*** رابطة ملاك شوازن براوننج ***

[ابوطلال111]

بسم الله الرحمن الرحيم
الاخوه الكرام في منتدى مكشات
السلام عليكم ورحمة الله وبركاتة
اسئل الله العظيم ان يفرغ عليكم من صبره وينزل عليكم سكينته ويجعل صدوركم رحبه لرد على سؤالي ؟؟ شوزني براونق فوشن أوفوجن ||تهفي أوتنزل عن الهدف حوالي شبر(بيد الرجل المتوسط)
طول السبطانه| 32
الفشق|RC36
مركب تشك خارجي (أطول واحد من مجموعة التشكات الخمسه)
ارجو من الاخوان أهل الخبره ان يفيدوني وجزاكم الله خيرا

[الهداااف]

اخوي المميز
انا واحد من ربعي القريبين شرا الماكسس ورما حوالي صندوق ونص
ويقول نفس الكلام الي تقوله يقول احطها في الراس تجي في الرجلين


اما ابو طلال
الفيوجن لها معي سبع سنوات ما واجهت هالمشكلة


عندي سؤال
اللسان حق الفيوجن ينفك ؟؟؟
و وش لون؟؟

[الهداااف]

اخوي المميز سألت عن النزول الي في الماكسس

يقولك اذا خشم الماصورة فوق طلع كامل المثلث الي فيه النقطة الحمرا او الخضرا
اما تحت مضبوط رميها

ابو فهد
كل شي جديد احسن من الي قبله
جرب فيوجن او ماكسس وتعرف النعمة صدق


اخوي الحداااق

بالنسبة لي الفيوجن افضل
لانها مجربة اكثر ومستعملة مدة كبيرة فقط
وهي ماتزود عن الماكسس واجد بس ماتحصلها

[جول قميري]

اخوي المميز


عندي سؤال
اللسان حق الفيوجن ينفك ؟؟؟
و وش لون؟؟

اخوي الهادف اذا تقصد باللسان اللي يرفع الفشقة لبيت النار
ففكه سهل جدا
فيه خابورين تطلعها ويطلع اللسان مع الزناد واجزاءه اللي هو الديك والسبرينج
والحامي..

[ابوطلال111]

مشكور اخوي /الهدااااف مشكوووور على مرورك لكن المكسس لها في الاخمص او (العاقب)ميزانيه
ويمكن اكثر الاخوان أهل الخبره يعرفون واحد من الشباب اشتراله مكسس جديده وطلعنا نشوف
وقعها0 حطينا كرتون وعلامه في الوسط ورمينا 0لكن كل الرمي يروح يسار مره مرتين كل الشباب
رميهم يسار ؟؟وتجيك التعليقات اللي يقول الماسوره مايله واللي يقول رجعها واشتر قديمه احسن
وبعد كم يوم قال انه وزنها ؟؟؟؟؟وشلون؟؟؟قال ان لها في العاقب (الاخمص)صاموله او قال مسمار
ماأذكربالظبط لكن له علامات يمين يسار فوق و تحت وجربناها وماااشااااااءءءالله مسكته 0غايه0
خصم 0
وأنا:ابي اهل الخبره مشكوريين يعلموني أذا للفوجن وزنيه اولا؟؟وكيف الطريقه لوزنها؟؟؟؟

[ابوسرى]

ياجماعة الخير

السلام عليكم ورحمة الله وبركاته

انا في تردد دائم بالنسبة لها الشوزن اشوف سعرها بعض الاحيان طيب

لكن ما اعرفها اجهلها كثيرا وفيه ناس كثيره تمدحها حتى الناس ياخذون منها حاجات يرهمونها

مثل الماصورة ألخ ،،

وناس قالوا لي لا ترمي بها اكثر من 32 غرام لانها ماتتحمل ولا اعرف ليش

و و و و ألخ وانا احس انها تطرب طرب وانا متردد كثيرا ياجماعة ياليت من يعرف عنها

شي سوقها تحملها تحمل فشقها ألخ يخبرنا الله يوفقكم

مثل اللي بالصورة واعتذر لصاحبها

[الوسيطاء]

اخوي البندق تتحمل بس عيبها الفلنجه الي تمسك الماصوره لاتستحمل وتنشعر

[قناص*07]

ممتازه وتقبل الى ضغط 40 بس لا تكثر به
معي لها 14 سنه وما اعرف استخدم غير 36g فقط و بعض الاوقات 38 وهي ممتازه بس اخشابها تنشعر من كثر الاستخدام وخاصه مع 36 و 38



خذها ولا تشاور بس اهم شيء اخشابها سليمه واصليه

[رمح الزمان]

والله ياخوي عندي اختها عيبها تمسك الفارغ متطش وفيه واحد من اللاخوان منزل موضوع عنها وفيها مقلد

[رمح الزمان]

http://www.mekshat.com/vb/showthread.php?t=382583

[ابوطيف2]

اهم عيوبها الثقل والإرداف يعني تغص الفشقة كذلك مكينتها حساسة جدا من الغبار وأنصحك بفشق ابو غزال هو احسن شي له عشان ما تغض بالفشق ....

مميزاتها انها من افضل البواريد الي تسوق حسب تجربتي معها ولكن تراها ما تفرش واجد ,,,بشكل عام انصحك بها وهي فعلا تطرب ,,,,,,,,

[فرخ قطا]

جربت البارود الصراحه ماعليه لاكن مايتحمل ضغوط ارميبه 32
ومره رميت ضغط فشقه وحده بس وانسكر اللسان ومادري وش جاه صلحته ب 400
خلك على فشق 32 ولا خذلك تركيه وارم ضغوط الي تبي

[عبدالسميع]

الشوزل قديمة

و وزنها ثقيل و نظام الامان فيها رديئء

نصيحة أخذ بسعرها تركية أو روسية أفضل لك

[احلى نواف]

تبي الصراحه



والله انها حلوووه بس داوم على تنضيفها قبل وبعد كل موسم وتدوم معك




وارم برصاص ضغطه خفيف





والي يقوولك خذ تركيه لايهموونك التركيه اذا احميه ماصورتها طاح رميها في الارض




وسلامتك

[عآشق آلشآص RC]

اخوي العام طلقنا بربع طلقات RC رقم 2 ضغط 40 الرمادي وراء بعض

على جول رهو بشوزن نفس الي في الصورة

لا انشعرة ولا شيء بس نارر الماصورة

طرحنا منه 3 والي طار 2

اذا لقيت خذها ترااه ززينه