رابطة ملاك &(هونداي توسان الدفع الرباعي)&

[خبير الملاحة]

السلام عليكم ....
في الحقيقة أنا اطلعت على بداية إنشاء الرابط، ولكن ما حبيت أشارك حتى اشوف ردود الأفعال، هل تشجع وإلا لا.. أنا أملك سيارة هونداي (توسان) أشتريتها وكالة من الوعلان بالمواصفات التالية:
الموديل : 2009م - اللون:أسود - الفرش الداخلي:بيج - عدد السلندرات:6 - قوة المكينة:2700 - عرض الجنط:16 - القيرأتوماتيك - عادي)،،،
السيارة لها ثلاث سنوات معي، ولله الحمد لم أجد منها أي مشاكل فنية أو ميكانيكية، وجربتها في البر والبحر.. هاهاهاها.. والشعب والرمل.. وسافرت عليها لجنوب المملكة (أبها الباحة ..وغيرها) ومكة المكرمة والمنطقة الشرقية ومدن أخرى داخل المملكة وغيرها... بالرغم من أنني ولله الحمد لم أشيك عليها في الوكالة ولا مرة.. ولكني أعتقد أن المحافظة على السيارة تأتي أساساً من مالك السيارة.. فأنا أحافظ عليها في تغيير الزيت بانتظام والفلاتر وزيت الجير والبواجي وغيرها... والحمد السيارة ممتازة جداً للعائلة الصغيرة تكييف رائع وتخدمك أفضل من سيارات السيدان خاصة لمن يحب الكشتات الخفيفة والسفر... ولكني تفاجأت بعدم وجود 6 سلندرات في الطراز الجديد 2011م لأني لا أنصح بشراء 4 سلندر لم يرغب في قوة المكينة والتحمل والسفر... هذا رأيي وشكراً للجميع

[القنـاص2008]

السلام عليكم ....
في الحقيقة أنا اطلعت على بداية إنشاء الرابط، ولكن ما حبيت أشارك حتى اشوف ردود الأفعال، هل تشجع وإلا لا.. أنا أملك سيارة هونداي (توسان) أشتريتها وكالة من الوعلان بالمواصفات التالية:
الموديل : 2009م - اللون:أسود - الفرش الداخلي:بيج - عدد السلندرات:6 - قوة المكينة:2700 - عرض الجنط:16 - القيرأتوماتيك - عادي)،،،
السيارة لها ثلاث سنوات معي، ولله الحمد لم أجد منها أي مشاكل فنية أو ميكانيكية، وجربتها في البر والبحر.. هاهاهاها.. والشعب والرمل.. وسافرت عليها لجنوب المملكة (أبها الباحة ..وغيرها) ومكة المكرمة والمنطقة الشرقية ومدن أخرى داخل المملكة وغيرها... بالرغم من أنني ولله الحمد لم أشيك عليها في الوكالة ولا مرة.. ولكني أعتقد أن المحافظة على السيارة تأتي أساساً من مالك السيارة.. فأنا أحافظ عليها في تغيير الزيت بانتظام والفلاتر وزيت الجير والبواجي وغيرها... والحمد السيارة ممتازة جداً للعائلة الصغيرة تكييف رائع وتخدمك أفضل من سيارات السيدان خاصة لمن يحب الكشتات الخفيفة والسفر... ولكني تفاجأت بعدم وجود 6 سلندرات في الطراز الجديد 2011م لأني لا أنصح بشراء 4 سلندر لم يرغب في قوة المكينة والتحمل والسفر... هذا رأيي وشكراً للجميع

حياك الله طال عمرك والله يبارك لك فيها ويعطيك خيرها ويكفيك شرها
انا سيارتي 2011 4سلندر قوية وجبارة وتمت تجربتها على بر غونان المشهور عنه برباضات الصعبة وسيارتي بيضت الوجه

تحياتي

[محامي وراط]

مساكم الله بالخير جميعا ،،

اللي عنده معلومات يشاركنا على الرابط

http://www.mekshat.com/vb/showthread.php?t=459430

[الشيخ900]

تكفون افيدوني ياهل الرابطه ودي اشريه بس الكاش ماش ابي ايجار تمليك كم بيكون وانا عندي دفعه حول ال17000 ابي ابو 6 سلندر فل كامل كم شهريته وكيف قطع غياره افيدوني بالتفصيل جزاكم الله خير كنت ابي ازيرا وشفت ذا الجيب واعجبني

[الشيخ900]

السلام عليكم ورحمة الله وبركاته

كما هو واضح بالعنوان مشورتكم تهمني والله احترت كثير قررت اشتري جيب دفع رباعي الي هو هونداي سنتافي وبنظري انه اقوى واكبر من التوسان حبيت اسئل عن قطع الغيار والافضل هل التوسان ام السنتافي لاهنتو تكفون نخيتكم

[Avalanche]

تم تقيم الموضوع و التثبيت

الله يوفق الجميع

[muhajer]

كم اسعار الجديد الله لايهينكم

[نزف الشعور]

السلام عليكم
ومبروكين عالرابطه اللي الله يبارك فيها
انا عندي توسان 2011 وعزمت اشتريه بعد ماجربت الشكل القديم مع صديق لي وبصراحه سياره جباره وانا باطرح مميزات وعيوب بحكم انها كملت سنه كامله معاي
طبعا انا اتكلم عن نص الفل 2.4 luck
السياره ماشالله تبارك الله مره قويه في الرمل وفي الجبال وانا اتكلم من واقع تجربه يعني طلعت فيها مناطق جبليه في منطقة عسير مرررره وعره والسياره ماشالله مشت وساعدها برضه ارتفاعها من الارض بالنسبه للرمال فانا جربتها في رمال شروره وبصراحه تبيض بالوجه
طبعا مريحه فالسفر بشكل مقبول جدا جدا
الى الان غيرت اقمشه اماميه وخلفيه وبواجي وزيت قير
القماشات الاماميه كلفتني 280 ريال
الخلفيه 230
البواجي 120
زيت القير 75
طبعا في الوكاله هالاسعار وفي طريقي سالت عن اسعار الهوبات لقيتها الاماميه بعد الخصم 650 ريال والخلفيه 450 ريال
يعني مقارنه بجميع السيارات اشوفها معقوله ومقبوله جدا جدا

طبعا السياره فيها سلبيه انا لاحظتها
وهي صغر التانكي يعني تفلل بنزين يوصلك 450 كلم طبعا اذا مافيه دعس جامد

العيوب اللي واجهتني فالسياره هي من اول ماشريته فيه صوت في الفرامل الاماميه ومازال معاي الصوت بالرقم اني وصلت مشي 98000 كلم وسالت عنه بالوكاله قالوا كل الجيوب الهوانداي فيها هالصوت


طبعا كنصيحه السياره مره ممتازه وانصح باقتنائها
ان شالله اني افدتكم بهالمعلومات واي سؤال انا حاظر

[Hussain09]

السلام عليكم شباب
بصراحه مشكورين ع الرابط الجيد.
نبدأ في مشكلتي

انا اشتريت توسان موديل 2012 2000 سي سي دفع رباعي 6 سرعات (القير فيه 6 تغييرات)
ولله الحمد تم التمرين لمسافة الف كيلو وغيرت زيت في الوكالة ولله الحمد

المشكله الي واجهتها هي اني السرعه لا تتجاوز ال 170
طبعا السياره لسا ماوصل ممشاها 2000 كيلو
تفاصيل مشكلة السرعه هي :
اذا كنت داعس على ريشة البنزين بهدوء والقير وصل ل النمره 6 ما توصل السرعه 150 ولووصلت ما توصل الا بعد مسافه لاتقل عن خمسه او 7 كيلو ولو شديت ع ريشة البنزين القير يرجع للنمره خمسة وتبدا السرعه في الزياده لكن بشكل بطييييييييئ جدا وتوصل السرعه للـ 170 وبعدها القير يريح ويغير للنمره 6 ولكن السرعه تبدأ تنزل بشكل تدريجي الى ان توصل الى 140 مع العلم اني داعس نفس دعسة ال 170 ويمكن اكثر شوي.
ملاحظه: جربتها في الحالتين بالقير العادي والاوتوماتك وكل الحالتين تعطي نفس النتيجه.



اتمنا الاقي عندكم حل للمشكله قبل لا اروح للوكاله لاني ابغا اروح لهم وانا عندي جواب ع كل كذبه راح يكذبوها علي.

وعندي سؤال بخصوص الدفع الرباعي:
مندوب الوكاله قالي ان السياره تكون ماشيه بالدفع الرباعي الى سرعة 60 وبعدها يفصل ويصير دفع امامي.
هل الكلام هذا صحصح واذا كان صحيح هل اقدر افصله وما استخدمه الا اذا احتجة عليه علما انه يجد زر في السياره على شكل اربع كفرات وبينهم علامة اكس X ايش وضع هالزر .

اعذروني كثرت عليكم
اتمنا الاقي عندكم الجواب الكافي .
تحياتي للجميع

[ديفون]

انا عندي 4 سلندر استاندر ما لاحظت هذه التغيرات

[ديفون]

ياجماعة الخير بالنسبة للالف كيلو هل يتم تغيير الزيت ام على 5000 الف كيلو

[ديفون]

وينكم يالاجواد صيانة 1000 نغير الزيت ام 5000

[ديفون]

للرفع والافادة

[مشتاق لها]

صباح الورد للجميع
انا عندي توسان 2012 السياره الي الان ممتازه جدا انا عندي القير عادي اسوي صيانه بالوكاله كل خمسة الاف كيلو ماشيه السياره 18000 كيلو جربتها بالثمامه كانت رائعه جدا مع ضبط ضغط الهواء في الاطارات على 20 لا يوجد عليها ملاحظات .
سعرها كان 66400 ريال كاش من الوعلان .

[عبدالله عذله]

سجل عندك توسان 2400 cc

2011 دبل