لحقوو علي شفت الموت امام عيني و بكيت لكن الله ستر قصتي غريبه جدا يرجى الدخول هام جدا

[الباثفندر 3.5]

السلام عليكم و رحمة الله وبركاته
اليوم نزلت على حارت الامان و قعت ابكي و اسجد الى الله
راح اقولكم السالفه من البدايه انا راد من الجامعه الى البيت على طريق الملك فهد و ماشي سرعة 120 سيارتي نيسان باثفندر 2004 ماشي 88 الف كم المهم طلع فورد على حارتي و بعدها خففت و اول ما عديت الفورد دست شوي لزيادة السرعه لكن تدرون شنو حصل السياره فصلت و صارت تمشي الى حد الدوسه قمت و ضربت الدعسه برجلي ابيها توقف لكن مو راضي و الضغط وصل الى الاحمر بعدها دست على البريك و لكن تفاجأت انه ما في بريك بس في هواء بعدها رفعت السايد بريك لكن ما في بريك نهائيا حطيت القير كانت سر عتي 190 كم و الله اني تشهدت و السياره دايسه مو راضيه تستوعب قمت و حطيت نمرة القير على n لكن تفاجأت انه القير ما فضى و استمرت السياره بالدوس بعدها قمت و حطيت القير على ال r على سرعة 190 و بقيت انقلب لو ما ستر علي الله عز و جل و بدى القير يطقطق لين هدت السرعه و الناس بسياراتها حاولت توخر عني و بعدها وقفت على حارت الامان و طفيت السياره
و الله عسى الله ما يوفقني بدنيتي و اخرتي اذا كنت اكذب عليكم و الله انه هذا اللي حصل لي بالضبط
ممكن احد يفسر اللي صار !!!!!!!!!!

[لن أمل من العطاء]

الحمد لله على السلامه

بالنسبه لتفسير ما حصل

في اعتقادي البسيط انها عين لم تذكر الله

[aka777]

الحمد لله على السلامة


موضوعك يخوف اخوي

[A B D U L L A H]

الحمدلله على السلامه اخوي

والاخوان راح يفيدونك إن شاء الله

[أبوجهاد التبوكي]

الحمدلله على السلامه ياغالي وأشكر الله أن كتب لك عمر جديد

[بر الوالدين]

ألف ألف ألف حمداً لله على سلامتك الحمد لله على السلامه

و الله إني ومن كلامك خفت قسم بالله إنه جاني الخوف و أنا اتخيلك بهالموقف

الله ستر عليك و الله حماك

و الحمد لله و الشكر على إن الوضع و لله الحمد إنتهى على خير

و الحقيقه إني لا أعلم وش الحاصل ولكن الحمد لله جت سلامات

[ا ع و 9000]

الحمد لله على السلامه

[بدوي جنوبي]

الحمد لله على سلامتك

بس اخوى حسب معلوماتى دعسة الباث حق البنزين
عبارة عن سلك واير
وليس كهربائي ،،، ولو افترضنا ان الواير انقطع تصبح دعسة المحرك في وضع الخمول

[meshoo1]

الحمد لله على السسلامه
غريبه مافي بريك ولا جلنط ..! وحتى القير مايفضي امر غريب
اهم شي اخوي الحمد لله انها جت سليمه

[البهلواني]

اقسم بالله انها قصه غريبه وانك روعتني
يارب القاك راد بعد يومين وتقول ياشباب امزح معكم
والله العظيم تفا جأت لا بريك والقير مايفضي والانبص واير ماهو اكتروني
اقرب لالها ياخوك اما عين ولا جني دخل عند المكينة وسحب الانبص للأخير
والله العظيم شي يروع لا حول ولا قوة الا بالله

اخوي موترك فيه مثبت سرعه ولا لا ؟؟؟
ان كان فيه مثبت سرعه يمكن هو السبب
الحمد لله على سلامتك وهذا اهم شي ولا الحديد الله لايرده

[THE KILLER]

اعوذ بالله من الشيطان امر غريب جدا ,, ممكن الفورد اعطاك عين عطلت الفرامل والبريك والقير والبنزين عين ما صلت على النبي الحمدالله على سلامتك الحمدالله ربي لك الحمد , وممكن عطل فني بس ماعتقد ابدا 4 اعطال بنفس الوقت ماعتقد ابدا انها فنية اهم شي لما تطلع من البيت قول توكلت على الله ولاحول ولا قوة الا بالله والحمدالله على سلااامتك

[محب البرق]

الحمد لله على السلامة

الظاهر انها عين ماذكرت الله

[THE KILLER]

عفوا عفوا مو صاحب الفورد اقصد واحد اعطاك عين ,, ماصلت على النبي

[albraki]

الحمد لله على السلامة

قبل كذا سمعت قصة زي هاذي اعتقد جيب تويوتا حول 2009 او 2010

المهم السبب بأعتقادي الكمبيوتر ما يوصلة امر

لاكن المحيرني الحين البريك مو واير

الشي الثاني ما حاولت تطفي السيارة

وكيف استجاب الجربوكس للريوس R وما استجاب للتفضية N

[ابو سعود 2009]

الحمد لله على السلامه
والله الموضوع يخووف
والظاهر هذا نفس الشي الي جاء راعي اللكزس الله يرحمهم