مبروك عليكم
أخيرا الوكيل العيسائي جاب سته سلندر موديل 2014
قير تماتيك ثلاثه ألوان فقط
هذا للعلم تعرفون عاد الوكيل مايسوي دعايات
وانا بلغني واحد ورحت تاكدت بنفسي وبالفعل لقيتها
ألف مبروك
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
مبروك عليكم
أخيرا الوكيل العيسائي جاب سته سلندر موديل 2014
قير تماتيك ثلاثه ألوان فقط
هذا للعلم تعرفون عاد الوكيل مايسوي دعايات
وانا بلغني واحد ورحت تاكدت بنفسي وبالفعل لقيتها
ألف مبروك
ما فيها قير عادي؟
وكم سعرها
الوكيل سيء لكن بالنسبه لي أهم شي العروسه وماعليه في أبوها
مافيه الا قير توماتيك
وسعرها مابين 96 ألف و 99 ألف حسب عدد الطلب
طبعا سته سلندر
انا لي فتره جالس ادور لها وكنت مقرر اسافر الامارات لكن الحمد لله الوكيل جابها والسيء في الموضوع انها بدون اي اضافات او تعدد خيارات
السلام عليكم
حبيت اظيف مشاركه لكم لتعم الفائده
انا شريت ميتسوبيشي l200 سته سلندر موديل 2010
مستعمله من الامارات من رجال طيب ومحترم جدا
والسياره كانت نظيفة جدا وماشيه قرابه 26الف كيلو متر فقط
وجبتها السعوديه وتمت معاي ما يقارب السنه
لكن صادفتني مشكله وهي السياره كانت مع المطب تطفي ولا تشتغل دخلتها الوكاله بفلوسي طبعا رفظوا يستقبلونها لانها خليجيه وقالوا لي السياره تمام ومافيها شي بس سوينا تصفيه مكينه وظبطت
طلعت من الوكاله ما كملت 50 كيلو واكل مطب في الشارع وتطفي علي مره ثانيه كلمت وكاله الامارات لنها كانت على الظمان وقالوا لي جيبها ونشوف مشكلتها لكن بعد المكان وكلفة الشحن والروحه هناك كانت عائق فوديتها عند كهربائي ممتاز وجلس عليها حوالي ثلاث ايام واخيرا اكتشف سلك طالع من فيوز العلبه اللي داخل السياره وسلك من علبه الفيوز اللي بالكبوت محترقه
وغيرها لي وانا من موقفها هذي كرهتها وبعتها لواحد من الشباب ومازالت معاه وما شاء الله ما اشتكت
مميزاتها
بمختصر مفيد راكب جيب مستوبيشي بس على ونيت
قوييه جدا
وعزمها ممتاز جدا
ورساوتها خياليه بشكل لا توصف
عيوبها
قاسيه جدا جدا جدا جدا
صرفيه البنزين خياليه جدا تعبي فل تمشي اكثر من 140 ما توصلك بين الدمام والرياض
صناعة تايلندية (اقصد انها فقدت جودة الياباني )
فقط حبيت اشاركم
والله يبارك لسياراتكم جميع
مرحبا أخواني .,
معي L200 ديزل 4 سلندر
بغيت ازيد من قوة السياره
فهل من حل او أفكار
مستمع لكم
بعض الصور لسيارتي المتواضعه :-
الله يبارك لك بالموتر صور حلوه
اللهـــم أمين .,
والله لا يهينك , وبنتظار عودة التفاعل بالموضوع والخروج بالفائده .،
السلام عليكم ورحمة الله ..
يـا جمـاعـة الخيــر محـتــار بين الأسيزو والميتسوبيشي .. لي شهرين افكر مين اشتري
الميتسوبيشي مضيق صدري فيه موضوع القساوة وصرف البنزين .. والاسيزو مضيق
صدري فيه موضوع المحرك الديزل وصوته .. مدري وش الرأي يا أهل الميتسوبيشي
عطونا العلم الي يجمد عليه الشارب الله يجزاكم خير يا أخوان .
الرابطة ميته الله المستعان .
السلام عليكم
أخواني أعضاء الرابطة الكرام ناوي بإذن الله على ميتسوبيشي L200 سته سرندل 2014
ومريت الوكالة اليوم يقول فيه عرض على موديل 2014 من 96 الف صار الحين ب 90 الف وشوي
وش رايكم بالموتر بشكل عام
السلام عليكم
بداية يسعدني انظمامي لكم اخواني
طبعا بعد مقارنات كثيرة عملتها بين الـ l200
و اكثر من سيارة من نفس الفئه
و الي منها الهايلكس و الددسن و النفارا و الايسوزو
و غيرها كثير
تفوقت عليهم كلهم الـ l200
و هذا لسبب واضح و الي هو حجم الماكينه
و الي ما في عندنا بالسوق الخليجي عموما سيارة منافس لها
على انه فيه خارج الخيلج بعض السيارات مثل الهوندا و الجمس
طبعا السيارة مظلومه من قبل الوكيل
القطع غاليه و صعب توفرها
من ناحية الميزات الاخون ما قصروا
اما من ناحية المساوء
عندي ثنتين
ضيف السيارة و الصرفية العاليه للبنزين
لكن الصرفية اعتبرها ضربيه للقوه
عند مقارنتي لها مع بعض النافسين لها
تفوقت عليهم بعدد الاحصنه الـ l200 تقريبا 195 حصان
اما باقي المنافسين بحدود الـ 170 او 160 حصان
اما العزم 35 مقابل عزم اقل من باقي المنافسين
و الوحيد الي عزمه مقارب لها هو الايسوزو
و بعد الدراسة و المقارنات تم الشراء بحمد الله
موديل 2008 قير عادي
و بعد التجربه السيارة ممتازه في البر
ما تصلح للطرق السريعة
خزان بنزين صغير ليته كان اكبر مقارنة بالهايلكس و خصوصا انه الـ l200 مكينتها اكبر و هذا يعني صرفية اكثر
السيارة مثل ما قلت ممتازه في البر لولا صغر حجم خزان البنزين
و بدون مبالغه في اخر مره طلعت فيها بر
سحبت اكثر من خمس سيارات .. ما شاء الله
اذكر منهم
1- فورد اكسبدشن دبل 2010
2- جمس سيرا بدون دبل 2005
3-باص نيسان 15 راكب
4- لاندكروزر 95
5- فورد كروان فكتوريا 2005
ما شاء الله
و اذا تبون نصيحتي
لو تغيرون الكفرات للاعرض شوي
بتلاحظون الفرق
تحياااتي
الجيل الجديد من هذة السيارة بدأ البيع فيها بتايلند
السلام عليكم
ياخوان عندي استفسار ميتسوبيشي L200 موديل 2012 نظيف اربعة سرندل بنزين غمارة وحدة ممشاها حول 55 الف كم قيمتها في السوق لاني ماعندي معرفه ابد فيها وشكرا لكم
السلام عليكم
يالربع العيسائي يجيب بعد من السبورتيرو وكم سعرها ولو قارنتوا بينها وبين الهايلكس الدبل وش الافضل
الذين يشاهدون الموضوع الآن: 1 (0 من الأعضاء و 1 زائر)