ابغى اشتري باثفندر الشكل الجديد 2006 وطالع (هل فيه عيوب افيدوني)؟؟؟

[ابودجانه33]

السلام عليكم

انا لي تجربه مع الباثفندر 2005 وكانت بحمد الله ناجحه وناوي اشتري الشكل الجديد وعندي كم سؤال

1/هل فيه عيوب مشهوره مثل 2003
2/هل التحمل فيه جيد للكشتات والبر
3/هل فيه اختلافات بين الموديلات اقصد من 2006 وطالع
4/ماهي اسعاره كمستعمل طبعا
5/هل مللت من اسئلتي

[سما الهاوي]

انا بالنسبة لي افضل ال إكس تيرا اكثر من الباثفندرارخص واقوى واعتقد نفس المكينة 4000 بس عيبة انه في الخلف سست وليست يايات ومافيه دفلوك ولايجي الا نوع واحد
وتقبل رأيي ومروري

[برق جلاجل]

معي 2007
لا أنصح به .. لراعي البر :
* الدبل كهرب
* ليس دفرنس
* دركسونه في طقطقه مع المطب بسبب السنن الرديئه ( عيب مصنعي فيه وفي الآرمادا )
* طامن
* تانكي البنزين مايمشيك 500 " 80 " لتر
# صح إن مكينته أكبر من القديم 4000 ونشيط " لكن تصميمه غير رياضي مثل القديم "
# مركبه مريح وهذا في النيسان كله
[[ أنصحك في ... ]] خذلك جوله في قسم الأعطال سترى من يجاوبك ..!؟

[مواسي الطعوس]

انصحك فيه وبقوه ....رخص ...قل اعطال....نشاط........اقتصادي.....وسع.....المرتبه الثالثه تنسفط وتختفي.....................لكن شرط:

تركب ياي استرالي (امام وخلف)لكن الامامي قص منه لفه كامله .وخذ موتر بر من الدرجه الاولى .

[ويلومني]

جيت على الجرح
( أنا راعي خطوط)
وش جاب الباث الجديد للباث القديم
الجديد مريح ونشيط ومايعرف خربات ويبيض وجهك بالطعوس
يعيبه الطمن وينزل لحملت بس له حل وهو الياي الأسترالي وقرشه بالدركسون وضعف النور الأمامي والمساعدات الأماميه تنفقع بسرعه
بس شهاده لله أنه يبري العله
أقيام 2006 النظيف يصل 62000
بس خذ لك من ال2008 وطالع أفضل مواصفات وأفضل ديكور من 07و06
تراك تبي تدعيلي
ومبروك مقدما

[MTC108]

وعليكم السلام ورحمة الله وبركاته

عندي 2008 وعلى يدي من الشركة

الدرجة الثانية

ثقيل ممشى .. ويشرب البنزين شرب وماهو نشيط ابداااا
حديد البدي رهيف ولو ترتكي عليه يتعوج

مطبه ماهو حلو في البر .. يطب ويناقز

ولو يركبون اثنين ورا نزل للارض

البريك (الفرامل) تخوف والحافظ الله ... يزحف مع اي بريك لو خفيف يذكرني بسيارات الثمانينات!!
ومافيه ABS .. حسب علمي ..

ودبله يفشل ... لا صرت بارض رمل الكامري والصوالين تتمشى بجنبي وانا طاق الدبل الثقيل !!
وبالاخير سحبته بجيب ثاني !! ( للعلم هوا الكفرات ماكنت منسم له ) بس ولو ماهو عذر للقاع اللي قعد فيها
( على فكرة انا اقارنه ب 4 جيوب عندي بالبيت)

يمكن الاعلى درجة منه يكون افضل .. ماعندي علم !!

اما ايجابياته :
باختصار فهو نيسان ... لا اعطال والحمدلله ولا صيانة ولا حاجة ...

النصيحة : لا تقارنه بالقديم ابدا .. ماهو مثله الا بالاسم بس

سيء جدا

[HAS5SAN]

ابعد عن الـ2006
وحاول في الموديلات الجديدة

[مهاجر للشمال]

فيه ردود غريبة!! واجزم ان اصحابها ماعندهم باث والا عمرهم ركبوه

الباث الجديد حسب تجربتي
موتر نشيط وخفيف ومكينته جبارة
وبالنسبة للي عيبو عليه ان دبله فرار اقول لهم كل الجيوب الجديدة دبلها فرار(باترول-برادو-لاندكروزر-لكزس)
الموتر يبي له ترفعه من الخلف بياي استرالي وتركب له قدام مساعدات استرالية و ابشر بعزك، ان بغيته بالنفود وان بغيته في الخط
انا مجرب الموتر زين بالبر، واقول لك ان الموتر يبيض الوجه ومايقصر
وللعلم انا دايم بالدهنا وماشفت منه الا العلم الغانم

وعلى فكرة يوم جيت اشتري الباث الجديد، سالت عنه، وسبوه الناس وقالوا انه موتر موب للبر موتر ديرة واللي يقول انه ماينفع بالنفود واللي يقول ان مكينته فيها وفيها، مدري وش اللي خلاني اسفهم وشتريه بعد ماشريته ضحكت من كلامهم يوم جربت الموتر، الموتر شيخ لاقالوا لك شيخ، ومافيه من عذاريبهم شي، وللمعلومية لو تشوف تصميم الباث (المحركات) نفس تصميم محركات الباترول الجديد(فريول قدام وفريول في الخلف).

تفضل هالصور للباث الجديد






وللمعلومية كل سيارة جديدة تعيب فيها الناس بعدها تطيح فيها

[المنيعي1]

السلام عليكم

انا لي تجربه مع الباثفندر 2005 وكانت بحمد الله ناجحه وناوي اشتري الشكل الجديد وعندي كم سؤال

أذا كنت مجرب 2005 أقولك الـ 2006 أفضل منه بمراحل يعني مافيه عيوب ميكانيكية وانشط من الـ 2005
بس عيبه الوحيد شكله غلط×غلط

[مقلع الرمث]

عن تجربه 2008 او 2007

الموتر مريح اذا كنت راكب قدام اما اذا كنت راكب بالوسط الله يعينك لانه يدق دق والدقه بظهرك على طول اما اللي وراء فحدث ولا حرج

تانكي صغير ويلهم بنزيم لهم مو صاحي

نازل

لا مشيت مع بطناج تحس انك تبي تلقط الرفارف والعكوس والقير من القرشه

سافرت مره مادريت الا حقات المكيفات اللي بالسقف طايحه ؟

فيه اقرشه بالدركسون مدري وشي

عادي تشبك الدبل ويعيي يفصل بعد محاولات ممكن يفصل وومكن ترجع للبيت وهو شابك

الموتر طلعنا عليه الى الساحل الغربي صراحه بالطريق ابداع طبعا راكب قدام

لكن لا جيت للبر والارض المعفوله من السكك مالك سنع تصدق ان المساعد الامامي انكسر كسر

بعدين ايطامر وغير مريح ابد

وحنا مترفقين عليه ترفق مايحتاج

التوازن ولا برياااال جينا محلات عاديه بغى ينقلب

المهم رجعنا للرياض وحنا نقول عسى يوصلنا بس



انا سمعت انهم يركبون يايات استراليه لكن متى بعد مابعت السياره ولا جربت

السياره زينه في حالات

1- راعي بر على خفيف
2- اذا رحت للبر تروح محلات نظيفه مافيها سكك ولا فيها يعني مثلا زي الدهناء يطربك لانك اذا رحت الى ارض معفوله راح تعرف وش معنا كلامي
3 - المحافظه على السياره

انا لقيت ناس معهم زيه يمدحها مدح مايحتاج قلت هذا اللي يسمعهم يبي يطير ويشتري

زيه واذا سألتهم عن بعض الامور قالوا سيارتك فيها بلاء السابقه

والمشكله اني جربت موديلين لكن للاسف فيه ناس يجيك امعلق البواري ولا يهمك الكلام

اللي تسمع و سيارته احسن

سياره وغصب تشري زيه حتى تصل احيانا الى انه يفقش عليك

وبالاخير كانك من راعي بر على خفيف وكذا انصحك فيه

لكن كانك راعي عفل فانا اقول لا يقربك ابدا

[ابودجانه33]

السلام عليكم

انا حقيقه مبسوط اولا من تفاعلكم وهذا طبعكم ياهل المكاشيت

وبصراحه حسيت بأهمية الاستخاره لان الاراء مختلفه جدا

لان فيه خيار صار عندي الي هو ال FJ والهدد والبرادو مع الباث طبعا حبيب القلب

لكن فيه سؤال مشكلة مسمار المكينه الي موجوده بالباث القديم موجوده بالجديد ولا حلوها

[طعميس]

غير موجوده .لكن مثل ماتفضل الشباب لازززززززززززززززززززم تركب ياي استرالي .بعدها يصير موتر بر وخط

[عصاقيل الدخله]

عن تجربه 2008 او 2007

الموتر مريح اذا كنت راكب قدام اما اذا كنت راكب بالوسط الله يعينك لانه يدق دق والدقه بظهرك على طول اما اللي وراء فحدث ولا حرج

تانكي صغير ويلهم بنزيم لهم مو صاحي

نازل

لا مشيت مع بطناج تحس انك تبي تلقط الرفارف والعكوس والقير من القرشه

سافرت مره مادريت الا حقات المكيفات اللي بالسقف طايحه ؟

فيه اقرشه بالدركسون مدري وشي

عادي تشبك الدبل ويعيي يفصل بعد محاولات ممكن يفصل وومكن ترجع للبيت وهو شابك

الموتر طلعنا عليه الى الساحل الغربي صراحه بالطريق ابداع طبعا راكب قدام

لكن لا جيت للبر والارض المعفوله من السكك مالك سنع تصدق ان المساعد الامامي انكسر كسر

بعدين ايطامر وغير مريح ابد

وحنا مترفقين عليه ترفق مايحتاج

التوازن ولا برياااال جينا محلات عاديه بغى ينقلب

المهم رجعنا للرياض وحنا نقول عسى يوصلنا بس



انا سمعت انهم يركبون يايات استراليه لكن متى بعد مابعت السياره ولا جربت

السياره زينه في حالات

1- راعي بر على خفيف
2- اذا رحت للبر تروح محلات نظيفه مافيها سكك ولا فيها يعني مثلا زي الدهناء يطربك لانك اذا رحت الى ارض معفوله راح تعرف وش معنا كلامي
3 - المحافظه على السياره

انا اؤيد كلام اخوي مقلع الرمث بنسبة 80% بالكلام اللي قاله واعرف ان هذا الكلام بيزعل بعض الشباب علينا المهم انا اتكلم من واقع تجربه وكان معي 2006 وتوي بايعه انا اقول اذا تقدر على fj ولا برادو 6 سرندل والله احسن لك 100 مره وبالنسبه لسؤالك عن مسامير الثلاجه في الشكل الجديد هي صراحه خفت مو زي الموديلات اللي قبل لان يوم جيت اشتريه جلست اسئل عنه ولقيت ناس موظبين سياراتهم بس قليل وبعد ما سوت نيسان عرض عليه وكان العرض تدفع نص القيمه والباقي بعد 3 سنوات فيه واحد من الزملاء دق علي وقال خل نروح للوكاله نشوف لانه بياخذ واحد ويبي يستشيرني قلت مشينا يوم جينا للوكاله لقت موديلات جديده مخبطه عندهم يا 2008 او 2009 وهي ما مشت شي يوم شاف الدعوى كذا قال هونت ،،، بس الشهاده لله انها نسبه بسيطه خراب المكينه في الشكل الجديد مو زي القديم ،،، وانت استخر قبل كل شي

[HAS5SAN]

يا ناس أسألكم بالله
هل ينقص زيت المكينة
من موديل 2006
وجاي سألتكم بالله

[عصاقيل الدخله]

النقص من موديل 2005 الى موديل 2003 هذا اللي الكل يعرفه
اما من موديل 2006 وطالع انا ما ينقص معي مع العلم اني ماشي عليه 5000 تقريباً بس موتري ما مشى غير 92 الف