تشغيل اليوكن عن بعد بدون المكيف .. ؟

[zayedx]

سلام عليكم .. اخواني المكشاتيه ^

استفسار بسيط ..

عندي يوكن الجديد واذا شغلته بالريموت يشتغل معاه المكيف ..

اذا في طريقه يا اهل الخبره اشغل السياره بالريموت بدون مايشتغل المكيف ..

واكون شاكر لكم &

[PATROL4800]

قطع اسلاك المكيف

[رويال4446]

^^^
غريبة ما قال صاحب الوضوع ابغى ناس تنكت

يجون اهل الخبرة ويخبرونك

بتوفيق

[راكب الشفر]

ما تقدر تشغل الموتر عن بالريموت الا والمكيف شغال

[AMERALNET]

اتوقع والله اعلم ان العمليه قائمه على برمجه ومن خلال البرمجه بامكانكـ التعديل على بعض الخصائص
وتغير على كيفكـ وهذا يتم عن طريق الوكاله او احد عنده كمبيوتر لليوكن ويعدل عليه
للمعلوميه سبق ان اطلعة على قصه وهي تحصل فرع من فروع الصيانه الخاصه بالوكاله
يعلم شي والفرع الثاني يجهل هالشي.
والله اعلم

[عزٍيزٍ]

نصيحة لك , حط برودة المكيف على الوسط , لا بارد ولا حآر

واذا شغلت الموتر مآيأثر على برودة السيآرة

آبرك من آنك تسوي بالسيآره يمكن يحوس عليك شي اكبرر

[((ابوملاك))]

قطع اسلاك المكيف

ياخف دمك !

[الشهابة]

نفس الشي في جمس و نيت سييرا 2011 عند التشغيل بالريموت عن بعد يشتغل المكيف .. طلبنا من الوكاله عند اول صيانه يلغونها و رفضوا و قالوا لو تلغيها برى الوكاله يروح عليك الضمان !!!

[الكاااايف]

معلومة مهمه فعلا,,, مع العمل ان المكيف يدوي

[zayedx]

يعطيكم العافيه مشكوورين ماتقصرووون .. ^

عموما رحت للوكاله يقول لي مانقدر نسويهاا لك لازم يشتغل المكيف

وكلمت صاحبي يقول يسوونها لك .. مااعرف اهوو من نفس الموظف يصرفني .. او صحيح مايستوي

^_^


اخوكم zayed

[zayedx]

نفس الشي في جمس و نيت سييرا 2011 عند التشغيل بالريموت عن بعد يشتغل المكيف .. طلبنا من الوكاله عند اول صيانه يلغونها و رفضوا و قالوا لو تلغيها برى الوكاله يروح عليك الضمان !!!

طيب تخبر مكان يلغيهاا لك .. انا عندي 2008 يعني الضمان خلص ..
وهل لهاا اضرار اوو مشاكل ..

ومشكوور عالمرووور

[الشهابة]

و الله يالغالي انا سألت ورشة الجابري في صناعية العويضه و قال لي جب السياره و اشوفها ..

و رحت لورشه في صناعية حي الخليج عند واحد سعودي و قال ابلغيها لك بدون برمجه شغل فك و تركيب و خربطه و تركته ..

و قال لي واحد رح لورشة عبدالرحمن الجميح يمكن يعرف لها .. بس شفت الشغله فيها سوالف طويله تركتها و امرنا لله ..

[1231]

عند وآحد من قرايبي يوكن 2007.


ونفس المشكله.


وكتبت موضوع هنا بمكشات.. من زمان وصار فيه ردود كثير. مآ اتذكر بالضبط.



سو بحث وبتحصله.


ما اضن في طريقه تفصله.


وشكرا.

[مجنون نحم]

سبحان الله العظيم


تدري لماذا ابتكروا تشغيل السيارة عن بعد ؟؟ علشان تشغيل المكيف قبل ما تركب فهمت يا عزيزي

يعني كنك تقول بطب في البحر بس مابي اتبلل
اتمنى وصلت الفكرة

[((ابوملاك))]

^^^

صحيح كلامك

مو حاطين التشغيل عن بعد عشان تسخنه

لان التخين ما ياخذ دقيقتين ان كان براااااد