ما الحيوان الاكثر ربحيه ليت الجميع يتناقش معنى

[حمد حمد]

أخوي وبل الامطار . ارجو ان تتقبل ملاحظتي اخي العزيز الاوهي . ان الابل لم تخلق من السحاب وانما خلقت من (النار) وهو الثابت في أحاديث الرسول صلى الله عليه وسلم . وبامكانك الاتصال على اي شيخ . ولك مني كل الشكر اخي العزيز

عاشق طابه اتفق معك

وكلامك صحيح 100%

تقبلوا شكري

[فارس العيون]

الخيل معقود في نواصيها الخير...

الخيل ولاتعدا

[ابرق المستوي]

اخوي دبدوب محبوب اقول ( وجهاً تعرفه ولا وجهاً تنكره ) خلك على النعيم ما دام لك خبره فيها وعلى ماقالوا ( الغنم غنيمه ) والنعيم معروفه تأكل الاخضر واليابس هههههههههههههه يعني ماتوفر شي في المرعى
ولابأس قليلاً من المعيز علشان الحليب ههههه والله يرزقك ان شاء الله

[قزيزالنعام]

دبدوب محبوب سافر استراليا وخذلك 300ناقه بلاش وشتر 4سكسات من الغاله وشحنها وخلك في استراليا وخذلك ارفياعات من العراق رعيان وشد ونزل وربيع وخير ولا علاف ووناسه وبتصرف عليك حكومه استراليا وان ارفضو ابطح عليهم

[راعي الدستن11]

اجل تتحرك دراهمك يالطيب وهاوين المواشي عليك بتجاره المواشي وليس التربيه دورلك غنم جمله يبن اعلاف واعلفهن وقطعهن وبيعهن افراد ولا دور لك مقاني طيبه مضاريع ولا دفيع وخل وقت شراهن بحيث ولادتهن توافق ان عيالهن يضحن بس تبي النصيحه ابتعد عن التربيه مليون قدم . وعليك بالاسواق اهم شي اعرف السوق ووش الملطوب بالسوق اللي بديرتك نصيحه طب السوق وسعر وشف وش المطلوب بالسوق ثم استشر الثقات من اهل السوق باول شرياتك ومع الوقت تتلقى نفسك صار عندك خبره بالسوق ...

وعسالله يوفقك ويرزقك ...

[كتام]

السلام عليكم
صراحه ما كنت بشارك بس ردود الأخوان الطريفه و الجاده في نفس الوقت جذبتني.
نصيحه ياخووووي بالبدوي الفصيح
إذا تبي تجاره .....إببببعد عن البل...وخاصه إذا مالك فيها خبره.
حط غنم إفتح محل إشتر أرض ..أي شي ...إلا التجاره في البل.

البل ونااااسه...و وسعة صدر ...ومعرفة رياجيل......بس مافيها مرابح و خاصه للرجال إللي وضعه المادي ضعيف.

انا اقول الكلام هذا ...و انا راعي إبل..يعني مجرب و شايف الإمور هذي.
تقبل مروري

كتام

[دبدوب محبوب]

ابو منصور بارك الله فيك عز الله انك جبتها فانت راعيها وادرابها وانا اباخذ بهالنصيحة وابعد عنهن الله يبارك فيك
اخوي من البدائع حياك وحي طلتك كلامك ما عليه زود وهذي الاقرب في بالي وان شاء الله اني ابي ابداء بهن
اخوي الزبيدي صدقت لا ندمت عز الله انها نصيحة توخذ واحطها بين عيوني وتسلم عيونك
اخوي النبع الصافي اي بالله شغل الحضرمي يبيله حضرمي
اخوي سعود التأرنب يبيله شغل متعب وتشكر على مرورك
اخوي عاشق طابه الملاحظه هذي لنا جميعا عافاك الله وبالنسبه للبل هونت عنها والمعزى هي الي سيطرت على البال
اخوي حمد حمد شكرا لك على المرور والتاكيد
اخوي فارس العيون اي بالله الخيل مالي غناة عنها لاكن التنويع بين نوع نوع
اخوي ابرق المستوي صدقت لاكن النعيم اتعبني وابحول من نصايح الاخوان على المعزى ولا هيب بعيده عن النعيم من ناحية الاكل كلهن مفاجيع هههههههه الاخضر واليابس شكرا لك
اخوي قزيز انعام وين سالفتك سالفه وهههههههه والله ياهي يبيلها تخطيط وتدبير و نصوص وراي طبيت بمواد البنات بس عافك الله اقتراح قد يستفيد منه البعض؟
اخوي راعي الدستن هلا بطلتك ولا عدمناك هالشغله ممتازه جاري دراستها...
اخوي كتام الحمدلله اخوي انك شاركت معنى لان الفايده للجميع وتفيدنا من خبرتك وهذا انت افدتنا بالابتعاد عن البل وسيتم الابتعاد
الشكر والثناء للجميع على الاقتراحات و الملاحظات ولازلنا بحاجة للمزيد من خبرات الاخوان في تربية وتجارة الحيوانات

[الصــرح]

من رأيي الناحية الجمالية (المزايين )

مطلب الجميع

فالأغنام النوادر من الشامية والحجازية والعوارض

فيها مجال ربحي فائق

وكذلك الخيل والإبل

حتى الطيور (حمام+دجاج) فيها مكاسب خيالية

شخصياً أعرف شخص باكستاني يبيع الدواجن

(ديك+دجاجتين)= بخمسة عشر ألف ريـال

وأهم شيء قبل البدء بأي مشروع عليك بالإستخارة

وأخذ الخبرة من أهلها

[وبل الامطار]

أخوي وبل الامطار . ارجو ان تتقبل ملاحظتي اخي العزيز الاوهي . ان الابل لم تخلق من السحاب وانما خلقت من (النار) وهو الثابت في أحاديث الرسول صلى الله عليه وسلم . وبامكانك الاتصال على اي شيخ . ولك مني كل الشكر اخي العزيز

اخوي انا ماني معك الابل ليست مخلوقة من نار وانا اتصلت على عدد من الشيوخ بعدين الله ذكرها في اكثرمن اية منافعاها للناس كثيرة

[مدور مهره]

مالك الا شيي

ياتشتري ناقه موطي قريب ولادتها
ولافرس انتاج فاضيه

تشبيها من مياح ولا الشطير ولا على نار من الفحول السبق

ولما يجيك منها مهر ولا مهره عمر سنه تبيعه فوق الثلاثين الي 70 الف العالم كذى

الفرس تلقها ب15 وحولها

[طالب المعرفه]

عن قولة ليش ما شاركت


اخوي اذا تبي نصيحتي

عليك بالزين بالزين بالزين وقلله ودلله

ادخل اي مجال غنم نجد نعيم معزا ابل اي لون بس عليك بالزين الزين زين ولا تشاور احد


وعليك بالفحل اي شي دخلته حتى لو اكرمكم الله قطاوه علن قايم سوقها ذا اليومين


عليك بالفحل اشتر بمية الف 000ر100 اناث و000ر100 فحل


وقبل كل شي عليك بالمكان الزين والنظافه سوا غنم او ابل او خيل


وكل شي بتوفيق الله سبحانه

[ابو قحط 505]

تبغا النصيحه الطيبه

الخيل ثما الخيل

مثال رقم 1

قول انك شريت فرس عربيه بدون اوراق

ب 13 الف

لقحت ولدت جبت مهر اقل ما تبيع المهر 3 الاف او جابت مهره اقل ما تبيعها 7500

تصرف على الراس الواحد من 200 الى 300 ريال شهرين علف

قول التكلفه سنوين 3000 ريال يعني اذا جبت مهر كنها قاعده عندك لتسليه فقط اكله شاربه ببلاش

او جابت مهره مصاريف الفرس 3000ناقص قيمت المهره7500 ريال =ربح 4 الاف
.................................................. .................................................. ...

مثال رقم 2

ول انك شريت فرس عربيه باوراق

ب 70 الف

لقحت ولدت جبت مهر اقل ما تبيع المهر 7500 الاف او جابت مهره اقل ما تبيعها 45الف

تصرف على الراس الواحد من 200 الى 300 ريال شهرين علف

قول التكلفه سنوين 3000 ريال يعني اذا جبت مهر التكلفه سنوين 3000 ناقص7500 القيمه=الربح4الف

او جابت مهره مصاريف الفرس 3000ناقص قيمت المهره45000 ريال =ربح 43 الاف

[راعي الدستن11]

ونصييييييييييييييييييييييييييييييييحه اشوف اكثر الشباب وصوك بالمعزى هج عنهن الفين كيلو اسالني عنهن واحد من الجماعه له 15 سنه عنده معزى عوارض ماعين منهن خير يوكلن انفسهن ويجيبن مربح بسيييط لكن كتجاره ماعين منهن شي يذكر مع انه يبيع منهن بقيام غاليه لكن امراضهن واجد وموتهن واجد واوبائهن واجد ومناعتهن ضعيفه اي شي ياثر فيها برد ياثر فيها حر ياثر فيها المعزى حلال شبك وسخين وتويسات مزمزه لكن تجاره اسمح لي اقولك ابعد عنهن ..

[أبو علوى]

جزاكم الله خير بمشاركاتكم

جدا جدا مشاركاتكم قيمة وأخص ناس بس ماني معلم بهم

ياخوي دبدوب محبوب الغنم قال عنها الرسول صلى الله عليه وسلم بركة

والله ما أدري وش أقول الزبدة مد رجولك على قد لحافك ومشكور على الموضوع الطيب

تحياتي إلك

[BLACK-_-LOVE]

خذلك ارانب وحطها في اي مكان وهي تدبر عمرها

والارنب الوحده تولد من 5 الى 15