أكلات شاميه وتركيه في◄ البريه◄ وبأيدي◄نجديه◄أخت البنات

[أخت البنات]

حياكم الله

أخواني واخواتي اعضاء وزوار مكشات
موضوعي غريب شوي
وغرابته لأن الطبخات كانت
شاميه وتركيه في رحله بريه
وكان الـmenu
1_محشي كوسا..بطاطس..باذنجان..فلفل رومي بالوانه..وورق عنب
وإبتكار من عندي(محشي هدد)
2- تبوله
3- رز مجدرهـ
4- مشاوي تركيه
5- الحلا كان مهلبية رز بالحليب<< يعتبر من الحلويات التركيه
6- شاي بالميراميه
7- قهوهـ تركيه
طلبت من اخواتي والشغالات الإبتعاد..
وترك المهمه علي
لأنه موضوعي

المحشي وكنت جهزته من البيت قبل الخروج بساعه
والحشوه: رز مصري .. لحم مفروم.. بقدونس مفروم.. بصل مفروم بالخلاط.. زعتر بري.. نعناع ناشف.. فلفل اسود وكمون وملح..
أشكر بنت عمي الغاليه
أخذت منها مقادير الحشوهـ
(الفلفه الجمبو) اللي طالعه مع المقادير

سالفتها..أحكيها إن شاء الله بموضوعي القادم
في ( خيمة الرحلات السياحيه)

هنا مجهزهـ مع قدر المحشي التوابل اللي اضيفها اثناء الطبخ
ماء مغلي.. دبس رمان.. زيت زيتون .. ملح ..
ورشة نعناع ناشف

أضفت دبس الرمان

ورشة نعناع ناشف

واصب عليه زيت الزيتون

وتلاحظون اضفت عليه شرايح بصل
عشان يعطيه نكهه الذذ.. وجاهز للطبخ
وبسم الله
نحطه.. عـ الحطب

تابعوا .. تسلمون

[أخت البنات]

نتابع وياكم ومرحباً.. بكل من مر من هنا..

بعد ما تم اضافة الماء والتتبيله الخاصه با المحشي غطيته
بصحن مقاوم للحرارهـ حتى لاتفكك الحشوهـ عن الخضار أثناء الطبخ

ثم وضعنا غطا القدر الفخاري هيك
ونتركه ع نار الحطب وحسب قوة وكثرة الحطب
انا هنا اخذ معي تقريبا 45 دقيقه لحد ماأستوى منييييييييح <<< مو بس الاكلات شاميه حتى الحكي قلب شامي

هنا اثناء طبخ المحشي قطعت التبوله وكان شغل بر بالفعل تقطيع مستعجل
التبوله مقاديرها:
بقدونس .. بصل اخضر.. نعناع .. وطماطم.. وبرغل منقوع.. وعصير ليمون.. وزيت زيتون .. وملح

المقادير بصورهـ ثانيه

اضفت عصير الليمون

..وهنا أضفت زيت الزيتون


وهنا اضفت البرغل المنقوع لمدة ساعه وربع تقريباً

واضفت الملح

جهزت التبوله وزينتها بالطماطم وشرايح الليمون وغطيتها بالنايلون..

تابعوا الله يسعدكم

[أخت البنات]

نكملـ..
نشوف المحشي استوى او بعد؟

هنا بديت بالمجدرهـ
ومقاديرها: 3 كاسات رز (باب الهند)
كاس ونصف.. عدس أخضر .. وبصل مقلي مكرمل
وفلفل اسود وكمون وملح
الطريقه :
تشوفون هنا العدس الاخضر بعد غسله يطبخ
لمدة 20 دقيقه في ماء مغلي ويضاف الملح والفلفل الاسود والكمون
والبصل يقلى لدرجة التحمير
مثل بصل الصياديه يصيير لونه بني
بس للاسف نسيت اصور مرحلة وضع الرز مع العدس
واضافة البصل بعد التحمير عليهم ويترك ع الحطب يستوى..

صورهـ أقرب

هذي اللحوم جاهزهـ للشوي

وكانت على الطريقه التركيه

شيش كباب << تعني باللغه التركيه السيخ المقلي او المفحم اي ع الفحم وكان اللحم مفروم عجل
وشيش طاووق << تعني بالتركي سيخ الدجاج
وأوصال << لحم نعيمي
تبلته بالليل.. وكان للحم المفروم (شيش كباب) بصل مفروم وبقدونس وفلفل أسود وملح
والأوصال فقط فلفل اسود وملح
وشيش طاووق تتبيلته
2 ملعقة لبن زبادي .. و2 ملعقة مايونيز.. وثوم مفروم
وزيت زيتون وعصير ليمون.. وملح وفلفل أسود..

هنا مجهزهـ تتبيله اثناء الشوي
صوص خاص للشوي ويضاف له زيت الذرهـ
ونشك مع اللحوم بصل وفلفل رومي..

بديت بشوي اللحوم

وبالفرشه الخاصه
ندهن اللحوم بالتتبيله حتى لاتجف اللحمه
وتحتفظ بعصارتها..

وتصوير من زوايه ثانيه.. الريحه ماشاء الله
يمي يمي


الشيش طاووق

وكمان هنا..

تابعوا عساكم ع القوهـ

[أخت البنات]

حياكم الله
قبل ماروح اتغشا أقصد ناكل الغدا العشا
بدات في الحلا.. اللي هو مهلبية رز بالحليب..
المقادير:
لتر حليب طازج
وكاس رز مصري مسلوق
وكاس سكر
وحبات مستكه
بالأول
وضعت الرز المصري واللي سلقته بالبيت عشان إختصار للوقت
ع الحليب والسكر في القدر الحجري
وتركته ع الجمر ياخذ وقته

وهنا تصوير اقرب لحبات المستكه اللي تعطي طعم مميز للحلا

وهذي سفرتنا

المشاوي والمحشي ومبين الطحينه اللي برضو سويتها بالبيت

اعتذر التصوير مو لكامل السفرهـ
لأن اهلي قعدوا يبون ياكلون وجيت اصور وبغوا
اقصد يزعلون مني

وهنا صحن رز المجدرهـ

وصحني غرفت لنفسي وطلعت اشوف حلاي لايحترق

صورهـ أقرب للمحشي وكان طعمه ع الحطب شي ثاني
جربوهـ وراح تدعون لي

هنا وانا..
انتبه لحلاي وصحني وياي وتلاحظون محشي الهدد

حلا مهلبية الرز بالحليب وهو خلاص قرب يستوي


تابعوا .. الله يعافيكم

[أخت البنات]

بااااك
ــــــــــ
وهنا تصوير لقدر الحلا ع الجمر بالفلاش

وتصوير بدون فلاش

وهنا بديت بعمل شاي بالميراميه
و..أصب فنجان قهوهـ (للوالدهـ)
الله لايحرمني منها.. يارب

صوره أقرب لإ بريق الشاي

وهنا أضفت الميراميه
واخترتها لأن الشاي المفضل لأهل الشام هو شاي بالميراميه

لقطه لمخيمنا

وهنا بديت بعمل القهوهـ التركيه
وكل شي جايز بالبريه حتى القهوهـ التركيه
و بالركوهـ الخاصه بعمل القهوهـ
نضيف السكر حسب الرغبه

ثم نضيف البن ولكل فنجان قهوهـ ملعقه

ثم نضيف الماء العادي بدون تسخين

وعلى.. الجمررررررررررررر
ولازم نحافظ على وجه القهوه يعني مانترك البن يقلب ابد
مثل المهيله

تابعوا الله يبارك فيكم

[أخت البنات]

مساكم وصبحكم الله بالخير
ـــــــــــــــــــــــ
هنا الحلا جهز وغرفته بالصحون الخاصه وزينته بمجروش جوز الهند والزبيب

صورهـ بدون.. فلاش

هنا صورهـ أقرب لصحن الحلا وهو (هديه) لبنت عمي اللي تحبه

وهنا القهوهـ التركيه جاهزهـ

وهنا جلستنا بعد العشا مدري الغدا انا سميته غشا

وتصوير ثاني

مافيه شي ينعش الراس مثل القهوهـ التركيه << لاخلا ولاعدم..

تصوير من( قوقل إيرث) لجلسة الكيف بعد الغشا

وبس خلاث
أنتهى التقرير وسامحوني ع التقصير لانه طويل ماشاء الله فضاعت الكلمات
ونشوفكم إن شاء الله
بتقارير بريه وبحريه قادمه
و

إن شاء الله ... في آمان الله..

[بروفيسور بدوي]

أخت البنات

صــــراحه إنفتحت الشهيـــه للآخــر على هالأكلات الروعه

تسلم أياديكـ أختي الكريمه على هالطبخ الرائع

والموضوع المميــز والشرح الوافي

كــــل الشكر والتقديــر لـــكـ

والله يعطيــكـ الصحه

أخـــــــــــــوكـ

بروفيسور

[جبال العارض]

مشالله تبارك الله شغل يفتح النفس

[سم وعسل]

جاعت عيوني

ما شاء الله .. شغل مرتب

[بوخليفه77]

وعليكم السلام ورحمة الله وبركاته

ماشاء الله
تشكيله طيبه وماقصرتي
عليكم بالعافيه
تحياتي

[ألأطلسي]

ماشاء الله اولا
كفو والله والله قد المهمه واقدود يوم صرفتي اللي معك
هذا مو موضوع هذا كتاب طبخ بري لحاله منه انتعلم
تسلمين وكفيتي ووفيتي ترتيب ونظافه والتصوير غير عاد
وما اقدر ازيد بالتعليق اكثر
الف شكر على الموضوع المميز

[وبر الديره]

مبدعه مبدعه كالعاده ، الله يجعله بالعافيه ..........

[شمالات نجد]

الله يعطيك العافية

وشكراً على المجهود الرائع والممتع

سلام

[شاهي العلمين]

بارك الله فيك

[ماكس سالم]

شغل متعوب علية
بالهناء والعافية