وش جربت من الجيوب ؟؟

[Mekshaati@]

السلام عليكم ورحمة الله وبركاته

كل عام وانتم بخير اخواني المكشاتية

ودنا نعرف تجاربكم وخبراتكم مع الجيوب

و كل واحد يقول وش المواتر اللي جربها ورأئية فيها


ولكم جزيل الشكر

[الادعج]

بالنسبه لمواتري الشخصيه من الجيوب اشتريت اثنين
الاول /ربع نيسان 92 >>>>يالبى قلبه الله يربح شاريه
الثاني /فتك 2009 >>بسم الله عليه الله يحفظه لي
هذا بالنسبه للجيوب ..اما بالنسبه للمواتر الصغار فقد اشتريت موترين
.
.
اما بالنسبه للمواتر اللي مهب لي ..فمثلا حقت الوالد :
الاول >>او بالاحرى اول واحد سقته من جيوبه ../جيب لاند كروزر 86 ..حتى اخبره فل كامل بعد:d درجه حراره ..وارتفاع عن مستوى سطح البحر>>حركااات ...والله ياهو كان ثقيل طينه
الثانى /في اكس ار 97 فل كامل >>ياحليله
الثالث/ في اكس ار 2006 فل كامل بعد ..مابطى معه
الرابع/في اكس ار 2005 فل كامل بعد..وهو الان حاليا معه الله يطول بعمره على طاعه الرحمن
والشايب حركااات ما يشري الا فل كامل ولازم قير عادي ماعدا 2006 >>>شايبي متعنصر تايوتا:d
مواتر احد من خوالي مثلا
في اكس ار 2001
فتك سلوقي 2003
جي اكس 96
ربع نيسان 99
جي ديزل 2002 >>>الله من ثقل الطينه
فوتشنر 2009 <<<حق واحد من الشباب
جي اكس 2007 <<<حق واحد من الزملاء
ربع نيسان 2005 >>>برضه حق واحد من الزملاء
وكل موتر له ايحابياته وسلبياته ..بس يبقى الفتك عندي ^زعيمهم كلهم^

[Mekshaati@]

ماشاء الله عليك يالادعج مشاركة دسمة ما خليت للشباب شي

ومن كلامك الفتك على راس القائمة.

ولا تنسى سلم علي الوالد وحب راسة و تراني أحب الشيبان اللي يكشخون ماهو مثل بعض الشيبان اللي راكب ددسن ورصيدة 50 مليون.

[عاشق البترول]

موضوع جميل تشكر عليه اخي الكريم...........
بالنسبه لي انا استعملت اول سياره باجيرو 97_كرف وهجاد ولعنت خير يازينه زينااااااااه
واستعملت وانيت جمس سيراا غمارتين دبل قير ارضي موديل2003 تبارك الرحمن
وحاليا باترول 2007 فاكه على يدي وكاله يازينه زيناه
تقبل مروري

[ذيب عتيبه]

السلام عليكم ورحمه الله


مجهود طيب وموضوع طيب تشكر عليه لاهنت ... وعافاك الله


بأتكلم عن المواتر اللي ملكتها

شروكي 97 رانجلر ... موتر ذرب وخفيف ووذف ... اليا بغيته ماقال لا .. واليا كسرت طارته لف قبل لاتكسر الطاره .والخفه ماهنا اطيب منه ... لكن خرباته علت كبدي

باترول باب واحد موديل 2000 ... حليو وممشاه طيب ويجيب طبلونه ماشاء الله عليه .. لكن ثقل المكينه فالبر لك عليها شوي ..ويصلح للحصا واما الرمل ماينفع ...واما الخرابات ماشاء الله مااشتكيت منه

فكسار 91 ... الله لايعيدها من شريه ... عل كبدي بالثقل ... كنك تسوق حراثه ... لكن مميزاته حلوه واطيبها ماشاء الله عليه ماتحس بمطبه فالبر ... ومستحيل ماشاء الله عليه يغرز واليا غرز ولو في اكبر طعس بالثقيل ويطلع وقوه السحب عنده ممتااازه ان بغيت يسحب باص مغرز سحبه

موتري حاليا شاص نيسان 89 ... مااشاء الله تبارك الرحمن ...اطيب المواتر اللي شريتها الى الحين على قدم موديله لكن ماشاء الله تبارك الرحمن حصان ...ومعتبره خوي ساعات العسر ولا عمره خيب ضني فيه



هذي كل المواتراللي شريتها ... وطبعا هذي المواتر بر .. مااحركها فالديره .. لوجود سياره للديره


ولاهنت يالغالي على هالموضوع

[ونش]

موتري حاليا

[صدق النوى]

السلام عليكم ورحمة الله وبركاته
أحب أقول للأخوان الله يعطيكم خيرها ويكفيكم شرها
اول موتر شريته باترل ربع 84 والله ما ينظلم حليو بس ذبحني بالخرابات
ثاني موتر والحالي باترول 90 ربع الله يبارك لنا فيه الصراحه موتر بر نشاط وخفه

[فتك شرقاوي]

السلام عليكم ورحمة الله وبركاته

حياك الله اخي الكريم انت والاخوة الاعضاء ولك الشكر على هذا الموضوع الشيق

بالنسبة لي هذه تجربتي مع سيارات الدفع الرباعي :

1- ونيت جمس سييرا دفرنشين غمارتين ، مكينته قوية ما عليه كلام لكن كانت مشكلته الثقل في الرمل كان يفتقر للخفه

2- جيب لاندروفر دفندر 4 ابواب موديل 1984 في الحقيقة مافي مثله في الرمل خصوصا ان مكينته 8 سلندر . لكن مشكلته انه كان يفتقر لكل اساليب الراحه ، يعني كان دفش زياده عن اللازم

3- لاندكروزر فل اوبشن خليجي قير اوتوماتك موديل 1993 كان جيب ممتاز فيه كل مواصفات الراحه والرفاهية واستمتعت بإستخدامه

4- لانكروزر فل اوبشن موديل 1996 قير عادي تجربتي معاه كانت افضل من تجربتي مع سابقه لان القير عادي هناك فرق طبعا

5- لاندروفر دسكفري 4 ابواب موديل 2000 في الحقيقه هذا من افضل الجيوب التي استخدمتها على الاطلاق . كنت اشعر وانا فوق الرمال انه يسبح سباحة ولا يرده لا طعس ولا غيره ، موتر قوي مكينته 8 سلندر وفيه معظم اساليب الراحه لكن مشكلته كانت الوكاله ، قطع غيار ناقصه وغاليه وصيانه سيئة

6- نيسان سوبر سفاري فل اوبشن موديل 2002 حقيقة بعد ما جربته لمت نفسي اني ما اقتنيته من قبل . موتر ما عليه كلام

7- نيسان سوبر سفاري فل اوبشن 2004 ...... بدون تعليق

8- نيسان سوبر سفاري فل اوبشن 2007 ...... ما زلت مستمتع بإستخدامه

حقيقة بالنسبة لي ، النيسان ماله مثيل . صحيح ان اللاندروفر دسكفري اقوى في الرمل ، لكن هناك فروقات كثيرة تجعل الفتك يتربع على القمة بلا منازع

وبمشيئة الله ، انتظر نزول الشكل الجديد من النيسان ونبي نشوف الفرق بينه وبين الشكل الحالي

هذي تجربتي مع سيارات الدفع الرباعي ، وعذرا على الاطاله

لكم تحياتي

[مدمن فتك]

بالنسبه لي:
شروكي باب واحد 99 : بالبر خفيف ونمرته الثانيه طويله واستهلاك بنزين حلو لكنه مايتحمل الجور قوة سحب رائعه
شاص 2006 بريمل فل كامل: بالتحميل لايضاهى ابدا باي سياره ثقيل بالبر نوعا ما لايعرف ماهي قطع الغيار استهلاك بنزين عالي غير مريح بالخط ابدا
سفاري 2 موديل 2009:كنق بالبر وبالخط سريع الاستجابه استهلاك بنزبين فوق المتوسط مواصفات داخليه حلوة
(الفتك ولاشيء غيره)

[ابويارا1001]

انفوي 2003
تريل بليزر 2003
برادو vx2003
gxr 2004
باترول ربع 1990 وهو اولهم وما زال عندي والباقي بعتهم

[سفاري959]

السلام عليكم اول سياره باترول ربع 98 وكان حلووبعده سوبر سفاري 93 وكان من افضل الجيوب اللي استخدمتها بعده سفاري 92 متعوب عليه واخو الجديد انسرق من قدام البيت الله يخلف بعده سوبر سفاري 97 ممتاز خفه ورزه ماشاء الله عليه والان اس جي ال 99 حليل بس موتر في الخط احسن منه في البر ولازلت اقول القديم اقوى من الجديد في البر والسحب طبعا استثني الفتك ماعليه كلام اسف على الاطاله ومشكور على الموضوع الشيق تحياتي للجميع

[الظلماوي]

اول جيب عشة شراع موديل 78تايوتا له من الذكريات الكثير
جيب رانجلير 91 وكان من امتع السيارات التي اقتنيت
gx-r2000خليجي الجيب الي مابعده جيب
والان معي باث فندر 2004وشاص 2004وشاص في البر اذاكان مجهز لادور موتر بعده
وشكرا"

[الكونترولCONTROL]

و عليكم السلام و رحمة الله و بركاته
------
1- جيب ربع تويوتا 92 ( سنة و نصف ) قمة في القوة و التحمل
لكن قمة أيضا في الضيق و قطعة الظهر !! لكن أنا أشهد انه موتر بر و بس !!
2- سوزوكي فيتارا ربع - 1994 - 8 شهور مريح و زين بس حساس جدا
3- باترول sgl 1999 ربع ( 3 سنوات )
أفضل سيارة سقتها في حياتي !! و ما تحسفت على بيعة سيارة مثله !!
4- جي اكس ار ديزل 2002 ((3 سنوات ))
ممتاز جدا للطرق الطويلة لكنه بالديرة ما يشجع بالحيل مع انه أفضل من كثير من السيارات
5- vxr 1998 كمل معي الان 6 سنوات و كل ما جيت أبيعه أتراجع !!- أقوى سيارة جربتها
ممشاه ممتاز و بالخطوط ممتاز و واسع - يعيبه الصيانة صعبة و غالية .
و جربت 3 أنواع من الشيروكي لمدد قليلة جدا !! ما توالفنا يعني !!
لأني أروح و ارجع في النهاية عند تويوتا و نيسان !!

[قرقس الكشتة]

بسم الله الرحمن الرحيم
أنا جربت جيبين فقط
الأول: لاندكروزر Gxr 2005 صراحة مواصفاته حلوة ومريح جداً بس به قل عزم غير طبيعي بالنفود ولايساعدك أبد بالنفود يالله يمشي نفسه (( تجربة حلوة ولاشكيت منه شي إلا قل العزم ))

الثاني : فتك 2009 الراحة أقل من اللاند بمراحل لكنه ماشاء الله به والله النشاط يفز فزة خيل ماشاء الله
ومايبلشك بالنفود أبد (( تجربة حلوة جداً جداً جداً والله يخليه لــي ))

ولكم تحياتي
وتقبل مروري

[ابو فهد حاايل]

انا جربت :
باترول 98 والله لك عليه
والثاني شاص 2006 بعته بسبب حاجتي الماديه
والأن جي اكس آر 2000
وافضلهن واللي انبسطت عليه الشاص وعقبه الجي اكس
وتقبل مروري