رابطة ملاك نيسان باترول القديم فقط (حتى موديل 1987)

[صياد جنوبي]

اخواني الاعزاء انا من محبي هذا الموديل من نيسان املك جيب نيسان ربع موديل 86ودائم اهندس فيه بنفسي من فين استطيع الحصول علي قطع غيار لهذا الموديل وكيف يمكنني فك واعادة تركيب الجلد الخاصة بالدريكسون لانه عندي طقه لما اللف يمين اويسار.وكيف يمكنني الحصول علي دريكسون جديد لانه الي عندي متاكل ودمتم.
.

وكيف يمكنني الحصو

عشان نفيدك حدد ديرتك اللي انت فيها

الطقه يوم تلف يمين او يسار غالبا من رمان العكس الداخلي
يعني باختصار شحم روس العكوس بدون ما تفكها لان فيه لها بنسة تشحيم يوم تفك الكفر راح تلاقيها فوق حول الكليبر وشحم معاك جوزات الدركسون كامله
لو ماراحت الطقه تأكد من سلامة جلدات عمود التوازن
لو ماراحت الطقه تأكد من الذراع الرئيسي اللي فيه ثلاثه روس اثنين متجهه تحت وواحد متجه فوق يركب مباشره من الدوده ويوصل للذراع الاوسط
قطع غيار هذا الموديل بالذات موجود في المنطقه الجنوبيه خاصة اغراض التوظيب متوفره في عدة محلات

[نيسان87]

السلام عليكم ورحمة الله وبركاته:
اخوكم ابو عبدالعزيز
باترول 1986
ياليت تقبلوني معكم في الرابطه



او الواتسب 0532908851

[ابو حمادة]

حياك الله ومرحبا بك
ابو حمادة

[ب ح ن 13]

جنوط جي تي للبيع http://www.mekshat.com/vb/showthread...89#post9964789

[no fear 78]

السلا م عليكم يا الربع
مالكم حس
لا تخلون اقروب الوتس اب يحرمنه منك

[no fear 78]

السلام عليكم
وينهم الطيبين

[كشتشت]

السلام عليكم ورحمة الله أصدقائي الكرام صباحكم سعيد عندي باترول 84 سفاري بديه وكاله , أبي أوضب أو أشتري مكينه وأحتاج المساعدة في النقاط التالي
1- هل تركب عليه مكاين الجديد التسعينات أو الألفينات وما أفضلها .
2- لو بأوضب هل تنفع القطع الياباني .
3-اش الكلبريتر الممتاز اللي يمكن يركب على مكينته شد البلد سمعت حق 91 أو 93 ما أدري
4- أبي عنوان الشخص اللي يرسم الشطرطون اللي مسوي جيب الأخ 86
ولكم جزيل الشكر إخواني ولا أستغني بعد عون الله عن عونكم وأرائكم النيرة .

[كشتشت]

شكل الواتس أب هذا لعب في حسبتكم
ما يصير كذا يا جماعة شكلي بأبيع الباترول وأشتري تويوتا لكن برضه قديم
مأدري المعارض شغالة الحين ولا لا ؟؟؟؟

[ابو حمادة]

وعليكم السلام
الربع كلهم على الواتس .. بس القطع الياباني مع المهندس التمام تمشي جدا معاك
وركب الكارب القديم مع عمل اصلاح كامل
الشطرطون الشباب يفيدونك ان شاء الله
ابو حمادة

[كشتشت]

موفق خير يبو حمادة
الله يبارك فيك
وانتظار الشباب

[كشتشت]

نداء الأخ أبو دانا ندااااااااااااااااااااااااااااااااء
تكفي أبي منك خدمة ضروري
ياربع الواتس بلغوه صوتي

[الدعجية]

ووووووووووصل

[كشتشت]

وينه طيب ما يرد
أبي أسأله عن الاصطبات الخلفيه المركبه على موتره
تبع أي سيارة وأي موديل وهل هي راكبة تمام بدون فراغات ومن أين ؟
أرجو الرد تكرماً منه أو من من عنده علم .

[صياد جنوبي]

السلام عليكم ورحمة الله أصدقائي الكرام صباحكم سعيد عندي باترول 84 سفاري بديه وكاله , أبي أوضب أو أشتري مكينه وأحتاج المساعدة في النقاط التالي
1- هل تركب عليه مكاين الجديد التسعينات أو الألفينات وما أفضلها .
2- لو بأوضب هل تنفع القطع الياباني .
3-اش الكلبريتر الممتاز اللي يمكن يركب على مكينته شد البلد سمعت حق 91 أو 93 ما أدري
4- أبي عنوان الشخص اللي يرسم الشطرطون اللي مسوي جيب الأخ 86
ولكم جزيل الشكر إخواني ولا أستغني بعد عون الله عن عونكم وأرائكم النيرة .

وعليكم السلام ورحمة الله وبركاته

*مكاين الثمانيه وثمانين وفوق ما تركب نهائيا حجمها كبير والكراسي والاقزوزات تختلف تماما ولو ركبتها مع القير ما راح يركب لأنه اعرض من قير وكالته ولازم توسع في البودي من تحت

*وضب المكينه اصلي نصيحه واذا ما لقيت قطع غيار وضب ياباني من عند العطاس فقط ولا تاخذ اي قطعه من اي محل ثاني لانه ياباني

*الكربريتر من موديل 82 الى موديل 2003 كلها نفس القاعده ونفس قاعدة دعسة البنزين تختلف فقط في الاسلاك يكون القديم له سلك بوبينه واحد والجديده لها اربعة اسلاك وطريقة تركيبها انك تجمع السلك الاحمر مع الأزرق مع الأخضر كلها سوا وتركبها في سلكك القديم حق سيارتك ويبقى الاسود اسحب له خط من اي سالب في السياره وراح يشتغل معاك التحميه الصباحيه وتستغني عن السلك التقليدي وطبعا اذا الكربريتر نظيف ما راح يصرف معاك وما راح يتفتف نهائيا

*باقي اسلاك البواجي لازم تغييرها كل سنتين ولا تشيلو همها ترا سعرها ب550 ريال فقط
والبديل اسلاك بواجي صالون 84 وقيمتها 140 ريال اصلي

*كلتش المروحه غيره وركب كلتش حق 2003 مكينه 4500 مع المروحه قيمته حوالي 370 والمروحه 80 ريال يتغير معاك صوت السياره ويزيد العزم لانه اخف من وكالته وصوته هادي ويركب بدون اي تعديلات يعني يطبق على مسامير طرمبة المويه حقت سيارتك القديمه بالظبط

*الدينمو لو فيه مشكله ترا افضل دينمو هو دينمو كابرس 84 لانه الكتروني وسعره رخيص وقوي جدا يعني ترهم لك واحد يكد معاك عشر سنوات مضمونه ولكن لازم ترهيم وقص وتعديل الين يصير السير موزون ميه بالميه طبعا البكره حق النيسان تركب على الكابرس يعني هو انسب شي

*بالنسبه لمسمار عمود التوازن الامامي خذ لك حق جمس حوض او سوبر بان موديل 92 اللي عادي مو دبل يركب معاك ميه بالميه تقول شد وكاله

*ولو عندك مشكله في كراسي القير تنكسر دايم باستمرار الحل هو انك ترهم كرسي ثالث تحت القير يعني تركبه بين القير والكمر اللي تحت يرفعه عن الكمر ويساند الكراسي الجانبيه لان القير ثقيل جدا والكراسي ضعيفه

*الكنداسه انسب شي للبترول هي كنداسة الكابرس وتركب تحت السياره لأنها بيضاويه ووسيعه ما تسبب خنقه للماطور وما تحك في الارض كلما تنقز من فوق عقم او ردميات

*افضل كفرات تركبها للموتر هي الشاهين وجنوط مقاس 15 وعرضها 10 انش للرمال والسبخه والطين ولكنها ما تتحمل في الجبال

*طبعا كل هذي الاشياء انا مركبها ومرهمها بيدي في سيارتي بترول موديل 86 واي جديد راح احطه لكم هنا

[كشتشت]

بيض الله وجهك أيها الصياد الماهر , أحسنت وأجدت وما نستغني بعد توفيق الله عن توجيهاتك النيرة
وهذا اللي أنا أفكر فيه دايم يإخوان , إنه ما في شي اسمه ما يركب الا حق الوكالة بس , بالعكس بل هناك قطع كثيرة تركب على سيارات مختلفه كما تفضل أخونا الصياد الجنوبي , بالتوفيق ياصيادنا الفاضل ونكون على اتصال إن شاء الله .