الأسي دلكو ما أخذة معي أكثر من سنه
التعبيه أفضل ومالها مثيل بذات اللي تجي في سيارات تيوتوتا أو تباع في الوكاله عندهم
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
الأسي دلكو ما أخذة معي أكثر من سنه
التعبيه أفضل ومالها مثيل بذات اللي تجي في سيارات تيوتوتا أو تباع في الوكاله عندهم
كلام سليم حسب تجاربي بالبطاريات الالكترونيه ماتطول وقليل الي يكمل 9اشهور عليكم بالي يعبى والله ان عندي بطارية كوريه اسمه فولتكسVOLTEX كنت مركبه على باترول ديزل والان مركبه على فورد اكسدبيشن له الان اكثر من سنتين وشغاله مشاء الله لكن السر في بقائها طوال تلك المده هي اني اشتريتها ولا ركبته الا بعد عشره ايام لان البطاريه الي تعباء اسيد لابد ان تتركها كم يوم الى ان يبرد الاسيد لانه غلط تركبها على طول يصير الدنمو يشحنه كهرب وهي حاميه من الاسيد فيحرق الاقطاب النحاسيه ويجعلها ضعيفه .....
بالنسبه للي ذكر صاحب الموضع بطاريه اسي ديلكو من افشل البطاريات ولا تنفع ولا بريال لو تنسى لمبه السقف شغال ساعه تتلف البطاريه كذالك بطاريه هنكوك جربته ثمان شهور وخربت كذالك بطاريه فورد اخذته من موزع فورد اصليه ب320 ولا طولت كم شهر وخربت عليكم بالبطاريات العاديه الي تعبى رحت اليوم وخذت نفس البطاريه فولتكس لكن سعره ارتفع كانت ب150 قبل اكثر من سنتين الان 200لاني شعرت ان البطاريه بدت تضعف شوي
ماورى جوده اكثر من سنتين الان مخليه سبير بالحوش متى ماخلص عمره ركبت الجديده
على العموم الي يبي يركب هذه البطاريه يتأكد هل هي كوريه لاني تفاجئت انه يوجد نوعين سعودي وكوري السعودي لا تقربه اول كانت تجي كوريه فقط
..(( لا إله إلاّ الله ))..
سيارتي يوكن دينالي اشتريت بطاريه با قادر ما قعدت سنه
وش احسن بطاريه لسيارتي
السلام عليكم ورحمة الله وبركاته،
مريت على المشاركات بسرعة، الغريب إن فيه نوع- ومن تجربتي الخاصة هو أفضل أنواع البطاريات- ومع ذلك لم ألاحظ أن أحد أشار إليه. النوع تستخدمة شركة فورد في سياراتها. الماركه إسمها Motorcarft. هذي الماركة المعروفة لمعظم قطع غيار فورد. صحيح البطارية غالية في حدود 900 ريال ولكن ضمان الوكيل 3 سنوات وإستبدال. لو حسبتها تحصل إنها أفضل وأوفر من البطاريات والماركات المتعارف عليها واللي ضمانها سنة. أنا آخذها من توكيلات الجزيره وسيارتي فورد Ford-F150
وبمناسبة ضمان البطاريات أحب أنبه على بعض النقاط:
النقطة الأولى، إنك لما تشتري البطارية من اي محل الضمان يكون على الوكيل. يعني لو تبي تستفيد من الضمان لابد تعرف الوكيل وتروح له وعادة ما يكون في منطقة مزدحمة، عندنا في الرياض بيكون غالبا في الصناعية أو الغرابي وكلها تاخذ منك نهار كامل علشان تخلص أمورك.
النقطة الثانية، إن الماركات المعروفة عادة ما فيها إستبدال ولكن يرجع لك فارق السعر حسب نسبة االاستهلاك.
التقطة الثالثة: معظم البطاريات ضمانها سنة وغالبا ما تستمر سنة كاملة أو اقل من السنة بشهر، وبالتالي ما تسوى تروح تركض ورا الضمان علشان يرجعون لك 50 ريال.
آسف إذا طولت عليكم ولكن حبيت أشارك الأعضاء الأفاضل خبرتي المتواضعة
حاولت أرفق الصور لكن دائما تواجهني مشكلة في إدراج الصور في المنتدى
موضوع جميل ومميز
الملاحظ ان الموضوع المشترك بين المشاركات هي بطارة أي سي ديلكو
فيه أعضاء يمدحونها والاغلب يذمونها
وللعلم أي سي ديلكو كانت من افضل البطاريات كانت طبعا فعل ماضي
الان يعاد تصنيعها بمصانع بجده وانت وحضك تمشي معك 9 شهور او 15 شهر او 3 شهور
الان بطاريات أي سي ديلكو من اسواء أنواع البطاريات بالسعوديه
وسلامتكم
الذين يشاهدون الموضوع الآن: 1 (0 من الأعضاء و 1 زائر)