لكل من يريد استيراد سيارة ارجو الدخول قبل الاستيراد مهم جداً

[abokhalid]

اخي الكريم سؤال في غاية الاهمية
انا اعمل خارج المملكة واشتريت سيارة موديل 2006 وارغب في استعمالها لمدة تقارب ثلاث سنوات ثم اشحنها للسعودية وقرأت شرط يقول ان استيراد السيارة يجب ان يكون لخمس سنوات من موديل السيارة فهل معنى هذا انني لا استطيع شحن السيارة للسعودية بعد ثلاث سنوات من الآن اي عندما يمر على موديل السيارة تقريبا 8 سنوات ؟؟
وهل هناك استثناء للعاملين السعوديين في الخارج ان كانت الاجابة انه لا يمكن استيرادها ؟
ارجو الرد لأهميته في اتخاذ قرار استراتيجي ولك شكري

حياك الله اخوي sunset111 بخصوص موديل 2006 هو الان مسموح بأستيرادة الى نهاية عام 2011 وبخصوص الطلاب والدبلوماسيين السعودين العاملين خارج المملكة لهم الحق في استيراد سياراتهم التي كانو يمتلكونها حيث ان لهم استثناء من الموديل بشرط ان يحضر اثبات من السفارة السعودية في الخارج

[ساهر111]

السلام عليكم ورحمه الله وبركاته
اخوي انا عندي سياره موديل 2002 ومازالت جمارك وورقه الجمارك السعوديه ضاعت وورقه الجمارك الاماراتيه موجوده وابي اغير اللوحات واطلع استماره وش الحل

[سكناااان]

مشكوووووور

[ibrahiem21]

أخوي الله يجزاك خير ويوفقك

السيارات اللي عمرها أكثر من 30 سنه

يا ليت تشرح لنا أكثر شلون أقتناء يعني ما تقدر تبيعها وش الفرق بين كونها مدون عليها

سياره اثريه

[abokhalid]

أخوي الله يجزاك خير ويوفقك

السيارات اللي عمرها أكثر من 30 سنه

يا ليت تشرح لنا أكثر شلون أقتناء يعني ما تقدر تبيعها وش الفرق بين كونها مدون عليها

سياره اثريه

اسف على عدم الرد بسرعة كنت مسافر
السيارات الاثرية المسموح بأستيرادها التي مضي عليها اكثرمن 30 عام يسمح بدخولها
بشرظ ان يدون في البطاقة الجمركية اثرية الاقتناء يعني مثل كرت العائلة تتسجل معاك ولاتباع
تحتفض بها فقط

[md7derq]

السلام عليكم

شكرا لك اخوي على هالمعلومات وعندي عدة اسئله

بخصوص السيارات الاثريه هل تطلع لها لوحات؟ يعني اقدر امشي فيها في السعودية بشكل نظامي؟
الشي الثاني هل اي سياره اقدر اجيبها حتى لو كانت مثلا بدون مكينة او بويتها لاعبه فيها الشمس او عطلانه يعني صاحبها مهملها كم سنه وباعها ؟

واخيرا هل عليها جمارك؟ والتزامات غير قيمتها وقيمة شحنها؟ واي معلومة اخرى عندك ياليت تفيدنا

ومشكور وسلمك الله

[md7derq]

طبعا انا كل اسئلتي عن السيارات الاثرية

وسؤال اضافي

هل انا محصور بالسنه ما اجيب الا سيارة واحدة فقط اثرية (اكثر من 30 سنة) او كيف نظامها؟

[md7derq]

ممكن رد لوجه الله؟

[md7derq]

؟؟؟؟؟؟؟؟؟؟

اخ ابو خال بانتظارك لا هنت

[md7derq]

؟؟؟................

[md7derq]

ينعن ابو المذله شهرين عشان ترد

بسلامتكم ما نبي شي هونا

[عاشق هلي 2005]

يمكن الرجال تعبان او عندة ظرف التمس له عذر وادع له

[YUKON_GMC]

شكرا ً على المعلومات القيمه

[راعي الرسيس]

السلام عليكم ...مشكور أخوي على المعلومات القيمه.. لكن عندي استفسار بخصوص التصدير عند أحد أصحابي موتر يبغا يصدره للإمارات جيب قديم موديل 1979م وش الاجرائة المطلوبه ارجوا الرد في اسرع وقت ممكن
وجزاك الله خير الجزاء...×

[turkiq]

الموضوع قديم لكن بنسأل عل وعسى يرد علينا احد عنده الجواب ..
اذا السيارة الاثرية بتسجل للاقتناء فقط فهل يمنع اقناء السيارات الاثرية بمقود يمين ؟؟
لان المنطق يقول مدامها غير قابلة للاستخدام المفروض ما يفرق وضع الدركسون يمين ولا يسار ولا فوق حتى ..
ولا انا غلطان ؟؟