رابطة ملاك نيسان باترول القديم فقط (حتى موديل 1987)

[طلال123]

ههههههههههههههههه

انا كنت في الطعوس بس بعد ماشفت الاعذار كثرت قلت خلني اعتق الرجال لين يظبط الموتر ويستعد زين عشان مايصير له عذر...........

اجل خلنا على المثل الي يقول >>الميدان ياحميدان <<واحد متحمس ههههه

الاسبوع الجاي يوم الخميس نتقابل ونوثق التحدي بالتصوير

[turkiq]

الله يقويكم
واحنا علينا ننتظر التحدي المصور .. لا تقصرون في التصوير

[مسير عليهم]

بالتوفيق لكم وكان ودي اني حاضر لو بدون سيارة

[majeds]

مسير عليهم ( تحزني والله انقل جده وريح بالك هههههه )

طلال/ تركي اسف على التأخير الدنمو غيره واخذ الرجيع والسيارة قعدت عنده نص يوم الغى البوبينا حق بلده وركب بوبينا الكترونيه هذا الي افتكره

تحياتي

[majeds]

طيب ياجماعة الخير الكربريتر وش حلة السيارة عندي عزمها طاح

وديتة عند واحد ونظفة وبعد شهر رجع زي ماكان مدري كم سعر الياباني اكيد الاصلي غالي بالحيل

ياليت الي عندة خبرة يافيدنا

لك رساله على الخاص بالنسبه للعنوان

[majeds]

طيب ياجماعة الخير الكربريتر وش حلة السيارة عندي عزمها طاح

وديتة عند واحد ونظفة وبعد شهر رجع زي ماكان مدري كم سعر الياباني اكيد الاصلي غالي بالحيل

ياليت الي عندة خبرة يافيدنا

في واحد اسمه ابو احمد من مكة المكرمة عنده واحد اشتراه احتياط
كربريتر نيسان الاصلي اذا تحب استاذنه واخليك تكلمه ارسلي رقمك على الخاص عشان المعجبات لا يتصلون عليك ههههه

[طلال123]

الصراحة فكرة الدينمو تبع المكسيما والله ممتازة والفكرة في راسي تدور

بس باقي علي الكربريتر اغيرة واتفرغ للدينمو

[majeds]

طلال 123

كلمت لك الرجال ورقمه على الخاص عندك اي خددددددددمة
تحياتي للجميع

[طلال123]

طلال 123

كلمت لك الرجال ورقمه على الخاص عندك اي خددددددددمة
تحياتي للجميع

تسلم اخوي ماقصرت >> تم الاتصال على الرجال وافاد بان الكربريتر الجديد بــ2000 ريال<<والله غالي علي شوي

[ابو حمادة]

السلام عليكم ورحمة الله وبركاته
اخواني في رابطة الباترول 160
حقيقة تطلعت منذ زمن لمثل هذه الرابطة ولكن مع انشغالاتي وظروف الحياة لم استطعي متابعة الفكرة . واليوم اجدها أمامي ممثلة فيكم بارككم الباري عز وجل .
المهم : أملك جيب باترول 1984 شد بلد، عليه مكينة 1987 ماشي معايا من احسن ما يكون . وعندي بعض القطع من جيب أخر أملكه ( تشليح) . ولي سابق خبرة في بعض الاصلاحات في نفس السيارة ومستعد لأي استفسار ولكن حسب وقتي. ولكم خالص التحية،،،

[majeds]

ولكم ابو حمادة تصدق فكرتني عندي بعض القطع القديمة في المستودع خليني اشوف ايش عندي على فكره اذا عندك قطع للبيع صورها ونزلها يمكن الاخوان يحتاجون شي منها
بس سويلهم خصم لعيون حمادة..

شباب الحنين يدفعني الى شراء مثل جيبي الاول ههههه

في احد يعرف لي جيب نظيف 86 ( شدددددددددددد بلللللللللللللد) بدون صدا وبدون تكسير

[طلال123]

السلام عليكم ورحمة الله وبركاته
اخواني في رابطة الباترول 160
حقيقة تطلعت منذ زمن لمثل هذه الرابطة ولكن مع انشغالاتي وظروف الحياة لم استطعي متابعة الفكرة . واليوم اجدها أمامي ممثلة فيكم بارككم الباري عز وجل .
المهم : أملك جيب باترول 1984 شد بلد، عليه مكينة 1987 ماشي معايا من احسن ما يكون . وعندي بعض القطع من جيب أخر أملكه ( تشليح) . ولي سابق خبرة في بعض الاصلاحات في نفس السيارة ومستعد لأي استفسار ولكن حسب وقتي. ولكم خالص التحية،،،

ياليت تعطينا انواع القطع الي عندك اذكرها لنا بالتفصيل وانت من اي مدينة

[turkiq]

شباب الحنين يدفعني الى شراء مثل جيبي الاول ههههه

في احد يعرف لي جيب نظيف 86 ( شدددددددددددد بلللللللللللللد) بدون صدا وبدون تكسير

طلبت امراً عسيراً ...
بس كل شي جايز .. لكن الاكيد انك راح تتطول وانت تتدور
فكرتني بقصة حصلت معي .. مرة جات لي دورة تدريبية براس تنورة
واروح هناك وانا ماشي
بأحد شوارعها اشوف ذاك ال 86 الهاردتوب اللي يقول (بعععععععععد)
نظيف 1000000 يسوقه خواجه وفكرت اوقفه واسأله بس غيرت رأيي
ايامها كانت بدايات مشاكل الارهابيين واخوكم ابو فيصل ملتحي ,,, وتركته

وبعدها بحوالي اسبوع وانا مار بجنب معرض من معارض السيارات هناك
والا اشوفه واقف في المعرض
اكفش ياولد .......... جاك يامهنا ما تمنا
ماهو معقولة ... ماني مصدق نفسي ..
ادخل المعرض وفي بالي لو قال لي بعشرين الف دفعتها وانا اضحك

-انا: السلام عليكم
- السوداني : وعليكم السلام
- انا : لو اسمحت كم موديل الجيب (شوية تمهيد .. ولا انا اسمع له رقم الشاصيه لو يبغى)
-السوداني : 86 , وماهو للبيع
- انا : افااااا ... ليه مو للبيع ؟؟!!
- السوداني : هذا واقف بس لنقل الملكية .. مبيوع يعني.
انا عاد طبعا جاني من الاحباط ما الله به عليم
- انا : طيب .. كيف اقابل المشتري ؟ (ناوي شر )
- السوداني : انتظر 10 دقايق .. الراجل دق علي وقال انو جاي بعد شوية.
- انا في نفسي (الحمد لله ان شاء الله ماني خارج الا وهو لي)
وشوي الا والرجال داخل هو والخواجه يتكلمون ويمزحون مع بعضهم
طلعوا زملاء في العمل .. اخذت المشتري السعودي وسلمت عليه
وباركت له على الموتر وعلمته اني مستعد ازود على سعر البيع لو حب
ضحك وقال لي .. ما اقدر ابيعه لو ايش تعطيني فيه (طلع متمسك بالموتر مثلي واكثر)
وقال لي انا تراني شاريه من زميلنا هذا الخواجه ب 8000 الاف ريال فقط
انا طبعا بغيت اطيح .. بس تمسكت في المراية الجانبية
قلت له يابن الحلال اعطيك فوقها 8000 .... اخليها 20 لو حبيت ... بس ماش مافي امل
الرجال دقققر.

وكان الخواجه بجنبنا سألته كيف حافظت على السيارة بهذا الشكل ... السيارة
في حكم الجديدة ... لا .. بدون مبالغة لو عليها شوي غبار ومن داخل اكياس
على المقاعد كان تقول انها خرجت الان من المصنع.

ابتسم وقال : هذي السيارة واقولها صادق مثل ولدي .. ولو كان فيه طريقة اني اقدر استخدمها في بلدي كان شحنتها .. لكن بريطانيا تمنع استيراد السيارات بدركسون يسار

وانا وعدت زميلي هذا من فترة اني اعطيه اياها لا جا وقت التقاعد .. وجا هذا اليوم.

شكرتهم وهنيتهم وخرجت وانا اقول ... الله يبارك لكم و يرزقنا بواحد مثله

[دكتوركلتش]

انقذوني يا اصحاب الباترول
السلام عليكم
يا اخوان شريت لي باترول 83 ابيض ورحت للفحص الدوري ابي افحصه قالولي نظف مكان رقم الهيكل يا الشاسيه
سؤالي ممكن الي له خبره يدلني على موقع الرقم وين احصله بالشاسيه با الضبط ارجو من لديه الخبره يعلمني بلييييييييز

[مسير عليهم]

وقال لي انا تراني شاريه من زميلنا هذا الخواجه ب 8000 الاف ريال فقط

يابلاش موتر نظيف وبهذا السعر

انقذوني يا اصحاب الباترول
السلام عليكم
يا اخوان شريت لي باترول 83 ابيض ورحت للفحص الدوري ابي افحصه قالولي نظف مكان رقم الهيكل يا الشاسيه
سؤالي ممكن الي له خبره يدلني على موقع الرقم وين احصله بالشاسيه با الضبط ارجو من لديه الخبره يعلمني بلييييييييز

رح اقرب مغسله وقل للعامل غسيل بستم وخله يغشل لك الشاص بيديه ورجليه

الا وين موقعك