رابطة ملاك نيسان باترول القديم فقط (حتى موديل 1987)

[HAS5SAN]

أولاً
تحياتي لكم
ثانياً
إلى عنده القلب لا يفتح هذا المقطع ماراح يتحمل قلبه
أنا ماني مسؤل

[مسير عليهم]

صادق الوعود

ياليت تحمل الصور من جديد ماطلعت

[Abo gssar]

قبل
الفيبر اعلى من التندة

بعد
صار الفيبر على مستوى التندة

المعذرة على ردائة التصوير لانه بالجوال

[مسير عليهم]

88
شكل موترك شد بلد ماغيرت شي غير الفيبر والمرايات

تدري وش يبي لك

ارفع الموتر بزيادة السست مع تقويس وركب مساعدات جبريال غاز او زيت

فك النسافات

تركيب جنوب عرض8 انش


تركيب مراوح كهرب اخف للموتر واقل صرفيه وتنتهي معاناه ازعاج مروحة المكينة

[Abo gssar]

88
شكل موترك شد بلد ماغيرت شي غير الفيبر والمرايات

تدري وش يبي لك

ارفع الموتر بزيادة السست مع تقويس وركب مساعدات جبريال غاز او زيت

فك النسافات

تركيب جنوب عرض8 انش


تركيب مراوح كهرب اخف للموتر واقل صرفيه وتنتهي معاناه ازعاج مروحة المكينة

كلامك صحيح بخصوص ان الموتر شد بلد وانا ودي ارفع الموتر من اول بس كل مارحت ورشة صرفوني قالو ماينفع ترفعه يطلع لك صوت وطقطقة وخذ من ذا الكلام عشان كذا هونت.اما بخصوص المرواح الكهرب فياليت تدلني على طريقة تركيبها يمكن انا اركبها بيدي اذا شغلتها بسيطة...

[مسير عليهم]

ياخي مشكلتنا مشكلة ليه هالجيب حاقرينه العالم ويعيبون فيه

بخصوص الترفيع مامنه مشاكل يمكن المشكلة الوحيده الهزهزه الخفيفه

بخصوص مراوح الكهرب يبي لها خبير افضل انا ركبتها عند الدغيري شرق الرياض شغل نظيف ومضمون

[Abo gssar]

قالوها في المثل
(اللي مايعرف الصقر يشويه)
لكن صدقني اللي يبي يجرب الموتر ذا او يشوف فعله راح يغير نظرته تماما ...
صح انه ماهو مثل الجديد في الراحة والعزم لكن فيه اشياء ثانية اهم ماتلقاها في الجديد وانا جربت الاثنين واعرف الفرق

[مسير عليهم]

وين باقي الشباب مالهم حس ولاخبر مافيه الا انا وانت بس

[turkiq]

المعذرة يا شباب .. كنت في سفر وبعيد عن النت
على العموم حلو تفاعلكم الطيب هذا وتشكرون عليه

هذي صورة موتري (قبل التجديد)
بعطيكم صور له ان شاء الله بعد التجديد في وقت لاحق ... باقي اللمسات الاخيرة

[turkiq]

وعلى فكرة اللي يقول ان الناس مستحقرة ذا الجيب ... لا .. واللي يقول انهم يقولون انه غلطة اليابان
ترى ذولا ما عندهم سالفة .. ولا لهم في الجيوب ... السيارة في عزم ما شاء الله تبارك الله ... رائع

المحرك للعلم قدرته 145 حصان
وسره في الجيربوكس والدفرنس.

وزيادة في العلم نيسان استخدمت هذا المحرك (اسمه P40)
استخدمه تقريبا من عام 60 الي 87

وهو من اشهر محركات نيسان واليابان على الاطلاق من ناحية الاعتمادية وقلة الاعطال
ومحركات باترول الاحدث من عام 88 وحتى الباترول المدعو بالفتك جميعها بنيت على
هذا المحرك اساسا.

[Abo gssar]

معلومات طيبة ،،،،، الله يعطيك العافية ,,,
وفعلا لو تلاحظ السيارة هذي من اكثر السيارات اللي تلقاها تسحب المقطورات وعربات نقل السيارات وعندنا في الغربية تقريبا مانشوف مقطورات سحب اللى على هذي الجيوب فقط

[Abo gssar]

شكل مافيه الا احنا ياشباب في الرابطة هههههه
حتى مافيه مشرف مر علينا وجبر بخاطرنا

[مسير عليهم]

turkiq

التجربة خير برهان كنت اكره هالجيب وسبحان الله شريته بطريقة سريعة ولاشاورت احد وكان لايصلح للاستعمال وصلحته وكشت عليه وعجبني قوة تحمله ونشاطه في البر لكن للأسف بعد سنه من الاستخدام تعطلت المكينة وفكرت اركب مكينة ثانية والحمدلله انتهيت منها

عانيت من اصحاب الترهيم والتزويد في الرياض

الا بعد التجديد بيكون بنفس اللون



صادق الوعود

واثق الخطى يمشي ملكاً يكفي تواجدنا

[طلال123]

هلا بالشباب كيف حالكم طيبين ان شاء الله
انا عندي جيب باترول 85 ربع خليجي مانفكت مكينتة مرة ماشاء الله المهم عندي مشكلة الي هي اذا جيت اطلع طعس قوي والدبل شغال الخفيف >> اذا دعست البنزيم على الاخر يكتم الموتر شوية وثم ينطلق <<مدري وش المشكلة

والمشكلة الثانية هي لما اشغل الدبل واطفية مايفصل على طول لازم افصل واشبك كم مرة حتى اتاكد انة فصل << مدري هل لة وزنية في الجربكس من تحت ولا كيف

انتظر ردكم

[turkiq]

اخوي مسير عليهم .. أنا صحيح ضد الترهيم لان مشكلته يتسبب في مشاكل اخرى خصوصا على المستوى البعيد لكني شفت كثيرين عندهم هالجيب ومركبين محركات مختلفة .. وماشي معهم تمام وبعزم روعة .. لكن أنا من العالم اللي يحبون شد البلد.

وعن اللون ما عرفت ايش قصدك ،، ماقدرت تغير لونه يعني ؟