15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمة الله وبركاته
حبايبي اهل تبوك أو من زار تبوك
انا الآن موجود بتبوك تمشية عائلية (من الأحد 3\3\1432هـ إلى نهاية الأسبوع)
اسمع عن جبل اللوز
وين يقع ؟؟
كم يبعد عن تبوك؟؟
هل فيه ثلوج الآن؟؟
ابي مكاشيت وبرٍ زين
نتونس فيه مع البزران
وش فيه اماكن تماشي؟؟
سواءاً داخل تبوك أو خارجها
سؤال اخير هل تنصحوني بزيارة حقل؟
ولا انها عادية
الاجازة قصير وماودي تضيع بفنادق وشقق مفروشة
مكشاتي متواصل
اول شي حياك الله
ثاني شي تبوك ان رحت شمال و الا جنوب شرقها و غربها ماراح تندم و ترا 4 ايام ما تكفي
انا انصحك تزور الشق 70 كلم طريق ضبا تروح اول النهار و تغدى هناك و تبات بتبوك
و عندك طريق البديعه بعد ما تصلي الفجر تطلع تكحل عيونك بالربيع تاصل البديعه -العنبه-الضلفا- رحيب-البليطيح -اشواق-
و تبات بضبا و ترجع لتبوك
اسمع كلامي و ادع لي
المشاركة الأصلية كتبت بواسطة نويجع
ولايهون اخوي نويجع وكلامه على ماتمه
الشق تطلع له على طريق ضباء وتصفر عدادك 75 كم راح تقابلك لوحه على الجهه الثانيه تبوك 75 كم ابدا لاوصلت اللوحه انزل يمين وانت رايح طبعا لضبا يجيك جبل على يدك اليمين يسموها (حصاة الامير ) طبعا كان امير المنطقه يجيها..... الشق بعد حصاة الامير تقريبا ب 2كم جهة الجنوب ولاكن انتبه واحرص .. لانه متساوي مع الارض ولاكن يكون واضح للمشاهد .................هذا بالنسبه للشق
وطريق البديعه تطلع على طريق البديعه - العنبه -الظلفه _ بعده يجيك طريق مزفلت تفرق معه على الديسه يمين يسموه (حجاله)واذا كنت لوحدك مانصحك خاصة معك عائله لان الطريق اذا وصلت للوادي ينقطع الازفلت ويصير وعر الا اذا كنتم اكثر من سياره مايخالف ووصف اخونا نويجع انك تنزل على الديسه وقبل الغروب اتجه للضباء واستمتع بكم يوم في البحر
وبالنسبه لحقل ممتاز جدا الايام هذي ولو تواصل من ضباء على المويلح -شرما-الخريبه - قيال وتفرق على -البدع - الشرف -وبعدها طريق يوديك لحقل يسار واذا تبغى اللوز تروح يمين ومن لفة جبل اللوز تقريبا 20 كم الى قمة الجبل لاكن ماظن الايام هذي فيه ثلوج
ان شاء الله اني افدتك اخي الغالي ومن يسأل مايتوه ان شاء الله
مكشاتي
ولايهونون الشباب ترا تبوك الاجواء هذي فله روح حقل روح جبال اللوز روح الديسه وترا الديسه طيبه واذا عائليه توكل على الله وخذ لك سلاح
مكشاتي نشيط
ماقصروا الشباب ولاعندي شي أزيده سوى حاجة بسيطة الا وهي منطقة بجدة الربيع بها زين وإن بغيت نفود وهضاب وجو رائع وحتى البحر قريب منك ويبعد حوالي 60 كيلوا عن هذه المنطقة وبجدة تقع غرب تبوك بــ 90 كيلوا على طريق شرما
مكشاتي متقدم
جبل اللوز قبل كم اسبوع وكان الثلج قليل
مكشاتي
نويجع
عاشق الموطن
دب حساس
بلال البلوي
عطيب المضارب
يعطيكم العافية ماقصرتوا
كفيتوا ووفيتوا
المواقع كثيرة لكن مثل ماقال اخوي نويجع 4 ايام ماتكفي
لكن باختصرها على بعض المواقع المهمة
ابي اعرف جبل اللوز كم يبعد عن تبوك؟
مكشاتي
ابي اعرف جبل اللوز كم يبعد عن تبوك؟
مكشاتي متقدم
يبعد 150 كم من تبوك على طريق عمان -بئر بن هرماس - العيينه- الزيته
مثل ماقلو الربع الديسة والمناطق إللي حولها مربعه وافضل من الجبل
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس