رابطة ملاك نيسان باترول القديم فقط (حتى موديل 1987)

[مجنون الجيوب]

السلام عليكم ورحمة الله وبركاتة
سامحونا يا شباب على التأخير فقد انشغلت مع الأهل
الحمدلله جاتني مولودة جديدة وسميتها بيلسان وجت بعملية خلوها على الله
والعمل بعد اشغلني وامور كثيرة ماعندي وقت اسردها لكن عندي لكم تصبيرة
والدسم بعدين وسامحونا على القصور ما قطعني الا امور قوية

سامحونا مجدداً وارحب بالأعضاء الجدد في الرابطة مرحباً مليون
نخليكم مع التصبيرة

صور البرادلي حقي







والباقي نوافيكم به بعدين سامحونا

[turkiq]

الف الحمدلله على السلامة ومبروك البنية .. الله يبارك لكم فيها ويرزقكم برها يارب
وحياك الله من جديد اخوي .. احنا بس شفناك اختفيت سألنا نطمن ..
خذ راحتك وما قدامكم الا الخير

[مجنون الجيوب]

الف الحمدلله على السلامة ومبروك البنية .. الله يبارك لكم فيها ويرزقكم برها يارب
وحياك الله من جديد اخوي .. احنا بس شفناك اختفيت سألنا نطمن ..
خذ راحتك وما قدامكم الا الخير

الله يبارك فيك والأمور طيبة
وخلونا نفضى بس

[Abo gssar]

مبروك ماجاك والله يجعلها من مواليد السعادة .
وفي انتظار الدسم ..

[مجنون الجيوب]

الله يبارك فيك
ومبروك الحج
يابو سعود

[majeds]

الــــــــــــــــــــــــــــــــــــف مبرووووووووووك من حبك للنيسان سميتها بيلسان
الله يجعل قدومها قدوم خير ويرزقها عريس ابن حلال يكون مثل ولدك

تحياتي لك والف مبروك

[مجنون الجيوب]

امين وياكم انشالله

[هزاع الرقاص]

مبروك المولودة وتتربى في عز أبوها

[عارف العبدلي]

مبروك ماجالك رزقت الموهوب وشكرت الواهب الله يجعلها من مواليد الخير يارب
ويطرح في قدومها لك الخير ويرزقك برها ويجعلها من حفظة كتاب الله ومقتديه
بزوجات الرسول صلى الله عليه وسلم ويرزقك رضاها وتربيتها الحسنه الطيبه
وكسوتها بالمال الحلال يارب واخترت الاسم الحلو للبنت جعله يعجبها اذا
كبرت بس لاتقول وش الشايب هذا مسمينا باسم قريب من الجيب حقه
ههههههههه الله يوفقك يارب

[مسير عليهم]

الله لايهينكم ياشباب ابغى القطعه اللي تركب بين المكينه والقيربوكس

اذا بغير مكينة الجيب الى 350 وين احصلها ولا وين افصلها ولا
اللي عنده ويبغى يبيعها ولا يقدر يدبرلي وحده تكفون يعطيني
خبر والله يالربع اني مستعجل عليها فوق ماتتوقعون

احترامي

تقدر على دفع مبلغ 15000 في مكينة 350 معدله وراكبه على جيب باترول 86
والقطعه موجوده وشاريها من استراليا ومكلفتني 4000 وشوي

اخوي عارف انصحك اذا بتركب 350 بدون تعديل لاتركب لانها ضعيفه قوتها 190 حصان تقريباً واحسب حساب صغر القير والدفرنس بيضيع عليك

انا عدلت على مكينة 350 الى ان وصلت 400 حصان ويمكن زياده لكن صغر الدفرنسات ضيعت علي القوة

راجع ردودي السابقه بتلقى رد لي فيه صور لموتري ومقطع فيديو لصوت المكينة

[مسير عليهم]

عندي لك شور
دام انك ناوي تغيير الرفارف والشبك كملها واقلب السيارة 97 ترى ماتحتاج شي كثير.

اخوي صادق

ماودي اغير بشكل السيارة ابيها مثل الوكاله

[عارف العبدلي]

تقدر على دفع مبلغ 15000 في مكينة 350 معدله وراكبه على جيب باترول 86
والقطعه موجوده وشاريها من استراليا ومكلفتني 4000 وشوي

اخوي عارف انصحك اذا بتركب 350 بدون تعديل لاتركب لانها ضعيفه قوتها 190 حصان تقريباً واحسب حساب صغر القير والدفرنس بيضيع عليك

انا عدلت على مكينة 350 الى ان وصلت 400 حصان ويمكن زياده لكن صغر الدفرنسات ضيعت علي القوة

راجع ردودي السابقه بتلقى رد لي فيه صور لموتري ومقطع فيديو لصوت المكينة

مسير عليهم
والمقصود يعني وش اسوي يعني اللي تشوفه ومن شاور ماخاب وانا اشورك لاتخيبني
واسئلك عن خبرتك لاتقصر معاي في توجيهي على الشي الصحيح

خلك كذا

[مسير عليهم]

شوف ياعارف اذا تبي القوة فعلا لابد تعدل عليها

وبعدين بتواجه مشكلة القير كونه صغير وانا غيرت القير وركبت قير ديزل اخذته من جيب باترول85 وتبي نصيحتي ركبه لإن فيه نفس طويل يعني تخيل بنمرة 1 امشي الى 80 وفيه نفس لو تعطيه جاب 100

نرجع للزبده 350 يبي لك ترهيم كراسي وتحويله استرالية واحتمال ماتركب لإني عانيت 3 شهور افصل تحويله ولاتضبط مع القير والمكينة
ويبي لك تفصل هدرز ويبي لك مراوح كهرب ورديتر كبير في موتري اضطريت اركب رديتر لاند كروزر ومغطي حاجه التبريد

اللي بتسويه دامك منت دافع مبلغ قوي مالك الا بهارات خفيفه تطربك في البر كون القير والدفرنس صغيرة على المكينة
ركب 350 عند احد فاهم وعارف الطبخه مع فلتر رياضي وبواجي واسلاك رياضيه ولو يحصل ام سي دي يكون افضل وركب هدرز كبير وخلها تطلع من تحت الباب الامامي ومراوح كهرب

بهذي الاشياء بتعطيك المكينة بحدود 220 حصان تقريباً لكن على الكفر بيكون اقل

اذكر واحد بالشرقية قال لي تعال واركب لك المكينة وهو مجرب تركيب المكينة على الباترول القديم وحتى انه ذكر لي انه مركب 454 على باترول قديم

وحط في بالك الترهيم والتعديل يبي واحد رايق وباله طويل يعني احتمال ياخذ وقت كم شهر اذا تبي شغل طرب وبدون مشاكل

[بواردي99]

اخوي مجنون جيوب مبروك المولوده وجعلها ان شاء الله مباركه


---------------------------
اخواني رحت لراعي الرسم وقال لازم تجيب لي شطرطون علشان ارسم لك صح
ولا بالصور ماراح اضبطه
واستخرت ربي
واستشرت ربعي
قالولي مالك غير شطرطون 97
رحت للوكاله لقيته 1660
بعد الخصم
وش قلتم يااخواني
ابغا العلم الي تجمد على الشارب
وشكرا

[طلال123]

اخوي بواردي توكل على الله وخذلك شطرطون 97 تراه زين

<<بس مدري متى تنزل صور موترك بعد الرش نتظر تقريرك