الهرفي اللباني وطبخه بريه مع نجوم مكشاتيه[رعد الصحراء , الكايف, أبو مشعل , قرناس صلا]

[ألأطلسي]

المرتاع
حمد حمد
راعي المعارض
محب الشبه
سعودالحربي
لاهنتوا ومشكورين وماقصرتوا
الله لايحرمني منكم

[ألأطلسي]

وش هالابداع أخوي الأطلسي

ما شاء الله عليكم

قمة في كل شي

المكان

النظافة

الجودة

حسن الترتيب

اختيار الصور

جمال الشعيب وروعته

يا مال العافية

وعليكم بالعافية

والله ان خوتكم تنشرى يا غالي

موضوع يستحق النجوم الخمس وبجدارة

هلا والله مشرفنا الخلوق والمميز
لاهنت على المرور والتقييم ولي الشرف في ذلك

[ألأطلسي]

وعليكم السلام ورحمة الله وبركاته

ماشاء الله تبارك الله

وعاد الاسد الى عرينه
الله يخلف عليك بالدنيا والاخره
والله ماجا منك قصور ياأبوعبدالرحمن
تسببت بجمعتنا على الخير والمحبه
الله يجمعنا وإياك ووالدينا بجنات النعيم
الحمد لله انه مافتتن هالرحله وتشرفت بالجلو س مع الغالين ابو مشعل وقرناس صلا
بتشريفكم ووجد رعد الصحراء ووجود الاخ الغالي الحاظر الغائب ابوعايد نهاراً وابوعايض ليلاً
والله ان هالرحله له طعم خاص وبذات بعدم وجود رز ابوسيوف
اشكر الاخوه على حظورهم والله يستر عليهم بالدنيا والاخره

ابوعبدالرحمن بارك الله فيك ورحم الله والديك

تقبل اجمل تحياتي
محبك أبوصالح

والسلام عليكم

هلا والله بالعمده
والله يابوصالح مادري وين اوديك
لاهنت وبيض الله وجهك
المجال مايسمح اعدد افعالك وصفاتك
لايعلم الكثير انك الداعم الاساسي للموضوع وابو الرحله كلها
بيض الله وجهك وانت في غنى عن المديح
بس تكفى ريحني من اللي خرب البريموس

ياسعد عيني بك

[ألأطلسي]

مشاء الله تبارك أجتماع طيب ربي يجعكم فى الفردوس الاعلى

والطبخة ماشاء الله تبارك الله كلمة تفر المخ ومعاها المعدة بعد
قليلة بحقها أكيد أجتماع قنصلتو الطبخ المكشاتي
ربي يسعدك أخوي الاطلسي على نقل هذا الاجتماع الله لا بفرقكم

أخوك ابو خالد

هلا بوخالد نور الموضوع وتسلم على الدعاء والاطراء

ماعليك زود الله لايهينك ويسلم رأسك

[ألأطلسي]

الله يعطيك العاااافيه

طيب البريمس هذا من وين مشترينة وكم سعره

الله يسعدك اللي تحاول تسعد ربعك

الله يعافيك ويرحم والديك على الرد
بالنسبه للبريموس والله ماهولي
حق واحد من الشباب
اسعدني ردك الطيب

[faad]

ماشاء الله تبارك الله على هذه الرحلة المميزة والطبخة المفيدة

faad

[abo_yagoob]

ماشاء الله عليكم شغل عدل ونظيف

طلعه موفقه

[القنصل,,,]

شغل عدل وطلعه ممتازه
علمي بقطن قبل 4 سنوات بشر عساه ربع
عندي ملاحضتين
اول شي يوم ذبحتو الطلي انا انقهرت على الشراع اللي مخربه الدم اشوف ان الشراع زين وكبير
والشي الثاني الكشنه احس ان الشيف احرق البصل كني احس بطعم مراره

يعطيك العافيه الاطلسي ممتع ومبدع

[سعود محمد]

يعطيك العافية

[أبو مشعل]

وعليكم السلام ورحمة الله وبركاته

من رافقك والله حشي مايخليك,,,
لو عاشرك كل الدهر مايملك ..

انا اشهد اني حرت مدري شسميك ,,,
كل الخصال النادره ينتمن لك..

الطيب كنه شابك ايديه بأيديك ,,
ان كان له صاحب فهو صاحبلك

الله يجمعنا في الجنه مع والدينا و والديكم ولا يفرقنا الي علي طاعته

والصورة هذي شي جميل



اسعدني وشرفني بتعرف عن قرب برحال مكشات

ابو عبدالرحمن,,,,ابو صالح,,,,,ابو عبدالمجيد,,,,,ابو عمر,,,,,ابو عايد

اشكرك علي الروح الطيبه و المرحه الله يزيدك ويحرصك من العين

أخيك

أبو مشعل

[أخت البنات]

اخوي الكريم.. الأطلسي
وماشاء الله لاقوة الابالله
طلعه كايفه وتنزف كرم وابداع تسلم ايدين من طبخ وشارك..
الله يديم الصحبه الوفيه يارب
الله يعطيك العافيه..
وعليكم بـ1000 صحه وهنا..

[راعي الحزم]

حرام عليك وش هالشغل السنع والله لو دريت بربع هذا لأجي ولو بالريوس وأترك المزرعة وشغلها
ماشاء الله عليكم وأنت يالأطلسي كريم ولد كريم وعسى الله يعيننا على رد جمايلك

[شبهان]

قوم وانحرني وحسحس كرعاني

[هاوي الحطب]

أنشهد أنكم مطانيخ وطلقين الشوارب الله يوفقكم بصراحه طبخه وموقع تحسدون عليها وشكراً

[عناز الحره]

اااااااااااااخ بس يابو عبدالرحمن لونى قريب منكم وكنت وقتهااا دارى عن طلعتكم والله لطب عليكم وانتم مانتم دااااااااارين ههههههههههههههه الله يسعدك على هالشغل النضيف بعدين الخروف من زينه ودك تاكله وهو حى
ولاحنااا مسامحينك الا نبى زى هالطبخه