تلفزيون البر.. بحلته الجديده ( جوده ومتانه وأناقه وسهولة بالحمل والأستخدام )

[قصيمية]

الله يعطيك العافية

[شلفا تبوك]

ارجو الاتصال
٠٥٥٥٣٢٣٦٩٧
ابو حزام

[برق الشمال A]

ماشاء الله

[ابو رتال]

فكره رائعه ويستاهل

[ق ب ب 726]

السلام عليكم ورحمة الله وبركاته

يعني لو الاسم انجليزي ومعروض عندنا على انه منتج ياباني او امريكي او حتى صيني كان محد ناقش وصار زين وسعره زين بس عشانه تجميع وفكره ابن هالبلد صار فيه عذاريب ... مانتغير يالعرب شغل نقد وتصغير من اعمال الغير بدون افكار او انجاز

وبالنسبه للحلال والحرام كأس المويه تقدر تشرب فيه ماء وتقدر تشرب فيه (...)

وبعض الردود اشوف كاتبها مندفع وكانه مغصوب على شرائه ( دراهمك بجيبك وبضاعته عنده ) منت ملزوم تشتري وماله لازم تحقر او تستنقص اعمال الناس او تعبهم .

ابو فهد شغلك طيب واهنيك عليه والله يكثر من امثالك

[يوسف الزعيم20]

كم قيمته الله يجزاك بالخير انا ناوي اشري وجازم

[ابي مطر]

صباح الخير

مدري هل العرض ما زال موجود وبكم

والكهرب هل يكفي شحن عن طريق السياره او لازم ماطور

[فهد 606]

مساك الله بالنور والسرور

والله ياخوي حاليا مافيه شنط جاهزة بسبب نقص بعض الأغراض وجاري البحث ولكن نقول أنشالله ماتطول عملية البحث ..

أما بالنسبه للكهرب فبطارية السيارة تقوم بالواجب وزيادة

تحياتي لك ؛؛

[كشّاتي]

ماشاء الله شغل تمام الله يعطيك العافية

[هوازني]

مشاء الله شغل مرتب 100% والسعر مناسب جدا
رائع يافهد وبمثلك نفخر
واصل الله يوفقك

[الروضة الشمالية]

السلام عليكم ورحمة الله وبركاته

الحمد لله وصلاة وسلم على رسول الله

حبيبي فهد ابو غالي الله يعطيك الف عافية وربي يوفقك بدنيا والاخرة ولا تقف عند هذا الحد نحن ننتظر منك المزيد والمزيد انت انسان تفكر وتطور انت انسان ما شاء الله افضل من غيرك لديك الرغبه في التطوير والاختراع نحن بنتظار جديدك بفارغ الصبر

اخواني اعضاء منتدانا الغالي نقطتين مهمتين :-
اولاً: من يتكلم بسعر اخي الحبيب هل فصلت كل قطعه وفكرة كم تكلفتها

شاشة lcd 24بوصه لا تقل عن 800ريال
الدش 300 ريال
الرسيفر 700 ريال
الراس 70 ريال
شنطه 1000 ريال لا تنسى قوتها استلن ستيل وتقسيمتها وحجمها الانها الاساس
البوصله 200 ريال
جهاز صغير لاقط الاشاره 100 ريال
القواعد الحامله 300 ريال

المبالغ تقريبيه يعني يفوق التكلفة اين الاخوان لي يقول 500 ريال او التكلفه غاليه والله السعر مناسب على التصميم المناسب اين تعب والابتكار والتصميم جهد جبار لا تتصور انه عملها مباشر اكيد مرت على مراحل تطور اسأل الله العظيم ان يرزق اخينا ابو غالي ويعوضه خير

ثانياً : حديث عمر بن الخطاب المشهور انما الأعمال بنيات , ونظن بالأخ فهد خير بأن القصد من هذا الأختراع أما لمشاهده البرامج العلميه او الدينيه او قنوات الشعر وكثير من هوات البر يحبون قنوات الشعر

اسف جداً على الأطالة ولكن حز في نفسي بعض ردود اخواني وقسم بالله العظيم اني لا اعرف فهد ابو غالي صاحب الأختراع وصاحب الموضوع ولا تربطني فيه اي شي ولكن كلمت حق والله على ما اقول شهيد

وجزاكم الله خير

اخوكم ابو عمر

اخوي منصور السلام عليكم

يشهد الله انها فكرة رئعه وانا من الناس الي ابحث عن مثل هالامور ولكن
الاسعار بالمره فوق
التلفزيون الان 24 بوصه بــ 600 ريال والمستعمل بــ 300 ريال
بالنسبة لسعر الرسيفر 700 ريال وش نوع الرسيفر الي بسبع ميه
الدش بــ 300 ريال -

اخوي منصور الاسعار غاليه مره - اذا الرسيفرات الان اسعارها ببدأ من 80 ريال
والدشوش من 35 ريال
والراس من 20 ريال
القواعد الحامله + الشنطه - وش الفرق بين القواعد الحامله والشنطه

شتطه بــ 1000 ريال والله ياخي غريبه

انا من رايي تاخد من الرسيفرات الصغيرة الرخيصه وتنزل السعر عشان تمشي السلعه
واذا انا ماعندي سالفه لاتاخذ برأيي .

وارجو انك تتقبل كلامي بكل صدر رحب

[بربنجي]

بسم الله الرحمن الرحيم
اخوي فهد 606 اهنيك على هذا الابتكار وان شاء الله نشوفك في ابتكارات اخرى لخدمة الدين والوطن .. آمين

اخوي فهد اسمح اعلق على تلفزونك وعلى ردود بعض الاعضاء
سبحان الله بعضهم قال انه حرام والاخ ما يدري ان استخدامة للنت حرام لانها بالاخير كلها تقنية غربية
ولا النت اخس فيها المواقع الاباحية المفضوحة اكثر بكثير من الدش بل لا توجد مقارنه ويمكن تتواصل مع البنات والشباب بالشات والترقيم بدون حذف غير الاستعراض على الماسنجر وغيره من الامور المعروفة للجميع نسال الله العافية والسلامة
وسؤالي كيف تتدعوا الناس الى ترك الحرام وانت النت حرام تستخدمة ؟؟
وبالنسبة للي يقولون غالي اوكي باقول معاكم غالي وباجيب لك رخيص لكن مقابل مواد رخيصة ورخص جداً لكن تتحمل انت النتايج لا تقول خرب ويا اليت ما شريته خساره فيه ريال واحد وليس خمس مية لو سملنا انه تكلف خمس مية
مثال السيارات كلها توديك وتجيبك ولها اربع كفرات لكن ليش هذي مثلا من الوكاله خمسين الف وغيرها بمية وغيرها بميتين الف وغيرها بمليون
وغير كذا بالعكس لما يقولون مش حالك حنا بالبر هنا مربط الفرس بالبر اهم من الديرة بالديرة لو يخرب عندك التفلزون عندك عشرين فني وفني ويصلحونه او ابسط شي تروح لغرفة ثانية بها تلفزون وانتهى الموضوع لك
بالبر وانت بعيد عن الديرة ودك ببضاعة جيدة وقوية توفر عليك قطع الكشتة للاصلاح
يا اخي يكفيك انها بحجم مناسب وشاشة 24 بوصة ممتازة لا باس بها
ولا تنسى يمكن هذا اول مره اخونا فهد يعمل هذا الابتكار والقادم ان شاء الله افضل
فهو اخونا بالدين والوطنية ومحتاج الدعم والتشجيع وليس العكس
اخوي فهد اذا عندي انتقاد على شي بابتكارك والي رافع سعرها شوي هي الشنطة بالف ريال غالية الا في حاله وحده انك فعلا مكلفتك غالي وتتحمل الشيل والحط والكرف عشان تمديد اسلاك بداخله او شي تستحق عليه السعر هذا ففي هذه الحاله تستاهل الف واكثر

آسف على الاطالة هذا والله تعالى اعلم
والله يحفظكم ويرعاكم
وقبل ما انسى اذا صار عندك كمية جديدة جوالك عندي ارسلي على الخاص بتوفرها وان شاء الله اجيك بالقصيم واشتري منك

[لجلك تعنيت]

ماشاءالله

رااائعه تسلم ماقصرت

الله يرزقك يارب

الف شكر لك

[صاحب الرساله]

هل الاختراع موجود ازيد ان اقتنيه والصور مش موجوده بالموضوع ارجو مراسلتي بالخاص ولك جزيل الشكر