رابطة ملاك نيسان باترول القديم فقط (حتى موديل 1987)

[كشتشت]

الأخ أهواك ووجهك أبيض النويصر لهم إعلان مع الصور يقصون المواتر ويركبون الأشرعة , لكن الأمر بسيط , والحنايا تركبها للحوض نعم على المقاس اللي تبي ويكون عندك الحوض مشرع ممكن تخليه فاضي وممكن تحط فيه مرتبة .

[كشتشت]

وإذا كان قصدك زي الرانجلر هذي ماهي حنايا حقت الشراع هذي دعامات مانعة الانقلاب ’ يجي منها نوع جاهز ستيل تحصله عند محلات الزينة الكبيرة وممكن تفصل أنت حديد مواصير سباكة لأنها قوية ومتينة جدا عند حداد فاهم ما يحط لها زوايا حادة يخليها معقفة يعني مستديرة , وأتوقع الإخوان حقون التزويد والتعديل يفيدونك خاصة أهل القصيم .

[كشتشت]

وحبيت اقول اني عندي قطعه للبيع الي حاب يشتريها
عندي حامي الانقلاب سيفتي الي يكون مركب تحت الطاقيه حقت الجيب الربع 86 تجي بيبااات 3 قطع ولهافتحات مسامير تركب معى مسامير الطاقيه
الي حاب يشتريها يكلمني
( الكلام السابق للعضو دكتور كلتش يتكلم عن اللي تبيه بالضبط يا أهواك ممكن تتواصل معه إذا القطعة باقي عنده , وهو من أعضاء الرابطة )

[ابو حمادة]

السلام عليكم ورحمة الله
كل عام وانتم بخير
يالربع عندي باترول 83 ربع وانكسرت قزازة الشنطه وراء ولا حصلتها وين القاها او احد عنده يبيعها .تكفون ياالنشاما ذبحني الغبار..

السلام عليكم ورحمة الله وبركاته

طلبك عندي (زجاج خلفي) واذا تواصلت معي أشوف لك شحن مع زاجل .
لك رسالة على الخاص

[Bandar_19]

السلام عليكم ورحمه الله وبركاته
حبيت استفسر يا اخوان
انا اشتريت كربريتر اصلي حق جيب نيسان موديل 97
وابغى ارهمه و اركبه على مكينه الجيب موديل 83
هل لازم اغير الثلاجه او لا
وياليت ياليت يكون احد من الاعضاء قد مر بهالتجربه ويحكي لنا عن ايجابياتها وسلبياتها والحاجات اللي غيرها
منتظر ردودكم بفارغ الصبر

[Bandar_19]

علما انه لازم اغير الثلاجه طبعا الى ثلاجه التسعينات
بس هل تركب ثلاجه التسعينات على موديل 83

[احساس مجهوول]

مطلوووب
مفصلات زجاج الشنطة لباترول 83 والبلاستيك اللي فوقها
والربلة حقت زجاج الشنطة . والقفل حق الباب الخلفي .

[أبوبشير العنزي]

رسالة لأهل التويوتا والنيسان والأمريكي ((أتركو التعصب والتشنج))
أدخل وشارك لنشرالوعي. - منتديات مكشات - http://www.mekshat.com/vb/showthread.php?t=650964



أدخل وشارك تأجر بإذن الله تعالى

[PATROL.80]

بسم الله والصلاة والسلام على رسول الله
السلام عليكم ورحمة الله وبركاته
اول مشاركه لي يا اخوان معكم
وحبيت اعرض لكم سيارتي لأول مرررره
واذكروا الله
واتمنى رأيكم بكل صراحة
haraj.com.sa/115206019/نيسان_باترول_NISSAN_PATROL_80/

[PATROL.80]

أخي أهواك , بالنسبة للباترول ما أخبر إنه جا منه شراع وكاله , ولكن على كذا يبي لك تسوي له حنايا ويفضل مواصير 1.5 بوصه وياخذ المقاس بالضبط ثم تفصل له شراع إن بغيت جلد أو قماش تنزاني أو قماش أمريكي حق الكرج رف وأتوقع إنه نادر وأغلى شوي من التنزاني وفيه ورشة بالرياض يضبطون لك أم الشغلة أتوقع أسمه ورشة النويصر حقين تضبيط سيارات القنص شغلهم خيالي بس ما أدري عن الأسعار وهذا عنوانهم _ الرياض الصناعية شارع الجمعية خلف محلات باقدر شمالا وهذا تلفونهم 0505232097 وهاتف المركز 014480233 وإذا ما أنت حولهم الله يعينك أقرب حداد اللي يسوون شبوك السيارات ويسوي لك حنايا وعلى المنجد ركب الشراع وبالهناء والعافية .

حبيت اصحح معلوماتك
الى موديل 82 جيب شراع باب واحد وكالة وهذا واحد منها
http://haraj.com.sa/115206019/%D9%86...SAN_PATROL_80/

[كشتشت]

صدقت أخي لكن قديم بالحيل
وأنا قصدي الثمانينات اللي مثل سياراتنا بالتوفيق , وانتظروا سيارتي بعد ماتنتهي , بس الحقيقة واعذروني على هالكلام الوضع بالرابطة ما يشجع إني أنزل التقرير , يا شيخ أكتب الرد وانتظر شهر تقريبا حتى أشوف واحد يرد أو يتفاعل بعكس ما كانت سابقا , والله يعين .

[كشتشت]

صدقت أخي لكن قديم بالحيل
وأنا قصدي الثمانينات اللي مثل سياراتنا بالتوفيق , وانتظروا سيارتي بعد ماتنتهي , بس الحقيقة واعذروني على هالكلام الوضع بالرابطة ما يشجع إني أنزل التقرير , يا شيخ أكتب الرد وانتظر شهر تقريبا حتى أشوف واحد يرد أو يتفاعل بعكس ما كانت سابقا , والله يعين .

[اهواك بجنون]

مساء الخير .. كيف حالكم يا اهل الرابطه ان شاء الله بخير .. عندي سؤال بخصوص تزويد المكينه لاداء افضل او تركيب مكينه .. انا محتار بين مكينه 350 او مكينه باترول 4500 بخاخ .. ياليت الأفاده .. الموتر باترول ربع 85 مكينه بلد

[صياد جنوبي]

علما انه لازم اغير الثلاجه طبعا الى ثلاجه التسعينات
بس هل تركب ثلاجه التسعينات على موديل 83

ثلاجة التسعينالت ما تركب نهائيا جملة وتفصيلا

ركب ثلاجة موديل 86 فقط هي اللي يركب عليها كربريتر الى موديل 2003 بدون ما ترهم شي
يعني الثلاجه تطبق معاك ميه بالميه والكربريتر يركب برضو ميه بالميه

[ابو حمادة]

ثلاجة التسعينالت ما تركب نهائيا جملة وتفصيلا

ركب ثلاجة موديل 86 فقط هي اللي يركب عليها كربريتر الى موديل 2003 بدون ما ترهم شي
يعني الثلاجه تطبق معاك ميه بالميه والكربريتر يركب برضو ميه بالميه

السلام عليكم
أضافة على كلام أخي الفاضل صياد جنوبي لا بد ان يكون ثلاجة وأكزوز 86 لانهم متوافقين في التركيب.