الوا الحكماء قديما
@لا تصاحب الشريف
@لاتزوج البخيل
@سرك لا تعلم به زوجتك
قصه كامله تروى لكم من مجربها
يحكي ان رجل عنده ولد وبنتين
مات الرجل وبقي الولد والبنتين وامهم كبروا جاء الكريم عند الرجل معاه فوق الذلول سلتين تمر قال الرجل اخاطب بنتكم ومعاندي غير الذلول وسلتين تمر قاله الرجال حياك الله حنا نشتري الرجال زوج اخته للرجال وراحت معاه
مرت الايام وجا واحد لخته الثانيه يخطب هذا البخيل
وعنده اموا ل لكنه بخيل جا عند الرجال يخطب اخته قاله حياك الله دفع المهر اللي يبغاه للبنت يعني ان هذا الرجال بس يريد البنت مايريد اهلها
مرت الايام ولازم الرجال يجرب الرياجيل اللي ينفعك وقت الشدايد تحطه على يمناك واللي ماينفعك تتركه
الرجال هذا تذكر وصايه ابوه
اللي في اول القصه
الرجال يشتغل مع احد رؤسا
مكه كان شريف مكه
مرت الايام والسنين هذا الرجال صديقه شريف مكه صداقه قويه ولكن
ام شي عند الرجال نفسه واللي يملكه كل شي عنده يروح حتى الصداقه ولا يسامحه بحكم الصداقه اللي بينهم دعونا نكمل باقي القصه
جا هذا الرجل وتذكر وصايه ابوه الثالثه
للشريف غزاله في قفص في احدى مزارع بمكه
الرجال هذا سرق غزاله الشريف
واخفاها عنده دون علم احد
مسك تيس وذبحه وقربه عند امه وقال تريدين لحم يمه قالت ايه ياوليدي بس العين بصيره واليد قصيره
قال يمه هذا لحم غزال
بس لاتعلمين احد قالت ذبحت غزاله الشريف ياويلنا منه قال يمه لاتعلمين احد قالت طيب وانا امك
راحت الام لاحد جا راتها وقالت ولد ي ذبح غزاله الشريف لاتعلمين يا فلانه الحرمه هاذي راحت للحرمه ثانيه قالت فلانه ولدها ذبح غزاله الشريف لا تعلمين حد انتقل الخبر من حرمه للحرمه الي ان وصل الخبر الي زوجه الشريف علمت زوجه الشريف زوجها مسك الرجال دخله السجن والمشكله انه خويه يعمل معاه لكن هاذي خوه الشريف
المهم قال الشريف للرجال اللي سجنه اطلعك بشرط تعطيني مائه ناقه
قال الرجال خلاص المهم طلع الرجال الان يبي يجرب ارحامه الكريم والبخيل
اخذ الرجال ذلوله ومسح الذلول بزيت اسود
مشى الرجال للرحيمه البخيل جا عنده بذلوله قال للرحيمه البخيل ترى جمل حقي اجرب يبي يجرب رحيمه تراه ويش يقول قال رحيمه للعياله ابعدوا الجمل اخفوه ورى الوادي قاله انا احصلي كذا وكذا لمهم ما لا قي شي عنده ولا نفع رحيمه مشى بذلوله للرحيمه الكريم جا بذلوله عند رحيمه وقال يا فلان ترى جملي اجرب قال رحيمه لاولاده
امسكوا ذلول خالكم وخلوه يمرح مع النياق وشربوه ماء قام رحيمه الكريم احواله مصلحه يرحب برحيمه يا هلا يا مرحبا وذبحه وعشاه وعلم الرجال رحيمه كل ماجرى قاله الامر بسيط انشاء الله وامرح عندنا لبكره وبكره خير انشاء الله
بات الرجال عند رحيمه وصبح الصبح راح الرجال لكريم للربعه وجماعته ومعه 100
حبل صاح الرجال الكريم للربعه قال ربعي ياربع السعد تكفون رحيمه جراه كذا وكذا وشرط عليه الشريف بميه ناقه رمي الحبال على الارض وكلن جا وخذ الحبل وربطه بناقته وعطاه الكريم
لين وصلت ميه ناقه
مشوا الكريم ورحيمه للشريف قبل مايصلون الشريف راح الرجال وفك غزاله الشريف وجابها عند الشريف وقاله انا ماذبحت غزالتك ولكن انفذ وصيه ابوي
وعلم الشريف بكل شي امر الشريف كل ناقه تحمل بدقيق ورز وتمر
اخذ الكريم النياق محمله برزاق الله للربعه وكل ناقه عطاها راعيها
اتمنى انكم استفدتوا من القصه ولفقر مو عيب على الرجال
وسلامتكم
15 نوفمبر 2015 - 16:514 نوفمبر 2015 - 21:27
 |
رد مع اقتباس
