هل تستخدم جهازك الاسلكي بتصريح ام لا !

[راعي العوجاء]

http://www.mekshat.com/vb/showthread...5&pagenumber=1

[أبو أديب التميمي]

اقول ترخيض!!

ما يسوى المناطز به في هيئة الاتصالات علشان ارخصة !!

وخاصة على هالمبلغ القوي

[ابو خطاب]

والله ان طحتلك بعسكري من طقت((((((انت ...انت.....فين تشتغل )))))

فالله يعافيك ولا يبلانا بما ابتلاك به..........والله يعينك على دفع النكس....1150 صار ثريا مهوب لاسلكي.

[اسـير الشـفـر]

السلام عليكم ورحمة الله وبركاته

والله ياجماعة وانا اخوكم الشغله لاهي شغلة تصريح ولاشي يعني الشغلة شغلة حرص وحظ بنفس الوقت ...كيف؟ قلتولي كيف!
تكون حرص بانك ماتركب الديمند المترين في وسط البد وبين الناس كانك تستعرض بينهم وبعدين لاجتك الشرطه قلت حرام عليكم وهذا ظلم ومن هالسوالف وقتها حلال مو يشيلون جهازك الا بعد حلال يصادرون سيارتك لانه الشغله ماهي شغلة استعراض وبعدين هو فايدته ياما تكون بالبر او بالبيت اما تفرفر بها السياره وسط البلد صراحة حركه مالها داعي يعني لو بتروح البر خلك سادح الاريل بالسياره ولاوصلت قريب البر طلعه وشغل الجهاز واذا كنت مره ماتقدر تستغني عنه وسط البلد مافي داعي تركب اريل الديمند الفضيحه ابو مترين فيه اللي طوله نص متر ازين صحيح ارساله اضعف بس يفي بالغرض واستر.

اما الحظ /صارت معي قصه قبل اسبوعين بعد العيد باربعة ايام انا من المدينه وطلعت على طريق تبوك شمال المدينه ب100كيلو ادور وساعة الصدر ومعي الجهازايكوم2100 وطول الخط وانا مع بعض الرجاجيل على الجهاز ((مع انه ابلشتنا وزارة الحج تقول حنا شغالين معهم موجتهم كلها عندنا)) ان ماكنت معهم على الريشه كنت مستمع لهم والله وراح فينا الوقت ومااشوف الا مركزالحفيره(مركز المدينه للقادمين من تبوك) قدامي وما مداني اوقف انزل الاريل بس فكيت الجهاز من الاريل ودسيته بالدرج وعاد من يوم وصلت التفتيش بيصلح العسكري انه بيحشكني وقال لي وش نوع الجهاز اللي معك عاد انا صلحت فيها اني اني ضعيف وماني فاهم شي وقلت له اي جهاز قال هذا اللي اريله يحك بالنجوم قمت صلحت اني صاحبه وقلت له لايرجال هذا زينه وطلعة له نهاية سلك الاريل وهو كانه يقولي على مين تلعبها وقالي روح كمل خطك ويوم عشقت ابي امشي ويقول لي اقولك طلع الجهاز من الدرج لاتعدمه المطبات وضحك وانا اقول له الله يجزاك بالخير ويستر عليك ووالله الى الحين كل ماتذكرته ادعيله بالخير

عشان كذا ياخوان الحذر واجب ولابد تكون اخلاقنا زينه مع العسكر لانهم بالاخير مننا وفينا

وعندنا بالمدينه اشوف عالم كثيره مركبته على سياراتها بس المشكله انهم كلهم صراحة اساؤو للجهاز بسواليفهم التافهه اللي كلها نجار ومصخره وقلة حياء وانا اعتقد انه هذه مشكله مو بس في المدينه الا في كل مدن المملكه واعتقد انها هي السبب بمنع الجهاز

وسامحونا على الطواله

[بو خليفه]

يا عزيزي هذا الجهاز له فوائد كثيرة لا كن بسبب سوء الاستخدم من بعض الناس بكلام قبيح أو التخريب على الغير
أما الجهاز يستخدم في كل الأماكن حتى الأطفال عندهم و أنا عند ولدي صغير جهاز موتورلا يستخدمه و هذا للأطفال و غيره و في دول العالم مثل أوروبا و غيره المسجل و الراديو موجود في النداء في حالة الكوارث أو الضباب أو الجمال في الطريق كي يبلغ جميع السيارات بوجود جمال في الطريق أو كثبان رملية أو أمطار غزيرة في هذا الطريق

[ابو سعدون]

اها يناس ليش حاطين دوبكم بدوب اصحاب الكوامري والمكسيمكات بس ودك اي صاحب جيب او هيلكس يحصلون معه قاعده بس يفتشونه تفتيش وعلطول للحجز .
انا لي خمس سنوات بشوارع الشرقية راسل متحرك ولا احد قال وين التصريح او ش الاريل

[بو خليفه]

ابو سعود الشرقية من أكثر المدن صعوبة استخدام اللاسلكي بسبب شركات النفط و المناطق البحرية و و إذا تستخدم اليدوي فلا يحتاج إلى اريل خاصة أنت في منطقة ذات شواطئ بحرية فاليدوي يعطيك حتا 30 كيلو تقريباً
أما الجهاز لا يخص جيب أو صالون سيدان فهذا الجهاز يجب حمله و موجود في السيارات الأوروبية مسجل و الراديو يختص بهذه الخدمة مثل أخبار الطقس و الكوارث و غيره و الجمال و هذا أوتوماتيكي تظهر نغمة يتحول المسجل و الراديو لتسمع النداء ثم تعود على ما أنت عليه

[اسـير الشـفـر]

يا عزيزي هذا الجهاز له فوائد كثيرة لا كن بسبب سوء الاستخدم من بعض الناس بكلام قبيح أو التخريب على الغير
أما الجهاز يستخدم في كل الأماكن حتى الأطفال عندهم و أنا عند ولدي صغير جهاز موتورلا يستخدمه و هذا للأطفال و غيره و في دول العالم مثل أوروبا و غيره المسجل و الراديو موجود في النداء في حالة الكوارث أو الضباب أو الجمال في الطريق كي يبلغ جميع السيارات بوجود جمال في الطريق أو كثبان رملية أو أمطار غزيرة في هذا الطريق

كلام سليم وازيدكك من الشعر بيت في امريكا يلزمون اصاب الشاحنات بمثل هذه الاجهزه حتى لاسمح الله صارشي في الخطوطالسريعهHIGHT WAY تدخل الشرطة على موجتهم وتوجههم سواء طلبا للمساعده اوللتحذير .
مثلا لو صار حادث عندنا في خط رايح جاي غير مزدوج تلقى الخط واقف بسبب الشاحنات اللي تتراكم فوق بعض لكن لو كان هناك نظام كالنظام الامريكي سواء للشاحنات او اصحابالسيارات المالكين للجهاز وكانت هناك موجه خاصه للطواري تدخل عليها الشرطة وقت الحاجه للتنبه لساعدت كثيرا في تنظيم الامور وذلك مثلا بتحذير اصحاب الشاحنات من الاقتراب منعا للازدحام.
وسلامتكم

[ayenssan]

من وين يعطون الترخيص يعني نبي العنوان كامل لو سمحتم

[صالح نـــاجي]

على قول اخوي الكنترول
--------------------------------------------------------------------------------

انا أفكر اطلع تصريح لو يحطونه هدية و يوزعونه عند مخرج 10 او 11

[راعي العوجاء]

الاخ ayenssan



http://www.citc.gov.sa/CITC/AR/Spect...newalofRL?sm=9




تفضل شوف الرابط الي فوق

[afb]

موضوع مثير ومهم انا ودي اطلع رخصة لاكن لازم اروح للرياض يعني 500 كم علشان اول اقدم ثم ادفع واختبر وما ادري انجح ولا لا
لو انه كل واحد يقدم في منطقته ويختبر كان احسن ولا اشرايكم

[راعي العوجاء]

اخي التقديم بالفاكس ممكن واذا جاء موعد الاختبار تروح تختبر بس واذا نجحت ان شاء الله تجيك الرخصة وين ما كنت

واخي نسبة النجاح والحمد لله 90% يعني لا تخاف

حالياً اكثر من 300 واحد دخلو الاختبار ونجحوا

[الكونترولCONTROL]

اخوي صالح ناجي !!!!!!!!!!!!!! تلمح تبي تتقهوى معي ؟؟؟؟؟!!!!!!!!!!!!!!!!!!
==========================================
الله يحييك نتقهوى سوى .................... بدون تلميح !!!!!!!!!!!!

[afb]

الله يبشرك بالخير يا راعي العوجاء