سواق طاره ويبي فزعه

[سواق الشيخ]

السلام عليكم جميعا وبارك الله فيكم

وعطوني رأيكم ياجماعة الخير

سيارتي باترول م 98 عادي وقير عادي

العصر اليوم وفجأه لما نويت الذهاب لمشوار دقيت سلف ومارضت تشتغل

الإنطباع الأول قلت أكيد بطاريه تركتها وبعد المغرب دفيناها وأشتغلت وتوجهت لراعي

البطاريات لأنه صار للبطاريه مده تقارب 9 شهور من غيرتها وفي الطريق لاحظت النور

يضعف شوي شوي وصلت لراعي البطاريات وفحص البطاريه وقال لي المشكله في

الدينمو وهذا ماكنت أتوقعه بعد ضعف النور فأكيد الدينمو مايعبي البطاريه

مالعمل؟؟؟

هل أغير الدينمو؟؟ وكم سعر الأصلي؟؟ أم يمكن عمل صيانه له؟؟

وأين الكهربائي الجيد في صناعية أم الحمام أو العروبه

أخوكم مايحب الزحمات ولا أعرف إلا هالصناعيتين

وموقعي شمال الرياض

قرب نادي الشباب

تكفووون أفزعوا لي الله يرزقكم الجنه

فأخوكم سواق طاره وبس

[الطلحاني]

عندك ورشة القحطاني في صناعية ام الحمام القديمه .

فيه فلبيني كويس كهربائي بنفس الورشه ..

نتمنى لك التوفيق

[(((.ابوتميم .))))]

لاتغير الا الكتاوت الي في الدينمو انا قد حصلتلي ورحت لكهربائي في صناعيه الشفاء راح وشرا دينمو من التشليح وخذ الكتاوت حقه وحه في الدينمو حقي والحمد لله 3سنين والامور تماااام
هذا الي عندي وسامحنا على القصور

[سواق الشيخ]

أشكركم من الأعماق وسوف أخذ بأراءكما

جزاكما الله كل خير

[برق الدمام]

سوي اصلاح للدينمو اوفر لك واحسن

[(الهدد)]

السلام عليكم ورحمة الله وبركاته
اخوي انا كان معي ربع 93 صارت لي زي سالفتك اذا مشيت يضعف النور والمكيف واذا طفيت السياره معد تشتغل
وحت لم ورشه وفك لي الدينمو ولقى الفحمات حقت الدينمو منهي وغيرها
وكل شي كلفني 65 ريال
60 ريال فك الدينمو مع تغير الفحمات
5 ريال الفحمات
وبالتوفيق