اخوتي الاحبه السلام عليكم ورحمة الله وبركاته. باختصار شديد , سبق وان ذهبت للصيد في السودان خمس مرات والدعوى سهله وغير مكلفه يعني القطه سبعة الاف تقريبا لكل شخص يعني ست اشخاص بسيارتين صالون وشاص ومقناص عشرين يوم ياسلام اولا: جهز جميع احتياجاتك للرحله كامل للمده المطلوبه, اضافه لاحتياجك للبانزين وماه الشرب وخذ معك شوزن كسر مستخدمه بالف ريال تقريبا وصندوق رصاص رقم 4 وان حصل كم كلب صيد (سلق) فهو اطيب قم باتصالاتك على مكاتب التخليص الجمركي بجده واستفسر عن مواعيد رحلات العبارات واحجز لسياراتك ولكم غرف درجه اولى واتجه الى جده قبل الرحله بيوم ونصف واذا وصلت الى مكتب التخليص ودفعت لهم التكاليف اطلب ارقام هاتف مكتب تخليص بالسودان ( بورت سودان ) ويكون معروف مثل مكتب( صلاح مدني ) ورتب معهم هاتفيا بتسهيل امورك كافه عند وصولك ( يعني لايخدم بخيل ). ؤبعدها يطلع بجده معك مندوب للميناء لأ نهاء باقي الا جراءت واركب العباره ( والله يعينكم على الدوخه والتطر....؟ ) نزل السلق واربطها بالسياره ولازم تحط عندها مويه, والطير اكيد معك بالغرفه وبعد 12 ساعه تقريبا حسب الموج والرياح توصل انشا الله لمينا بورت سودان على الصباح تحصل مندوي المكتب او المخلص شخصيا بانتظارك يخلص امورك روتينيا فقط واحسب حسابك من تطب المينا الامور كلها ( دهن سيور ) واذا طلعتو من الميناء متجهين للمدينه فيه بعد شبك المطار مباشره شعيب فيه شجرة سمر طيبه معروفه عند المقانيص وقفوا ونزلو العزبه وعينو من الله خير ويروح اميركم ( يعني من تولى امارة الرحله) مع المخلص لمكتبه واطلب منه يجب لكم دليله جيد يخاويكم ومن ثم لمكتب الصيد لأستخراج رخصة الصيد واطلب منهم اقل رخصه 1200 دولار تقريبا صيد طيور وارانب بدون سلاح يعطونك احد العسكر الحراس وتوكل على الله لربعك اللي يحترونك على الغدا ( وترا الأرانب حول الشجره تكفي للغدا), وعلى فكره ترا العسكر سمحين ويدورون العيشه يعني طلع بندقك واقنص كل مافي نفسك بشرط القناعه وعدم الاسراف ولا تشيل معك صيد اذبح وكل وادفن, والعسكري عطه المقسوم . والبندق اذا بغيت ترجع ادفنها والا اجدعا بالبحر لانك حللت قيمتها واسف على الاطاله هذاويقالي مختصرالموضوع واي استفسار يسعدني الرد اذا كان عندي.............................................. ...............اخوكم ( شبث) .
15 نوفمبر 2015 - 16:514 نوفمبر 2015 - 21:27
 |
فيها معارك ومساديح كل يوم
