يا جماعه ابيكم تساعدوني عندي مشكله في قير الهايلكس

[مشعل 2004]

يا جماعه انا معي هايلكس 2004 بانزين ...
شريتها قبل 8 شهور ومن شريتها صعب القمها ثالث....
لازم من ثاني لثالث استنى تقريبا 3 ثواني وبدين القمها لاني اذا لقمتها بسرعه تسمع صوت القير
وماشي عليها عادي رحت بها للرياض مرتين
انا من اهل الجوف وماشيه معي عادي
الا قبل امس وانا اتمشى بها الا سمعت صوت طقطقه با القير
اذا اعطيتها ثالث بس اسمع طقطقه
واول وثاني طقطقه خفيفه بس ثالث قويه كانه صوت تخبيط ماكينه
بس اسمعه با القير
ورابع وخامس ما في صوت........؟؟؟
با الله ابيكم تفيدوني اذا قدرتو ومشكورين جميعا ............

[مشعل 2004]

والله انا محافظ عليها لا تفحيط ولا سرعه ولا تطعيس حتى وعلى الطريق امشي بها اقل من 140 كم|س

[zayedx]

اخوووي .. عند ولد عمي كورولا وحصلت معاه هالمشكله مع القير الثاني .. لازم تحطه عـ الثاني قبل ماتصير السرعه عـ 20 .. اذا قبل الـ 20 مايطلع صوت .. اذا بعد الـ 20 صوت قوي .. قالو له الكلتش .. اتوقع

[مشعل 2004]

مشكور اخوي ع الرد


وين باقي الردود افيدوني الله يجزاكم خير

[مشعل 2004]

وعلى فكره اذا ظغطت الكلتش يرح الصوت اما اذا تركته يجي الصوت

[ذيب اللابه]

والله ما ادري عنك لكن معنا كامري وتطلع مثل الصوت ذا بالثالث ولازم تعشق للثالث بشويش
وقالولنا ديسكو الصحن لكنه ما يضرها

[ابونبيل]

يا اما الكلتش ولا يمكن القير يبي تغيير زيت..

الحق عليها دام القير شغال عشان ماتكبر المشكله

[هلي نجد]

اقوووول وانا اخوك الحق غير زيت القير شكل راعيها الاولي ماغيره من شراها

[مشعل 2004]

يعطيكم العافيه اخواني ما قصرتو

[مشعل 2004]

مشكور ابو نبيل طلع القير ما به زيت والتروس متكسرات وكلفني قير الهايلوكس 2004


2800 ريال وشغل اليد 200 ريال