طريقة تركيب المراوح الكهرباء بالصور

[شروكي ربع]

كثر السؤال عن المراوح وطريقة تركيبها و الحرص عليها ..

وخذوها مني نصيحة السيارات اللتي لا تشتكي من حرارة لا تتفلسف فيها و تغير مراوحها .

الا اذا كانت مروحة البلد مزعجة وصوتها مرتفع ولو اني افضلها على الكهرب .

اما السيارات التي تشتكي او يرغب اصحابها بتغير مراوحها يركبون اما السوباروا وسعارها 150 ريال للوحدة تزيد او تنقص (( الصغيرة ))

واما السوباروا الكبيرة اسعارها 70 ريال تزيد او تنقص .

او مراوح المكسيما وسعرها حول 400 ريال للمروحتين كما في الموضوع .

ويجيب تسليكها تسليك جيد والكتاوت مهمة وان حصل تحط فيوزات , زيادة أمان لان الكهرب مشكلة الحبرشة فيه .

بالنسبة لموتري الشروكي انا حاط مروحة وحدة سوباروا وتركت مروحة البلد الكهرب والحمد لله اموري تمام .

الموتر 98 كلاسيك .

[الرسيفر]

والله يا جماعة أنا كانت بالموتر وشلتها والسبب مرة طالعين للنفود

حنا والشباب وفجأة فقدت ربعي يا ولد وين الناس
وراجع والقاهم فاتحين الكبوت ( الله يستر )
خاصة إنه مهب وقته
ما فيه ارسال جوال
أقرب ديرة 90 كم نفود يعني ما فيه راادمية أو خط زين يعني بين هالنفد
طبعا الشباب مهب اللي تبي بالصيانة
نزلنا يا ولد وش السالفة ؟
قال المراوح ما تشتغل والحرارة H !! أو الله الحالة طيب والحل قال ما أدري حاولنا حاولنا مرة ما فيه فايدة تعرف عليمية وخفنا نحوس كهرب الموتر خاصة إنه جيب جديد 2007
قلنا مالنا ألا السحب سحبناه 60 كم بين هالنفد طبعا إذا هيار شغل ودس حتى جاء الارسال دقينا على واحد من الشباب وعلمنا كيف نشبك المراوح على طول ما تطفى يعني إذا دقيت سلف تشتغل

بعد ما رجعنا لهلنا كل الشباب فكو مراوحهم وارجعو على شد البلد

[mutleb]

أنا مع اخوي شروكي ربع ......

[معدم الظلام]

انا مركب لي مروحة سوبارو على تاهوz71بس اسمع لها صوت والشباب يقولون مالها صوت وش العلم

[معدم الظلام]

حمدالله على سلامتكم اخوي شروكي ربع مراوح الجيب حقك لها صوت مثلي

[badr.fj]

السلام عليكم ورحمة الله وبركاته
سؤال عن مراوح المرسيدس 300 و500 من حيث الكهرب هل هي اقل استهلاك للكهرباء من السوبارو وهل هي اقوى// ارجو الافاده:
واذا من ناحيت الصوت ماتفرق معي اهم شي الحراره
مع العلم ان موتري تاهو 2000