افضل كفرات للجيب الحجرية لطرد الارانب في الحصى والفرووش

[ابو ملقاط]

السلام عليكم ورحمة الله وبركاته


وش افضل كفرات للجيب تتحمل حصى وجرش وقوي ويعيش خاصة لما تطرط ارانب في الحصى ههههههههههه والشعبان وشو الكفر الي يتحمل دف الحصى وسرعة في الحصى كفرات مطراد في الشعبان والفروش
طبعا الجنوط 16هلل
نسمع نصايحكم خاصة اهل الوعر يالبى قلوبكم

[شبل داورد 1]

وعليكم السلام والرحمه
أفضل الكفرات البالون
من واقع تجربه
والله أنا نطرد على 80في حره ماشاء الله تبارك الله

[قناص الغداري]

ماكسس بالون الخاص بالارض الوعرة

[اتجاه السحاب]

بالون أودنلوب عريض
كل ماصار الجنط عريض صار افضل لان الكفر يفرش اكثر

[ابو حسان الجنوبي]

البالون من ماكسس او سيام أو دنلوب

[زمزم 100]

الله يثبتنا بالعقول .

تنصحون الرجال بالبالون في طريق بر جلد و حصى !!

يا أخي مالك إلا حجرية .

البالون مخصص للنفود فقط .

[جديعان]

فيه نوع اندنوسي يجي مع جيب العشه تايوتا قديمااااا يشهد الله انه حق جلد واماااكن وعره والكفر سخيف

ما ادري وش اسمه يفيدونك الاخواان

وعندك الكفر ذا شوفه مدري وش نوعه ياليت الاخوان يفيدوناا

[مجالس الرجال]

على حسب المكان لكن اذا الحصى من الحاد فالحل كفرات 14 كاندس نفس اللي على الدينات
بس ماتستخدمه على الزفلت لان البالون مايتحمل هالنوع من الحصلى عند الطرد واللفات القويه

[المستحيل2006]

دانلوب الي يجي على الربع هذي احلى كفرات للجلد والوعر من واقع تجربة وخذ نوع 8 طبقات بس الله يعينك على المطب ولو تبي مطب اخف خذ 6 طبقات ...... هذه وجهة نظري

[عبد الله 99]

الله يثبتنا بالعقول .

تنصحون الرجال بالبالون في طريق بر جلد و حصى !!

يا أخي مالك إلا حجرية .

البالون مخصص للنفود فقط .

انا اشهد انك ذيبان

[شبل داورد 1]

فيه نوع اندنوسي يجي مع جيب العشه تايوتا قديمااااا يشهد الله انه حق جلد واماااكن وعره والكفر سخيف

ما ادري وش اسمه يفيدونك الاخواان

وعندك الكفر ذا شوفه مدري وش نوعه ياليت الاخوان يفيدوناا

الكفرات ذولي فيها صبر وتحمل بس ؟؟؟؟؟
ماتنفع بريال في الحره لرجال القناص من واقع تجربه الطرد في الحره يبغا كفر لين يتخفش ويريح الموتر والرماي حنا مره قنصان على موترين موتر بالون وأنا كفرات بلد حقة الجكس المضلع في الاخير صرة اوقف سيارت وركب معهم

اما ذولي والله لتعيفك في المقناص كله

غييييييييييييييييييييييييير البالون لاتدور
رمل جلد حصاء

[فهد؟]

السلام عليكم اخوي انا دايم اقنص الحره جنوط 16 سخيف الجنط واصلي وتيوبلس وبالون ماكسس واخلي الهوا 25 راحه وبعد الله مافيه اي بنشر اسال مجرب ولا تسال طبيب الي يقولون البالون مو حق حره انا عكس رائيهم من واقع تجربه لا كن طع شوري انت وجرب رح تدعيلي

[ابو ملقاط]

وعليكم السلام والرحمه
أفضل الكفرات البالون
من واقع تجربه
والله أنا نطرد على 80في حره ماشاء الله تبارك الله

لاهنت يا بو مصعب على الافاده
بس البالون في الحصى قد جربته ماينفع الافي الحصى الصغار اما الكبار وعلى سرعة ما يوفي بالغرض خاصة في الفات
المشكله ان فيه ناس كثير اسمعهم يمدحون البالون خاصة الماكسس لكن ماني مقتنع
البالون اعرف انه لردميات الطويله والرمل والضلعان الخفيفة
دمت بود

[شبل داورد 1]

السلام عليكم اخوي انا دايم اقنص الحره جنوط 16 سخيف الجنط واصلي وتيوبلس وبالون ماكسس واخلي الهوا 25 راحه وبعد الله مافيه اي بنشر اسال مجرب ولا تسال طبيب الي يقولون البالون مو حق حره انا عكس رائيهم من واقع تجربه لا كن طع شوري انت وجرب رح تدعيلي

خذ العلم من مجرب

[ابو ملقاط]

دانلوب الي يجي على الربع هذي احلى كفرات للجلد والوعر من واقع تجربة وخذ نوع 8 طبقات بس الله يعينك على المطب ولو تبي مطب اخف خذ 6 طبقات ...... هذه وجهة نظري

لاهنت يا المستحيل على مرورك
يعني تقصد الدانلوب الي تجي على الربع والشاص شد بلد
فيه نوع ثاني وقد جربته الي يجي على الجي اكس دانلوب ابو لبنه بس مشكلته لازم يكون ضغط الهوا فيه اثناء الطرد اكثر من 30 بس المشكله مطبه قوي
اذا كان هواه ناقص مثلا 20 او 25 يكرش جنب الكفر ويتشقق من الحصى من الجوانب
ولا هو كفر ضلع انا اشهد له