كشته برية 100 % 100والبعد عن ضغوط العمل من ### تويكس020###

[تويكس 020]

صباح / مساء الخير لكل الأعضاء والزوار
هذي طلعة للبعد عن أجواء المدن وضغوط العمل واللي كنا بحاجه لها مع شباب شقرديه شرواكم وتميزة هالطلعة من جو حلو الى أحلى وطبختين على الكيف ريش مع البطاطس بقدر الضغط بدون ماء + رز نثري بقدر الفخار وصراحه هي من أشهى الطبخات وأحبها لي
ونبدأ بسم الله بتجهيز القهوة والشاي وشبة النار

تقطيع البصل وأغراض السلطه والبطاطس

رش البهارات والملح على الريش من الجهتين

صف البطاطس بقدر الضغط

رش ملح وبهار على البطاطس

صف الريش فوق البطاطس بشكل دائري وبقدر الامكان عدم ملامسة اللحم لأطراف القدر

يــــــــــتــــــــــبـــــــــع
*********
******
*****
***
**
*

[تويكس 020]

حياكم الله عدنا من جديد

كتم اللحم بالقدر لمده بين 20 الى 25 دقيقة بعد دوران البلف

تجهيز الرز : وضع بعض الشحم المقطع الى قطع صغيره وتحريكها على النار

تقليب البصل مع الشحم

وضع الطماطم وتقليبه حتى تتجانس

وضع الرز وصبيت عليه ماء ( بارد ) بكيفي

تغطية الرز بقصدير على نار هادئة لمدة بين 15 الى 20 دقيقة

جمعة الشباب

يسعد ربي هالابتسامه يابو لارا

حياك ربي عندا يابندر

هلا بأبو عبدالرحمن نشمي والله بالحيل

صور للأجواء وبداية التغير في الجو

أحد الضيوف

فكينا القدر وكان هالمشهد الخيالي للحم

يــــــــــتــــــــــبـــــــــع
**********
*******
*****
***
*

[تويكس 020]

أهلا وسهلا ومرحبا بكم وعدنا من جديد

طلعنا حبتين بطاطس للتصبيره وكان الطعم خيالي

شكل البطاطس بالقدر ( لا تخافون من الزيت ) من أسرار الطبخه ان البطاطس مايمتص الزيت من الداخل بس يكون من الخارج وبشكل بسيط ولما تجرب تعرف أكثر

قلنا نشوح الريش على الجمر ( تقمير ) حتى يكسب طعم أحلى

ولما شلت القصدير من على القدر الفخاري لقيت الرز يويق علي ( يعني ينظر باستغراب ) وقال وش تبي قلت أبيك يا نثري قال حياك أنا خلصت ماعاد أبي نار

البطاطس والسلطة

منظر عام لمجموعة الطبخة وكاسة شاي ع الطاير

السفرة جاهزه يلا يا شباب

صورة قريبة

وصورة أقرب وأحلى

سموا الله يحييكم على قل الكلافه

بعد الهجوم والمنظر النهائي

بداية الغروب وزيادة البرد والديار تطلب أهلها

وفي الأخير دع المكان أفضل مما كان

وفي النهاية أرجو أن تكون هالطبخة نالت أستحسانكم ورضاكم وأعتذر عن الاطاله
وتقبلوا تحيات أخوكم
تــــــــــويــــــــــكــــــــــس020
TWIX020
أبوتركي

[حطب سمر]

ما شاء الله تبارك الله

[ابوتركي2009]

مشاء الله تبارك الرحمن

ننتظر الباقي

[الذئب الاليف]

شكل تونا ماكملة الصور
كمل حتى نرد عليك ونقول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[زايــ ابومحمد ــد]

--
وعليكم السلام ورحمة الله وبركاته
مرحبا اخوي العزيز
,, ابوتركي ,,
ماشاء الله عليكم
وتشكر والله يالغالي على هالتقرير ,, وهالسرد الجميل
والله يعافيك ويسلم ايديك على هالطبخ الطيب
اسعدتنا بهالصور الجميله

وشكراً لك ,, اخوك
ابومحمد

[اخوخالد]

عوااااااااااااااااااافي

[القناص-sniper]

صحتين وعافيه

بارك الله فيك ما قصرت

[قناص الحاير]

ماشاء الله عليكم شغل مرتب والله لا يفرقكم

تصوير جميل

[هاوي عبث]

ما شاء الله عليكم ناقصكم انا بس وتفلونها

مرتن ثانية اعزموني عاد ... ما دام فيها بطاطس

امزح ... بالعافيه ع قلوبكم
تقرير جميل شوقنا للطلعات والله

[عبدالرحمن11]

ماشاء الله تبارك الله
الله بحفظك

[جوبتير]

ابداع ابداع ابداع والله باقل التكاليف واقل التعب
ارمي البطاط ورص فوقه اللحم وانسى الموضوع
جديده هذي بصراحه ولا مويه ولا شي
لكن النتائج كانت مذهله < ولا بنت النور ههههه
يعطيك العافيه ابو تركي وانا جربت هذي الطريقه بطريقة الطبقات يعني شرائح بصل وفوقها شرائح طماط وفوقها شرائح بطاط وبعدها طبقة لحم وبعدها طبقة طماط وبعدها طبقة كوسه وبعدها طبقة بصل وحط اللي تبي وبدون قطرة ماء قفل القدر وتشوف العجب العجاب لكن لا تنسى الملح

تحياتي لك

[Al3rands]

اتعبتني بس عليكم بالف عافيه

[ع العمرو]

ما شاء الله تبارك الله