رابطة ملاك نيسان باترول القديم فقط (حتى موديل 1987)

[طلال123]

طلال يبي من يشقله مهوب من يرفعه

كفراتك حجمها كبير والموتر مواريه نظيف ماشاء الله ووجه الموتر بدون صدام اجمل

جرب ركب مساعدات جبريال بتمسك لك السياره في المطبات


)

بالنسبة للصدامات الامامية والخليفية راميها عشان يطلع منظره افضل وارقى الطعس بدون مايحك الصدامات

والمساعدات الجبريال كم سعرها وهل هي تركب بدون توليف ؟؟؟

[نايف 1996]

ماشاء الله_مبروك على فتح الرابطه

[Abo gssar]

طلال
تركي
من ناحية الجلود اللي تجي على جنوب القزاز الخلفي(من الداخل) لقيتها متوفرة بكثرة في التشليح بس مشكلتها انها ناشفة من الشمس ومايقدرون يفكونها تتكسر وسبق اني حاولت افك اكثر من وحده لاني احتجتها يوم غيرت الفيبر ماظبطت كلها تكسرت وقالو لي اطلبها طلبيه لكن بعد ماسألت طلع سعرها غالي ويمكن ماتتوفر بعد ..
وودي اسأل بحكم ان البعض من جدة وين اقدر الاقي شبك جديد للواجهه

[Abo gssar]

استدراك :
المعذرة .. شفت صورة موتر اخونا صادق الوعود وواضح ان نوافذ السقف
القبة مختلفة تماما عن نوافذ السقف العادي للاسف ...

انا مغير من فيبر قبه الي فيبر على مستوى السقف والخلفية باب وليس شنطة طبعا كله شغل توليف والحمدلله ظبط معي ..
وبخصوص اطارالقزاز القديم موجود اللي يبيه يامر عليه امر..

[NissaN 1990]

نبي صور لسيارات الأعضاء عشان يزيد التفاعل وياليت تكون في البر والأماكن الصعبه اللي تبين قوت السيارات هذي ،،،

[turkiq]

انا مغير من فيبر قبه الي فيبر على مستوى السقف والخلفية باب وليس شنطة طبعا كله شغل توليف والحمدلله ظبط معي ..

وبخصوص اطارالقزاز القديم موجود اللي يبيه يامر عليه امر..

اخوي صادق الوعود انت تقصد اطار القزاز حق السقف القبة ولا العادي ؟؟


وبخصوص الشبك الامامي انا اخذته طلبية من الوكالة
عملوا طلبية من اليابان اخذت تقريبا 3 اسابيع والسعر
ان ما خانتني الذاكرة كان بحدود 350 الي 400 ريال

[باترول 82]

سجلوني معاكم واحد باترول قديم موديل 1982 شد بلد ماشاء الله تبارك الله

كل يوم وأنا أنتظر إنطلاق هذه الرابطه والحمد لله تحققت على بركة الله

إن شاء الله نفيد ونستفيد

[طلال123]

طلال

تركي
من ناحية الجلود اللي تجي على جنوب القزاز الخلفي(من الداخل) لقيتها متوفرة بكثرة في التشليح بس مشكلتها انها ناشفة من الشمس ومايقدرون يفكونها تتكسر وسبق اني حاولت افك اكثر من وحده لاني احتجتها يوم غيرت الفيبر ماظبطت كلها تكسرت وقالو لي اطلبها طلبيه لكن بعد ماسألت طلع سعرها غالي ويمكن ماتتوفر بعد ..

وودي اسأل بحكم ان البعض من جدة وين اقدر الاقي شبك جديد للواجهه

بالنسبة للشبك الواجهة انا عانيت من الشبك ولا لقيتة الا في الوكالة الي على طريق المدينة اخذتة من عندهم بــ390 ريال

[مسير عليهم]

بالنسبة للصدامات الامامية والخليفية راميها عشان يطلع منظره افضل وارقى الطعس بدون مايحك الصدامات

والمساعدات الجبريال كم سعرها وهل هي تركب بدون توليف ؟؟؟

اخبر شاري طقم بحدود 300 ريال وشوي وتركب بدون ترهيم


هذا موتري قبل الرفع ورش البويه وقبل فك الفيبر الخلفي





وهنا بعد مارشيته ورفعته






وهذا شكله النهائي بعد مافكيت الفيبر وركبت عوارض داخليه وشراع تنزاني

[مسير عليهم]

اخوي مسير عليهم ..
انا حاجتي للشنبر اللي حول الزجاج الجانبي يمين ويسار لانه مصدي ومعدوم
واذا معه القزاز ما نقول لا ...
لكن بدون الفيبر لاني الحقيقة مالي عازة فيه
اذا ودك .. عطني سعر

استدراك :
المعذرة .. شفت صورة موتر اخونا صادق الوعود وواضح ان نوافذ السقف
القبة مختلفة تماما عن نوافذ السقف العادي للاسف ...

الفيبر اللي عندي قبه واذا تبيها سير علينا في الرياض وتقهو عندي ومانختلف لو تاخذها بريال

[Abo gssar]

نبي صور لسيارات الأعضاء عشان يزيد التفاعل وياليت تكون في البر والأماكن الصعبه اللي تبين قوت السيارات هذي ،،،

ابشر ماطلبت شي وهذي بعض الصور على للطاير(قبل التعديل في الموتر)
:
:
:
:
:
:

هذا مكان جدا رائع لكن ماياصله الا جيب ماينخاف عليه

طبعا ودي اني صورت الطريق اللي وصلنا للمنطقة هذي صدقوني البعض راح يشكك ان السيارة ممكن تمشيه لوعورته

مناطق بكر ونادرا تلاقي احد فيها الا ناس يهوون المغامرة

:
:
:

وبصراحة واجهني اماكن مايمشي الجيب فيها الا بالدبل الثقيل ونمرة واحد ولا كل جيب يقدر يمشيها .....علما اني قد حاولت اطلع للأماكن هذي بجيوب ثاية قد اشتريتها لكن قلبي ماطاوعني لاني حسيت انها بتتفكك علي ماوصلتني......

فلا يلومني احد في هذي المواتر
من جد تعطيك احساس بالثقة وتوصلك محلات ماتصلها جيوب قيمتها تجيب لك بيت

[مسير عليهم]

ماشاء الله

انا ملاحظ الاغلبيه يفك مرايات الوكاله ويركبون مرايات الشكل الجديد

[turkiq]

مرايات الوكالة احسها تعطي منظر حلو ... راكبة على شخصية الموتر
ولا يمكن اغيرها ... وجهة نظر

[طلال123]

اختلاف الاذواق انا عن نفسي مغيرها بحقت الجديد الصغيرة

بالنسبة الاخوان مااحد افدنا عن مراوح السوبارو هي اي موديل واي نوع منها عشان اروح التشليح واخذها؟؟؟

[مسير عليهم]

طلال تلقى شي مفصل وجاهزة وتركب على الباترول

اما انك بتروح التشليح صعبه انك بتلقى شي للبيع

انت موقعك وين