المدن الكبيرة و فيها بعض المواقع الأمينة و العسكرية و موافع النفط و غيره

يعني لو امر جنب وزارة الداخليه ومعي الجهاز اروح فيها

--------------
مشكورين على المرور والتعقيب

[الشمطري]

السلام عليكم ورحمة الله وبركاته

لو المسألة تحتاج فلا بأس بس ياخوي اكثر الناس مثبتين اجهزتهم بمواترهم ما عمر احد قالهم شئ

بس الأمور سهود ومهود والله لا يحدك على التصريح واذا عندك قريشات مضيقات عليك وش عليه صرح

افضل شئ ان الإنسان يكون نظامي على قولة اخواننا المصريين (( إمشي عدِل يحتار عدوك فيك ))

تحيـــاتي للجميعوعليكم السلام ورحمة الله وبركاته

[بن عدوان]

أنا والله ما عندي رخصة .. وودي أخذها .. بس أحس انها تعقيد .. وما لها داعي ..

وبالنسبة للتفتيش .. لم يطلع على الجهاز احد من الشرطة ...

والله يستر ..

[UUNUU]

السلام عليكم ورحمة الله وبركاته

لو المسألة تحتاج فلا بأس بس ياخوي اكثر الناس مثبتين اجهزتهم بمواترهم ما عمر احد قالهم شئ

بس الأمور سهود ومهود والله لا يحدك على التصريح واذا عندك قريشات مضيقات عليك وش عليه صرح

افضل شئ ان الإنسان يكون نظامي على قولة اخواننا المصريين (( إمشي عدِل يحتار عدوك فيك ))

تحيـــاتي للجميعوعليكم السلام ورحمة الله وبركاته

لا الفلوس ماهي مضيقه علي بس في نفس الوقت اخاف يقفطوني و مامعي رخصه و بعدين اروح الحاير بتهمة ارهابي ، عموما تسلم على المرور والتعقيب .
----------------------------------------------
ياليت ياشباب اللي يستخدم الجهاز من غير رخصه يقولنا كم له يستخدم الجهاز و لو في امكانيه يقولنا في اي مدينه علشان نشوف مستوى تطبيق النظام .

[UUNUU]

أنا والله ما عندي رخصة .. وودي أخذها .. بس أحس انها تعقيد .. وما لها داعي ..

وبالنسبة للتفتيش .. لم يطلع على الجهاز احد من الشرطة ...

والله يستر ..

صدقت معقدين المسأله و غير كذا يشفطون فلوسك ، وانا متأكد لو انهم يسهلون اجراءات استخراج الرخصه كان كل الشباب يطلعون

[عاشق تبوك]

السلام عليكم وأسعد الله مساكم وصباحكم بكل خير.
إسمحوا لي أشارككم في موضوع ( الماخوذ ) اللاسلكي .
والله ياجماعة الخير , اللي يبي يوزيه إلين ياصل الخلاء ’ الظاهر ما عليه إلا العافيه.
وأما اللي يبي ينصب به في المدن ويركب أنتله طويل يضرب في النجوم ويمر مراكز التفتيش وما معه ترخيص , فهذا على خطر , لأنه يحق للتفتيش أن يصادر جهازك ( حسب النظام ) الرجاجيل حادينا ندفع القريشات وإذا فكرت في الموضوع وجدت أنهم لويقضبونك وأنت رازّه عينك عينك ( تستاهل أنهم يمعطونه منك ) لكن إن كان أني أبدفع 1300 ريال مابين تسجيل وضرايب وغيرها + سعر الجهاز = طلعنا مديونين , إلاّ أبشتريه وأبوزيه والأنتل أبسدحه كنه بندق , أنا فعلت السبب , إن كان فيه تفتيش وعثروا عليه , أنا وياهم إلين أفكه وإلا ياخذونه بسلامتهم , لكن لازم آخذ ورقه عليهم للمراجعه , محتج عليهم بأني أبطلع رخصه وفي النظام يحق لي إسترجاعه إن ما كلوه
لكن الوخذه ما تصير دايم , 700 ريال خسارة الجهاز ولا 1300 أبدفعها كل سنه . وإلا وش رايكم ؟

ناقشوا الموضوع يارجال وخلونا نطلع براي زين ينفع الجميع ( من شاور الرجال شاركها عقولها ) وسلامتكم .

[kty]

بسم الله الرحمن الرحيم

السلام عليكم ورحمة الله وبركاته

يبدو ان طريقة السؤال والتصويت والاسلوب رسمي بحت فهل هناك فائدة من هاذى

حتى الاجابات دبلوماسية 100/100

[غالي]

السلام عليكم اخواني
انا لا احمل تصريح
ولكن من اربع سنوات تقريبا كنت رايح لروضة نوره وجاء التفتيش على خط القصيم وكان فيه ضابط برتبة مقدم وهو شباب ومن اهل الرياض
والله العظيم اقسم بربي اني ادعي عليه لين هالحين
لانه مهوب رجال مستقوي بنجومه المهم الاسلوب الي سواه معي
اول شيء قال يحجز الموتر
ثاني شيء تاخذ قسيمه ب900 ريال
ثالث شيء انت تتوقف عندنا ماتروح
رابع شيء تصادر السياره
انا قمت اضحك احسبه يمزح
والله ويطلع الرجال صادق
المهم اخذ وعطا لين وصلت للشد وهالاشكال مايبيلهم الا واحد اقوى منه فعلا سويت اتصال وهو يدف فيني يبي يركبني الموتر الي معي بالتلفون قال عطنياه وكلمه وقال معك فلان وقف انا جاي على الطريق اصلا انا مواعدهم
وفعلا كنا بنطلع كشتة شباب والرجال معنا ولين اظلم الليل رحنا للنقاء الكبير للمخيم
المهم الرجال قال تركب السياره الين يجي خويك كانك صادق انت وهو
والله ياشباب انا ماني قايل وش صار بالضبط احترام لاخواني الضباط كان احد معنا هنا
لكن تأكدو
ماصار من الي هو قاله لي شيء ورجعت كل اموري لي
وزياده على كذا يكفي والله انه قالي اسف والي مايعرفك مايثمنك ( وهو ممرمطني )
وجاه اقل من جزاه من هالرجال هذا لان اصلا الجهاز يتصادر وبس
وهالضابط قام يتفلسف ووصلت القصه لمديره على حسب علمي
حبيت اقولكم هالقصه والي صاير معي
والله اعلم شكرا واسف على الاطاله

[راعي العوجاء]

بالنسبة لي مستكثر يدفع اقول له التصرح مدته 5 سنوات يعني لو كل سنة يصادرون لك جهاز اقل شي قيمته 700
يعني تكون خسران في 5 سنوات 3500 ريال

[جفيل]

يارجاجيل

المرور موب مقصر معكم لاشافكم معكم جيب اوهيلوكس او اي موتر للبر..

اما واحد مركب الجهاز بكامري اومكسيما وغيرها من هالمواتر فهذا يستاهل من ينتف جهازه

وعلى طاري الرخصه سامع انهم يعدلون في الجهاز ويخلونه ثلاث ترددات بسسسسسسسسسس>> معصي والله

[مزاااجي300]

ابصراحه وبكل شفافيه <<<<<<<<<<<<< متأثر بقناة الجزيره

انا استخدمه فقط في الموتر وداخل وخارج المدينه وما احد جاب خبري ولله الحمد

مره وانا على طريق الملك عبدالله طقاطع طريق الملك عبدالعزيز عند الاشاره جالس اراسل واحد من الشباب وما انتبهت لأكثر من 5 دقائق عند الاشاره وانا والدوريه واقفين سوى !!!!

طيب اللحين يوم انك بجانب جهاز آخر ( الدوري ) ليه لم يتم التشويش عليهم وبكذا راح الفت انتباهم عن الموضوع !! ان معاي جهاز !!!؟؟؟

ناس يقولوا لالا تراسلون بالقرب من الدويه يسبب تشويش ولف انتباه طلع الكلالالالالالالالالالا م اخرطي




ملاحظه

( الدوري ) ( الدويه ) <<<<<<<<< عملية تخفي عن البحث في قوقل

احتراااامي