تانكي السنيدي ولا خزان الوطني ؟؟

[تسعه وتسعين]

طيب وانا اخوك وشلون تثبيته في السياره ,, انا ماشفته على الطبيعه لكن الي اشوفه ان ماله مقاضب يربط منها

اهلا اخي فصاص
والله هذي اللي ماعندي خبر وسألت وافادوني بربطه بالمرتبة الخلفيه نفس طريقة تثبيت خزان الوادي وبالنسبه للي معي مايتحرك
وعذراً انا اقصد بردي الاول خزان الوادي وليس السنيدي ولا اعرف اي شي عن السنيدي

[قطب 999]

مافه مثل الحديد لا تغير طعم واصح من غيره

[«نجم الخير»]

لاذا ولاذا التفصيل احسن لك الالمنيوم

ولايردك الى ورشة الصمان شغل على الكيف

[ابومحمدحديثي]

فيه ملاحظه على الوطني برودته الغير عاديه بالشتا الظهر كود تصخن الما والالمنيوم دافي بالشتا بس يمكن هذي ميزه بالصيف للوطني

[فصاص]

كلام منطقي وصحيح 100%
وأزيدك من الشعر بيت
الألمونيوم إذا لبسته جراب تنزاني مع أسفنج يزيد قوة عزل صوت الماء
وإذا السعر ما يهمك فأنصحك تفصل تانكي الألمونيوم عند (سوافي)
شغلهم رائع جداً جداً
فصلت عندهم تانكي ألمونيوم من خمس سنوات ولا شكيت منه في شيء أبداً
واللحام عندهم متميزين فيه
وأجزم أنه أفضل بكثير من لحام السنيدي
لاحظ الأروقة عند السنيدي لحامها ضعيف -وهي حديد- وكثيراً ما تتكسر من تحت

الله ييسر لك يالغالي

الكفه تميل لصالح الالمنيوم
عافاك الله

[فصاص]

فيه ملاحظه على الوطني برودته الغير عاديه بالشتا الظهر كود تصخن الما والالمنيوم دافي بالشتا بس يمكن هذي ميزه بالصيف للوطني

في صيفنا الله يجيرنا من النار من الي بيطلع
هذي تحسب للالمنيوم بعد

[احمد القحطاني]

اولاً خزان الوطني يتميز بعدم تغير الطعم لو ترك الماء 6 اشهر
ثانياُ درجه حراره الماء في خزان الوطني اقل من الالمنيوم وكلما زادة درجات الحراره في الخزان المكتوم يكون ظار بعكس خزانات المنازل المهويه بالفلاتر والغطاء الغير محكم
اذا وجد طعم غرب في خزانات الوطني فالموضوع سهل يخلط بماء وملح خشن وكلوركس ويعبا الخزان نصه ويترك في السياره ليتحرك اثناء سير السياره لمدة 3 ايام ويتم تفريغه ويغسل جيداً ثم يستخدم طبيعي