جيب رانجلر

[الحسام القاطع]

السلام عليكم

وش رايكم في الرانجلر في البر والمدينة

وهو ست ولا ثمان سلندر

وش فاتة وهل فية قير عادي

[escape_man]

الرانجلر سيارة رياضية شبابية ممتازة جداً وعيوبها قليلة اذا طاحت بيد واحد يسوق زي الأوادم

متعتها في قساوتها و وعورتها .. لكن الي بيستخدمها بشكل يومي اكيد بيزهق بسرعة ..

تنفع خميس وجمعة فقط

الرانجلر الي عندنا بالسعودية كلها 6 سلندر ولا بامريكا نزل 4 و 6

[Jeep 2005]

مايحتاج موتر .. واحد من العيال كان معه 2002
قير عادي .. مايرده شي .. وعليه مكينه قوية .. وتقدر تجربه عند الوكاله

وميزته عن الجيوب الثانية .. مثل الربع .. كفراته قراب من بعض .. يعني بصعوبه يعلق .. لو كنت على لحد ولا سيف !!

وادخل يوتيوب وتفرج على المقاطع ..

والله يكتب لك مافيه خير

[عريدان]

أنا قد أخذت واحد فل كامل من العربيه المتحده 2011 والمحرك V6 والآن عندهم عرض خطيررررررررر على 2010 الرانجلرالسبورت 88000أتوماتيك والعادي 81000 ميزته خفيف بالمدينه قوي بالطعوس والخط - دفرنسات مو مقصات ومحاورمتحركه تصميمه متجدد لا يقفد شخصيته تحس أنك في سياره مميزه مقارنة بألاسعار السائده لباقي السيارات اللي من 120000 مثل اللي بالصوره تحت وطالع وإلا من 400000 مثل الكايين وإلا الطوارق وإلا الأودي 7 والشله .....
المهم سياره لا يعلى عليها بنفس الفئه والسعر إذا بحدود الميه وفيها...

أنا عاجبني هالريمي بلونه وكحلته...


وقصر عالصوت لأقل درجه إذا بتشغل رابط الفديو..


http://images.dmotorworks.com/video/...1&w=583&h=425؟

[الحسام القاطع]

مشكورين

بس فية قفل دفرنس

وهل في الخالف مراتب ولا صندوق

[HAS5SAN]

إلى يمدحونه
أسألهم بكم شمعاته الامامية فقط ,, وخل باقي القطع
الموتر جيد لكن وكيلة سيء

[درب الصحراء]

إلى يمدحونه
أسألهم بكم شمعاته الامامية فقط ,, وخل باقي القطع
الموتر جيد لكن وكيلة سيء

طيب بكم شمعات اللاند او بعض الااكسسوارات التجارية الي تركب فيه

وبعدين الغلا وصل كل السيارات

ومن ناحية السيارة فيه عيب وحيد فيها انه ما نزلوا مكينة الهيمي v8

[عريدان]

أحوي الحسام نعم يوجد به قفل ( الديفلوك) ميكانيكي وقوي وجداً لدرجة انه يمنع إستخدامه على الاسفلت والطرق الصلبه أو الدوران بالسيارة للخلف والدبل مشبوك ... وهذه نقطه يجهلها كثير ممن يستخدمون تلك النوعيه من عربات الجييب وهو ما يؤدي في أسواء الاحوال لكسر القفل التفاضلي.. وبالتالي يعيبون على السياره نفسها مع العلم لو عملت نفس الحركه بأي جيب مجهز بديفلوك كهربائي وقفلت الهزاز وقمت بعمليت شبك الدبل على الاسقلت والالتفاف بالسياره للعوده لأنكسر أو تعطل القفل .. المراتب الخلفيه متوازيه وليست متقابله..

[شذور]

عيب الاربع ابواب مكينتها ضعيفه ... ٦ سلندر ٣.٨
وكيلها سيء ٫ اما غير كذه فالسياره عمليه وممتازه

[ايقاع المطر]

انا مريت عليهم في جدة وسعرهـ مبالغ فيه عند الوكيل
يمكن الامارات او الكويت يكون ارخص عندنا استغلال للعميل
والصدام الامامي مايحمي من الصدمات وسالت الموظف عن الصدام الحديد
قلي تشتريها اذا بغيت تجي امامي وخلفي اذا تبي حديد
تصدقووون مرة رخيص بــــ 9 الف ريال بس
مدري هي من بلدها حديد ويغيرونها هنا فالسعوديه
ياليت اذا في تفاصيل تفيدونا بها لان ودي بواحد جديد

[شذور]

السياره سعرها يعتبر رخيص مقارنة بالسيارات اللي بفئتها
الصدام .. الامامي يعتبر افضل من صدام الباترول او اللاند كروزر و الاف جي ..
الصدام الحديد الامامي يباع بسعر ٢٢٠٠ ريال والخلفي ٢٥٠٠ ريال بدون حامل الكفرات في الوكاله وتجدها في فرع طريق المدينه ،،
سعر السياره موحد في دول الخليج