بحمد الله شرينا السوبر سفاري (مطلوب مشوره)

[فصاص]

بحمد الله تعالى تم شراء سوبر سفاري 2008 خليجي اصفار
ونبي الاستشاره في بعض الامور

- افضل انواع الكفرات للسفاري مع اني افكر في الدنلوب
- هل تنصحون بتركيب الفرارات او لا
- هل فيه امكانيه اغير البرنامج حق شاشه الملاحه لبرنامج النوفي لان لاحظت ان شاشه السفاري ماافيها خيار ادخال الاحداثيات

وهذا الي في بالي الحين

[فصاص]

وش دعوه ياشباب مكشات
ولا رد ؟؟؟

[Ahmad ss]

الله يعطيك من خيره ويكفيك شره

لو عندي اي معلومة كان قلت

بانتظار الاخوان وان شاء الله مايقصرون

[العابر2222]

بحمد الله تعالى تم شراء سوبر سفاري 2008 خليجي اصفار
ونبي الاستشاره في بعض الامور

- افضل انواع الكفرات للسفاري مع اني افكر في الدنلوب
- هل تنصحون بتركيب الفرارات او لا
- هل فيه امكانيه اغير البرنامج حق شاشه الملاحه لبرنامج النوفي لان لاحظت ان شاشه السفاري ماافيها خيار ادخال الاحداثيات

وهذا الي في بالي الحين

الله يعطيك خيره ويكفيك شره ان شاء الله

- اخوي الكفرات واجد وانواع بس انت وش مشاويرك ديرة ولا بر رمل ولا ضلع؟

انا معاي سوبر 2005 كان فيه حقت وكالته بريجستون وفكيتها مطبها قوي وتفكك الموتر وركبت دانلوب ولا صلحت كل يوم مبنشر .... وفريت ولقيت كفرات وركبتها بعد قناعه وأسمها فايرستون يابانية اصليه (الشركة المصنعه نفس شركة البيرجستون) الكفرات ألين من البريجستون بوااجد واقسى من الدانلوب بشوي يعني حلوه وتتحمل الجلد واذا نسمت لها تفرش كأنها بالون ... خذيتها بــ 550 الوحدة نفس مقاس الوكالة


- الفرارات حلوه وزينه وتفرق بالخفه والصرفيه .... بس موترك جديد ماشاء الله يعني ما راح يفرق معك واجد ... اذا تقول بحافظ على الدفرنس والعمود من الأستهلاك فركبها وتوكل


- بالنسبة للشاشة ما عندي خبره فيها


وبالله التوفيق للجميع

[التعـ King ـديل]

- افضل انواع الكفرات للسفاري مع اني افكر في الدنلوب
الدنلوب حلو بس مقاس 16 والفايرستون حلو برضو انا معي 2005 مركب له بالون 16 ومكيف معها ومرتاح
- هل تنصحون بتركيب الفرارات او لا
شي ضروري علشان تريح عمود الدبل انا مركبها
- هل فيه امكانيه اغير البرنامج حق شاشه الملاحه لبرنامج النوفي لان لاحظت ان شاشه السفاري ماافيها خيار ادخال الاحداثيات
كان ودي اجاوبك بس مالي خبره

[بدراني جلاجل]

الف مبروك والله يطعمك من خيره ويكفيك شره يارب
معي اخو موترك والى الحين ماغيرت كفراته ولو ابغيرها ركبت دنلوب او نفس الوكاله برجستون
الفرارات مدري والله عنها وبيفيدونك الاخوان هنا
شاشة الملاحه تقدر تغير الذاكره بخرايط السياري تاخذها بـ100 ريال وتركب
واتمنى اني افدتك يالغالي واي استفسار ثاني تامر امر
تقبل مروري

[بريداوي اصليm]

الله يطعمك خيره ويكفيك شره
ما شاء الله الأخون ماقصور معك
بس إذا تبي الراحه غير البالون لاتدور

[vza]

على البركه والله يعطييك خيره ويكفيك شره

[ولد التواجر]

الله يعطيك خيره و يكفيك شره ..

ينصحون بالمكسس و الموجودين أبخص

[معشوقي الصمان]

الله يعــطيك خــيرهـ ويكــفيك شرهـ

[االعاصوف]

ما شاء الله الف مبروك

[ابوقيان]

الشباب ما قصروا بردودهم

بس بالنسبة للشاشة

اذا كانت شاشتك تقبل اللمس فيه طريقة

فيه جهاز قارمن شايفه قبل سنتين يوم كنت ادور قارمن بدار موجه
وظيفة الجهاز انه مثل ما تقول قارمن لكن بدون شاشة

فهمت علي جهاز ملاحي والعرض يكون بالشاشة الاصليه حقت السيارة
طبعاً ينشبك مع الشاشة بمخرج ( فيديو )
بس على ما اعتقد وانا اخوك انه لازم تكون شاشة السيارة تتش
اما عاد اذا طلع موديل يقبل تكون شاشة عايدية ما ادري والله

بس الجهاز هذا شايفه بدار موجه وطلعت من عندهم شريت جهاز من ( خرايط الصحراء ) نفس السعر بس الخرايط احسن

[ابوقيان]

ايوة لقيته لك اسمه قارمن
GVN ٥٣


وشوف هذا الرابط
http://www.garmin.com.sa/ar/index.ph...mart&Itemid=11

[فصاص]

الله يعطيك من خيره ويكفيك شره

لو عندي اي معلومة كان قلت

بانتظار الاخوان وان شاء الله مايقصرون

جزاك الله خير يالغالي

[فصاص]

الله يعطيك خيره ويكفيك شره ان شاء الله

- اخوي الكفرات واجد وانواع بس انت وش مشاويرك ديرة ولا بر رمل ولا ضلع؟

انا معاي سوبر 2005 كان فيه حقت وكالته بريجستون وفكيتها مطبها قوي وتفكك الموتر وركبت دانلوب ولا صلحت كل يوم مبنشر .... وفريت ولقيت كفرات وركبتها بعد قناعه وأسمها فايرستون يابانية اصليه (الشركة المصنعه نفس شركة البيرجستون) الكفرات ألين من البريجستون بوااجد واقسى من الدانلوب بشوي يعني حلوه وتتحمل الجلد واذا نسمت لها تفرش كأنها بالون ... خذيتها بــ 550 الوحدة نفس مقاس الوكالة


- الفرارات حلوه وزينه وتفرق بالخفه والصرفيه .... بس موترك جديد ماشاء الله يعني ما راح يفرق معك واجد ... اذا تقول بحافظ على الدفرنس والعمود من الأستهلاك فركبها وتوكل


- بالنسبة للشاشة ما عندي خبره فيها


وبالله التوفيق للجميع

حياك الله اخوي العابر والله يجزاك خير

الفاير ستون مالي بها علم والله ومشاويري بتاع كله مدينه نفود وشعبان
ميزه الدنلوب انه يفرش على 15 وبعض الكفرات لازم 10 ويالله

من جد شي يحير