يالربع طلع عندي في الجيب علامه في الطبلون T-BELT ويش معناها

[waleef]

السؤال لاهل الخبره طلعت العلامة قبل يومين ولا ادري ويش معناها في سيارتي وللمعلوميه ترى السياره في اكس ار 2007

[ابـوركـان]

علامة الحزام

[×عاشق الجنة×]

أخانا الحبيب

لعل المراد صيانة تخص الجنزير

كما مرت بي سابقاً

[جرير]

حياكالله
هذه العلامه والله العالم انها لجنزير المكينة
السيارات الاخيرة ومنها اللاندكروزر يطلب تغيير جنزير المكينه بعد مشي السيارة مسافة حدده وتقارب 150000 كيلوا وبعض الناس يتجاهله وبعضهم يسارع لتعديله
والاخوان لديهم المعرفة ان شاء

[otaibim]

السلام عليكم اخي waleef بنسبه لهاذي اللمبه حقت التايمربلت الي هو الجنزير ويبدل التايمر بلت في الوكاله كل بعد مية وخمسين وهاذي ما تجي الا في اللكزس والفي اكس ار

وكلام اخونا المشرف مية في المية صحيح

وشكرااااااا

[الصايخة]

كما ذكر الاخوان تخص تبديل سير عامود التيمن في المكينة

وتقدر تطفيها وذلك بفتح السويتس (بدون تشغيل للمحرك) ثم الضغط على دواسة البنزين 10 مرات ثم ارجاع المفتاح وفتحه مرتين

وانصحك تغير السير ( ممكن يكلف الف ريال ) لان تلف السير يعني تلف للمكينة وممكن تخبط وبعدها بيكلفك 15000


فماان الله

[الشهابة]

علامة T-BELT تظهر في طبلون اللاندكروزر كل 150,000 كلم

و هي علامة جنزير المكينه او يسمونه سير التايمن (Timing Belt)

اذا كانت المكينه 8 سلندر لازم تغير الجنزير مع البرمجه و التلكلفه في وكالة تويوتا 1500 ريال مع البرمجه و في الورش الخارجيه مثل العضيب و غيره 1000 ريال

اذا كانت المكينه 6 سلندر مافيها جنزير بس العلامه تطلع لأن طبلون الـ8 سلندر و الـ6 سلندر واحد و تبرمجها بـ 50 ريال عند العضيب و انت واقف و تروح العلامه

[هاجد2000]

نعم كلام الاخوان صحيح يتبدل كل 150000الف كيلو بالتوفيق

[waleef]

عز الله انكم صادقين كلكم واكبر دليل ان سيارتي توها ماشيه 150 الف كيلو هاليومين والله لا يهينكم وبيض الله وجيهكم جميعا

[waleef]

طيب انا رحت لمكانيكي يقول بيركبه 300 ريال بس مايقدر يسوي له برمجه ويش تنصحوني عليه

[نواف نجد]

أنا مكلفتني حدود أربعة ألاف في وكالة عبد اللطيف
وغير معها فلااتر الموية وغير الشدااات وحاجات لازم يغيرونها إذا غيرو الجنزير الكلام ذا قبل اسبوووع

[هايل العتيبي]

قد صارت معاي في الجيب فكسار 99
تجي تحت العداد لونها برتقاليه
وديتها واحد وهو جنزير المكينه وشده لي وضبط

[الكرينكوف]

جنزير المكينة (سير التيمن كما يسمى)

وانصحك بتغييره بسرعة ومهما كلف الأمر اشتري من الوكالة وغيره في ورش الصناعية

[ABO RYAN]

السلام عليكم

اخي العزيز كان معي في اكس ار وولعت معي اللمبة على 150000 كم

وديتها الوكالة قالو تكلف مع البرمجة مابين 2200 - 3500 لانهم

يشيكون على العده اللي بالصدر كامله سير - شدادات - طرمبة موية

لكن وديتها لورشة برا كلفت قطع مع شغل يد 970 فقط

500 شغل يد و 470 سير وشدادين والبرمجه في اي ورشه عندها كمبيوتر

[الأحمدي 07]

صارت معي وجنبت وفتحت الكبوت وجد لي صغير رايح للجرم الي يركب فيه فلتر الهواء
زي لي موية المساحات كان مفصول شبكته وانتها البرابلم