هل تستخدم جهازك الاسلكي بتصريح ام لا !

[يدوي الشرق]

السلام عليكم اخواني
انا لا احمل تصريح
ولكن من اربع سنوات تقريبا كنت رايح لروضة نوره وجاء التفتيش على خط القصيم وكان فيه ضابط برتبة مقدم وهو شباب ومن اهل الرياض
والله العظيم اقسم بربي اني ادعي عليه لين هالحين
لانه مهوب رجال مستقوي بنجومه المهم الاسلوب الي سواه معي
اول شيء قال يحجز الموتر
ثاني شيء تاخذ قسيمه ب900 ريال
ثالث شيء انت تتوقف عندنا ماتروح
رابع شيء تصادر السياره
انا قمت اضحك احسبه يمزح
والله ويطلع الرجال صادق
المهم اخذ وعطا لين وصلت للشد وهالاشكال مايبيلهم الا واحد اقوى منه فعلا سويت اتصال وهو يدف فيني يبي يركبني الموتر الي معي بالتلفون قال عطنياه وكلمه وقال معك فلان وقف انا جاي على الطريق اصلا انا مواعدهم
وفعلا كنا بنطلع كشتة شباب والرجال معنا ولين اظلم الليل رحنا للنقاء الكبير للمخيم
المهم الرجال قال تركب السياره الين يجي خويك كانك صادق انت وهو
والله ياشباب انا ماني قايل وش صار بالضبط احترام لاخواني الضباط كان احد معنا هنا
لكن تأكدو
ماصار من الي هو قاله لي شيء ورجعت كل اموري لي
وزياده على كذا يكفي والله انه قالي اسف والي مايعرفك مايثمنك ( وهو ممرمطني )
وجاه اقل من جزاه من هالرجال هذا لان اصلا الجهاز يتصادر وبس
وهالضابط قام يتفلسف ووصلت القصه لمديره على حسب علمي
حبيت اقولكم هالقصه والي صاير معي
والله اعلم شكرا واسف على الاطاله

كلامك سليم بس لو تلاحظ ان اكثر الي يفتشون مضغوطين بلاستلام ويدورون الي يتسلون فيه واذكر قصه لي انا طبعآ الاصابع ماهي بسواء لا اخفاء عليك انا احد الظباط
وقفني امن الطرق على طريق القصيم ومعاي جهاز بدون تصريح بكم اني شاريه منذ يومين فقط يعني مايمديني اطلع تصريح وجاء الرجال بكل ثقه يقولي نزل الجهاز ونزل من السياره يبي ياخذ الجهاز كنت والله اني بعطيه لاني ماني فاضي له بلاخير قام يتفلسف حلفت اني معطيه لو يموت صار نقاش كثير لين جاء ظابط خفر المنطقه وتفاهمنا معه ومشاني هذا الي حصل معي
وكم مره تصير معي بس ولله الحمد امشي للمعلوميه مافي شيئ اسمه اسحب الجهاز وامش وبس لابد انه يعطيك صوره من محضر التسليم او يسلم الجهاز قدامك للقسم اما انه ياخذ الجهاز وبس هذا انت غبي انه ياخذه وتخليه من حقك انك تسئل لان الجهاز مسموح بلمحلات وفيها انظمه وتعليمات معروفه والاسلوب الطيب مع الناس يمشي مهماكان جنسه المهم الله يوفق الجميع ويسر امورهم انا تركت الاجهز ومقبل على دراسه ودعولي بتوفيق برب

[Sky Walker]

السلام عليكم و رحمة الله و بركاته

اخواني في الله , هذه الزبدة كيف متقولو بعد ان اتطلعت على الموضوع عبر الموقع الرسمي على الانترنت :

الموقع : هيئة الاتصالات و تقنية المعلومات


الموضوع : إصدار تراخيص لاتصالات هواة اللاسلكي -> أنشطة الطيف الترددي ->

خدمة اتصالات راديوية تهدف إلى توفير التدريب الذاتي والاتصالات البينية والدراسة التقنية التي يقوم بها الهواة.

• لائحة خدمة لاسلكي الهواة اضغط هنا
• الضوابط الفنية والإجراءات التنفيذية للائحة خدمة لاسلكي الهواةاضغط هنا
  
• الشروط و الأحكام العامة للرخص هواة اللاسلكي اضغط هنا

تقبلو تحياتي ...

[الإستراتيجي]

بحكم أنها ممنوعة كما ذكر إلا بترخيص


فليه تباع بالسوق



ولن أرخص حتى لو كان الترخيص بريلين


لأنه لو صارت أول مشكلة لازم يعرفون وينك فيه وسكنك وكل حاجة وللأسف يزعجونك على الفاضي


وللأسف نصف إلي يصادرون الأجهزة يبيها لأبوه في البر أو أحد أقربائه ..

يعني ما همه النظام هامه الجهاز ...

[يوزر نيم]

حسب معلوماتي المتواضعـة أن الموضوع ليس مصادرت الجهاز
فقط ولكن هناك غرامة في حدود الفين ريال تدفع بشيك مصدق
لهيئة الاتصالات ..

[الجو ربيع]

أنا والله ما عندي رخصة .. وودي أخذها .. بس أحس انها تعقيد .. وما لها داعي ..

وبالنسبة للتفتيش .. لم يطلع على الجهاز احد من الشرطة ...

والله يستر ..

كلام سليم هم يبغونك ترخص ومعقدين المسائل
كله في كوم ومسئله الاختبار كوم
تــــظربلك مشوار من الشرقيه ولا الغربيه لرياض
ويمكن تنجح او ترسب !!!!

لو بس رسوم وتوقع على تعهد بعدم اسائه الاستخدام
وتستلم الرخصه كان الكثير رخص

انشاء الله يوصل صوت المكشاتيه لـــــــ هيئه الاتصالات
وتتسهل الامور في مسأله الرخصه انشاء الله

نتمنا ذالك

[(هزاع)]

وسع صدررررررك

[wafi4sa]

استخدم بدون ترخيص

[heemoo 02]

سلام عليكم ورحمة الله وبركاته صباح الخير يا شباب سراح موضوع حلو بس وش الاختبار حقهم عشان اكثر من واحد راحو وما نجحو فيه لنهم مصعبينه شوي والله اعلم لن هادي الايام الله يهديهم حتى على الاريل من غير جهاز مسوين رجه الرجاء من اللي مطلعي الرخص يفيدوناء

[almertah]

يا اخوان انا ارى ان استخدام الجهاز في البر لايحتاج رخصه اما اللي يبي يؤذي خلق الله فيه في الديره فهذا يجب ان يصادروه ويغرمونه ويسجنونه بعد لانه في الديره اذيه بدون فايده تذكر لاكن في البر اذا كان معاك عدة سيارات تقدر توجه خوياك او تخبرهم وتسولف معهم عن كل ما يصير وزبدة الكلام استخدام الجهاز في البر فقط

[مقطع العروق]

والله انا لي سنوات ممكن تكون حدود ال 6 سنوات استخدم الجهاز استخدام عادي جدا


وقدمت على اختبار الرخصة والله يعين وان شاء الله الاختبار الاربعاء الموافق 21/11 اي بعد يومين ان شاء الله

دعواتكم لنا

[ابو شوشة]

بالنسبة للرسوم اظنها معقولة اما الاسئلة على حسب ماقريت عنها فهي سهلة جدا على اي هاوي راديو وليس هاوي كلام ولكن تحديد مكان الاختبار في الرياض وقيود الترددات المسموح بها عندنا هي المشكلة اضافة الى عدم وجود وكيل لبيع وصيانة الاجهزة حتى اذا الواحد اشترى من الخارج لازم تصريح من الهيئة بدخول الجهاز والنقطة المهمة لو انك مرخص وحبيت تولف ياقي او دايبول كلا شك فيك يتصل بمن ؟ ويرسل من ؟ وماذا يستقبل ؟ لان مجتمعنا غير مهيئا لهذي الهواية وعند اي تشويش وانت مطفي جهازك قالوا هذا فلان واللي يقول ان الهواوية مرخصين اجهزتهم ادخلوا على اليوتيوب وشوفوا كثر الاجهزة والهوائيات اللي عندهم ولاتقولون ان الهاوي مرخصها كلها ولاتنسون ان الترخيص ياخذ الطابع الرسمي والرسميات قاتلة للابداعات واسالوا اي هاوي مرخص وصدوق متى وقفت ابداعاته قبل او بعد الترخيص؟ واذا كانت ابداعاتهم في الهوائيات اظنهه تراخيص انتينا فقط×

[الجو ربيع]

والله انا لي سنوات ممكن تكون حدود ال 6 سنوات استخدم الجهاز استخدام عادي جدا


وقدمت على اختبار الرخصة والله يعين وان شاء الله الاختبار الاربعاء الموافق 21/11 اي بعد يومين ان شاء الله

دعواتكم لنا

\

حياك الله اخي
مقطع العروق

بتوفق انشاء الله

وياليت تطرح بعض الاساله اذا ذاكر منها شي بعد ماتختبر


شكراً لك

[ابوصالح3]

عندنا بالشمال سهود ومهود مااحد يتعرضك ؟


ولاطرى علي اطلع رخصة؟

[S U L I M A N]

على الله ...

[ولد ام الساهك]

بسم الله الرحمن الرحيم

السلام عليكم ورحمة الله وبركاته :
سؤال مهم جدا : هل تحمل رخصة من هيئة الإتصالات لإستخدام جهازك الاسلكي ام لا و هل جهازك مرخص ايضا ؟
الكثير منّا لا يعلم انه يجب على كل مواطن (سعودي او غير سعودي ) ان يحصل على رخصه من هيئة الإتصالات لإستخدام جهاز لاسلكي (أيكوم ، ايسو ،...) و ايضا يجب ان يكون الجهاز مرخص

قيمة الدخول إلى الاختبار 300 ريال
قيمة إستخراج الرخصه 100 ريال
قيمة إسئجار القنوات 100 كل سنه و انت مجبر ان تدفع قيمة اشتراك لخمس سنوات مقدما
و غير ذالك 250 ريال قيمة ترخيص جهاز الاسلكي
---------------------------------
انا حاب اطرح هذا السؤال ، انا عارف ان اغلبنا زحيّفه مايعرفون لا رخصه ولا غيره فحبيت اشوف الاغلبيه معاهم رخص ولأ ؟ و هل مسكوك هيئة الإتصالات قبل كذا ، وهل تفتيش المرور في الطريق ياخذ الجهاز إذا شافه و ماكان معك رخصه ؟

يا ابو الشباب تصحيح للمعلومات ؟
قيمة ترخيص الجهاز الآن تغيرة من المبلغ المذكور الى تقريباً (400) وعليها الشويه ومجبر تدفعها كل ثلاث سنوات للتجديد .

اغلب المصرحين لا يرخصون الجهاز فقط (يبرزون في نقاط التفتيش الرخصه الصغيره ) ويمشون وهذا دليل كبير على تقاعس رجال الامن في تأذية مهامهم عبر المطالبه بترخيص الجهاز ؟
احنا ندفع وغيرنا لا يدفع سوياً هذا لا يجوز نهائيا ً؟
الحمد لله ابشر كم النتيجه اختها بطريقتي الخاصة والحمد لله ناجح وعن قريب تصدر النتائج رسمياً للجميع المتقدمين للأختبار .
شكري وتقديري للمهندس اسامه على مساعدته للجميع في الامتحان والله رجل ما قصر ويشهد الله انه قام بالمساعده في القاعة والحمد لله يوم المهندس المسئول خرج من القاعة وله أكثر من ساعة صار التعاون بين الجميع وان شاء الله الجميع ناجحين .
لو تنتظر على الاختبار ما احد سلك النجاح نهائيا والبركه في المساعدات الجويه ونتم تعرفون البعض راسب له أكثر من ثلاث أو الربع مرات وجايب بعد عياله تختبر وقبيلته كمان ودليل واضح انه فيه سهالات للجميع .
بخصوص السؤال عن ترخيص الجهاز
فنصيحه للجميع ما دام انت تعديت الامتحان فيجب عليك الترخيص لأنه فيه زيارات ستتم مفاجئه للمحطه ومتابعة ذلك عبر سجلك بالهيئة وعبر المندوب الخاص بالهيئة والامارة واللجنه المخصصه لذلك .
وللمعلوميه سيتم سحب بعض الرخص من المرخصين الذين تم اكتشاف بأن سجل السوابق والتبصيم يدين الهاوي المرخص وخصوصا من الدرجة الأولى ؟؟؟
اما عن المناطق التي توجد بها فوضه ومشادات بين رجال الامن وغيرها والمناطق معروفه للجميع سيتم استبعادهم من الحصوص على التراخيص خوفا من قيامهم بإستخدام التراخيص لمجالات أخرى والكل يعرف المغزى من هذا التوضيح ونتمنا من الحكومه الرشيده تشدد في هذا المجال وتحرم كل من تسول له نفسه بالقيام بمثل هذه الامور وتعمل الف احساب لغداً وما يترتب عليه من عواقب لا سمح الله .