مطلوب مرورك هنا يا صقار

[نبهان الشمري]

السلام عليكم ورحمة الله وبركاته


مساكم / صبحكم الله بالخير


انا ابي اتعلم الصقاره


وياريت يا اخوان اللي عنده طير قيمته تحت 1000 ريال يعلمني


ووش تنصحوني فيه يا اخوان اتعلم عليه

c0zd@hotmail.com


الله يجزاكم خير


تحياتي وتقديري

[شرمان99]

انصحك ونا اخوك بشيهانة جبلية مقاسها 11,50 طول 12 عرض وسعرها رخيص حوالي 800 ريال تراها تخليك تعلم على الصقارة وقليلة الامراض وقرناسها سهل جدا تقرنسها عندك بالبيت مايضرها وزيدك من الشعر بيت تتحدى فيها بالمدعى مع الشباب بالحمام القوي من سرعتها وهددها تهد على اي شي يطير

[عـــــزام]

الله يرزقك بمطلوبك

[مفهوم]

حياك الله يانبهان اول شي الصقاره بشكل عام تقود لدروب المراجل وتوديك للرياجيلالي فيها خير شرواك اما بالنسبه لتعلوم على الصقاره مااعتقد صعبه لكن لطير محبه والي يحب الطير ومن حواليه صقاقير يتعلم بسرعه ويقولون الرياجيل من خاووى الرجال ايتعلم والله يوفقك

[ابو صقر 501]

انصحك ونا اخوك بشيهانة جبلية مقاسها 11,50 طول 12 عرض وسعرها رخيص حوالي 800 ريال تراها تخليك تعلم على الصقارة وقليلة الامراض وقرناسها سهل جدا تقرنسها عندك بالبيت مايضرها وزيدك من الشعر بيت تتحدى فيها بالمدعى مع الشباب بالحمام القوي من سرعتها وهددها تهد على اي شي يطير

انشهد انك كفوو

زي ما قال الرجال والله يوفقك

[نبهان الشمري]

الله يجزاكم خير يالربع

والله كلامك عين الصواب

بس ابي طير اتعلم عليه .. يتحملني .. وسعره حلو

بأنتظاركم يا ذيابه

[دعاس]

الله ينولك مبتغاك
بس الافظل انك تاخذ لك جبليه وتعلم الصقاره عليها
ولو تدفع2000ونصيحه لاتاخذ طير غالي وانت مستجد
واي خدمه راسلني على الخاص

[جراح3]

السلام عليكم ورحمة الله وبركاته
الله يوفقك وأخواني الأعضاء ماقصرو دلوك لطريق الصحيح

[منصور555]

الله يوفقك لاكن لاتاخذ شي غالي وانت مستجد زي ماقالو لك الشيهانه اطيب لك الله يوفقك .

[saqr34]

انا انصحك بالوكري لو تاخذ شبط وكارى مو مشكله لان الوكري هو الصقر الوحيد من ضمن الصقور يتوالف

على راعيه بأسرع وقت ويتحمل الكثير... مبدايا خذ وكري حتى تتعلم وبعد كذا توجه للشياهين والله يوفقك

[نبهان الشمري]

الله يوفقكم جميعا ..

والله ما قصرتوو

[نبهان الشمري]

للرفع اللي عنده طير يعلمني