كل عام وانتم بخير يا اخوان الموضوع مهم جداً بس اهم شئ انك تركب الأصلي وتركب المراوح عند واحد فاهم
ورداً على الأخ الضاري والأخ صالح لازم تفك المراوح الأصلية
وكل عام وانتم بخير وعساكم من عوادة
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
كل عام وانتم بخير يا اخوان الموضوع مهم جداً بس اهم شئ انك تركب الأصلي وتركب المراوح عند واحد فاهم
ورداً على الأخ الضاري والأخ صالح لازم تفك المراوح الأصلية
وكل عام وانتم بخير وعساكم من عوادة
اشكرك اخ الشمطري على الرد
وكل عام وانت بخير
طيب هل يلغى الضمان بهذي الحركة
بسم الله الرحمن الرحيم
اخواني كل عام وأنتم بخير 0،،،،،
انا لي قصة حب مدتها 3 سنوات مع مراوح الكهرب وأنتهت بالطلاق ركبتها على جيب ربع وركبتها على يوكن 0
البدايه :
جيب الربع سلكت معي نوعاً ماء وبعته وهي فيه
اليوكن الغيت مروحة المكينه وركبت مروحة فورد ميركوري كبيرة ومروحة فلفو بصراحه خف عزم الموتر جداًجداً وراحت حنته وفي النفود يعطيك عزم غير طبيعي ويقلل من صرف الوقود وانس ترتفع الحراره ويوم بعديوم اتضحلي ان العشره بيننا مستحيله أولاً : كل ثلاث شهور تغير البطارية والسبب هو ان مولد الكهرباء مخصص لسيارة بدون مراوح كهربائيه يعني اليوكن قوة المولد شد البلد تجي ( 80 أمبير ) بينما جميع السيارات الجديده التي تعمل على مراوح كهربائيه تصل بعضها الى ( 150 أمبير ) وهذ ا يؤثر على المولد الأساسي والبطاريات وتقعد رايح جاي للصناعيه المهم رهمت مولد كابرس أس أس وكل غير بكره غير سير ومش حالك في يوم من الأيام احترق الكتاوت وماأنتبهت له وقفت المراوح عن العمل ونزلت من السيارة للعثيم وهي تشتغل والمكيف شغال لأن العيال في السيارة وجلست تقريباً 20 دقيقه يوم رجعت والقى مويت الرديتر واصله الدايري والحرارة على الأحمر وخبطة المكينه وكلفتني 8000 ريلا وحلفت اني معاد تستمر عشرتنا مع شي غير شد البلد والله الموفق 0،،،،،
.
حيا الله كل باسمه ..
مراوح الكهرب سلمكم الله تونا مركبينهن على هايلكس طبعاً مراوح سوبارو وكان الهدف الأول من تركيبهن التخلص من إزعاج مروحة الشد بلد اللي لها حنة مزعجة إذا اشتغلت حتى أنك بعض الأحيان إذا صرت ماسك خط ما تسمع وش يقول اللي بمرتبة ورا .. المراد ركبناهن عند أبوعبدالله اللي بمحطة السعوي والرجال ماشاء الله متمرس بهالشغلة .. طبعاً تحتاج المراوح إلى حساس حرارة بحيث إذا وصلت الحرارة لدرجة معينة تشتغل المراوح وأنت ورغبتك بنوع الحساس إذا تبي الحرارة تاصل النصف أو الثلث أو الربع .. ويركب مع الحساس فاصل تقدر تشغل به المراوح حتى لو ما ارتفعت الحرارة وغالباً ما يشغل وقت المطاعس أو في حال تعطل الحساس .. المهم النتيجة هي ذهاب إزعاج المراوح الشد بلد و تغير العزم للأفضل و قلة صرفية البنزين نسبياً ..
وأخير منها ركعتين بالاسحار *** لا طاب نوم اللي حياته خسارة
السلام عليكم ورحمة الله وبركاته
ياالشاص بالله وصفلي المحل ولا عليك امر
نسيت أقول أنك لازم تحرص أن :
- تكون الكتاوت أصلية
- الأسلاك متينة .
- التمديد ممتاز ومخفي .
- المراوح مثبته بمسامير تثبيت جيد لأنه إذا ماثبتت زين يمكن تطيح أو تنكسر و تشق الأديتر .
- يكون التركيب على نفس مسامير المروحة الشد بلد يعني ماتخرم من جديد للمراوح عشان إذا بغيت تفكهن ماتبين .
- تكون معك المروحة الشد بلد إذا كنت بتبعد بالبر من باب الاحتياط إذا صار شي بمراوح الكهرب تركب الشد بلد .
وبالنسبة لضمان الوكالة طبعاً إذا وديته بالمراوح ما يطيعون يدخلونه على الضمان لكن إذا اضطريت فك المراوح ورجعه مثل ماكان
حياك أخوي أسد رغبة .. الوصف سلمك الله تدخل مع مخرج 16 (السلي) متجه الى سكن الحرس الوطني حتى تجيك أشارة سمنان(تقريباً خامس إشارة ) ترجع معها يعني تديور وأول محطة على يدك اليمين بها صراف الراحجي تلقى الورشة فيها الميكانيكي سعودي اسمه أبو عبدالله ولازم تاخذ موعد قبل لأن عنده زحمة وهذا جواله 0552222006 عبدالرحمن الدغيري .
اخواني هل مراوح السوبارو الكهربائية الجديدة
تاتي مروحة واحدة لاني اتصلت على واحد في ديرتي اخبرني
انه يوجد مروحة واحدة كهربائية
مشكور ياالشاص ماقصرت وبيض الله وجهك
اللي اعرفه يااخوي يا المسافر ان مروحه السبارو تجي مروحه وحده بس كهربائيه طبعا
السلام عليكم
انا استغرب من الشباب في تركيب المراوح لو كانت ما فيها اي مشاكل كان تجيك شد بلد انا عندي اقتناع ان اي تغير في السياره عن شد البلد يسبب مشاكل للسياره لو بعد فتره
والراي لكم يا مكشاتيين
الأخ : الأحوذي
يوجد بارك الله فيك بعض أنواع السيارات الجديدة مراوح كهرباء شد بلد
وأنا أوافقك الرأي أنها تخوف نوعآ ما في الأماكن البعيدة ، لكن قبل االمقناص تأكد أن التسليك سليم وخذ معك المروحة
مع كلتشها والمسامير ( شد بلد ) من باب الإحتياط
علمآ أني أستخدمها على سيارتي من 4 سنوات وكل شي على مايرام والحمدلله .
يعطيك العافية يا أبو منصور
شرح وافي وصور طيبة ....
...
لا تفكر ولا تحتار غير الاسيزو لا تختار
:heart::heart: جمعني الله واياكم في رياض الجنة :heart::heart:
أخوكم أبو حمود
:D ;)
هل ممكن تركيب مروحة السوبارو على يوكن 2002 امريكي طبعا ابيها تشتغل مع المكيف فقط لأني اذا شغلت المكيف والسياره واقفه ترتفع الحراره وتقترب من الاحمر .... وكم تكلفتها كامله لليوكن
الذين يشاهدون الموضوع الآن: 1 (0 من الأعضاء و 1 زائر)