وش افضل يوكن ولا تاهو ؟ مع ذكر الأسباب التفضيلية ( طبعا دفع رباعي ) ؟؟؟؟

[مكشاتي 2011]

وش افضل يوكن ولا تاهو ؟ 2011 مع ذكر الأسباب التفضيلية ( طبعا دفع رباعي ) ؟؟؟؟

1- اقتصاديه بالوقود

2-عمرها طويل

3- قطع قيارها متوفره

4- السعر

6-اريح

7- ثابت علي الطريق

8ــ قليله الخرابات

9ــ قوة العزم

10ــ فيه فرق بينهن بالدبل

11ــ هل زينه بالسفر

لان السياره بتكون للعائله

أبي ارائكم شباب

[قائد السريه]

مافيه اي فرق ميكانيكي بين التاهو واليوكن

التاهو مايفرق عن اليوكن الا اكسسوارات اصطبات اماميه وخلفيه

التاهو ارخص من اليوكن

[mamsdt]

تقريبا ما بينهم فرق الا اكسسوارات
لكن التاهو فيه تحكم بالمكيف الخلفي للركاب اللي ورا
واليوكن فيه ازرار حقات معلومات السياره
هذا الفرق اللي اعرفه

[((ابوملاك))]

السيارة بشكل عام مابينها وبينها فرق بس اكسسوارات

ويزيدون سعر السيارة الجمس لان بعضهم ينغر بسمعت جمس ويشري مثل اللوح

كلها نفس الشئ بس فرق اكسسوارات

[عبدالرحمن1980]

ما ازود على كلام الاخوان فوق فرق في الاكسسوارات فقط حتى الوالد الله يحفظه سائل السوداني حق المعرض يقول مافيه فرق بس اكسسوارات زياده فقط وانا ارشح التاهو لانه احسن شكل

[سلكي نت]

نفس بعض
يوكون=تاهو
إلا بالكماليات مثلا الشمعات في اليوكن واحدة وفي التاهو 2 وهذا افضل لانتشار الضوء ... وهكذا

[نجم الليل1]

اليوكن والتاهو عيال عم و قطع الغيار واحدة ماعدا الوجهية والانوار
1- المكينة موحدة ما عدا الدينالي
2- الامريكي عموما مو حق كرف لانه يبي من يداري عليه ولا يوكله المطب والبطناج (تبي حق الكرف خذ جيب تويوتا
من 2006 وتحت واكرف على كيفك ) وكل سيارة ولها عيوب
3- القطع على قفا من يشيل
4- شف السعر انت واختر اللي يناسبك (اليوكن اغلى والتاهو منتشر )
6- الراحة واحدة
7- السيارة كبيرة الحجم ومرتفعة عن الارض طبيعي لاتسرع (ماهي كامري ) ولاتاخذ لفة على سرعة (هد ياخوي ترى معك ناس مو لحالك)
8- الخرابات الجديد عليه ضمان بس اليوم قالي فلبيني مكانيكي بمركز مشهور ان 2007 وفوق خراب كثير
9- العزم اسألني وحلاته عند التجاوز وانت رح للمعرض وجرب موديل اقل واحكم
10- الدبل واحد الا الدينالي معقد شوي
11- السيارة كبيره تشيل العائلة والعفش بس كل سيارة ولها وزن معين تتحملة فلا تحملها مالا تطيق ويبدا الخراب
القراريعود لك انت اللي تبي تستخدم وكم المدة يبقى عندك واحسب

[AMAZ]

1- اقتصاديه بالوقود/ المكينه وحدة


2-عمرها طويل/ الاعمار بيد الله


3- قطع قيارها متوفره/ قطع غيارهم وحدة


4- السعر/ الجي ام سي سعره اغلى بحكم العلامة فقط

6-اريح/مثل بعض


7- ثابت علي الطريق/مثل بعض


8ــ قليله الخرابات/مثل بعض


9ــ قوة العزم/ كلهم مثل بعض ونفس المكينة ماعدا الدينالي مكينه كبيره 6000


10ــ فيه فرق بينهن بالدبل/مثل بعض


11ــ هل زينه بالسفر/مثل بعض

[معقب بالرياض]

ماقصرو الاخوان ... الله يكتب لك التوفيق

[كموص]

الأثنين عندهم صلة قرابة !!!
أذا أرت السفر خدلك شفر !!!
ولكن أيش رأيك في الفورد ؟؟؟ حصل على جميع جوائز الجودة والمتانة والأمان في أمريكا على مثائله !!! الفورد عموما حمال أسية .
أسئل وشاور المجربين وشوف الأحسن واشتري ما يطيب لك , وللي ترتاحله روحله , وبتوفيق الله .

[سامر عبدالله]

اخوان من الاب جنرال موتورز

بس اختلاف الامهات

اليوكن امه امريكا

والتاهو امه كندا يعني مكان المصنع

والنهاية كندا هي امريكا

ومافيه فرق من موديل 2009 الى 2011 نفس المواصفات والشكل حتى الجنوط وحدة

اتكلم لانني امتلك يوكن 2009 وجربت وبحثت في التاهو

شف اللي يناسبك

[قائد السريه]

1- اقتصاديه بالوقود/ المكينه وحدة


2-عمرها طويل/ الاعمار بيد الله


3- قطع قيارها متوفره/ قطع غيارهم وحدة


4- السعر/ الجي ام سي سعره اغلى بحكم العلامة فقط

6-اريح/مثل بعض


7- ثابت علي الطريق/مثل بعض


8ــ قليله الخرابات/مثل بعض


9ــ قوة العزم/ كلهم مثل بعض ونفس المكينة ماعدا الدينالي مكينه كبيره 6000


10ــ فيه فرق بينهن بالدبل/مثل بعض


11ــ هل زينه بالسفر/مثل بعض

مكينة الدينالي 6200

من 2006 وتحت كانت 6000

[((ابوملاك))]

الأثنين عندهم صلة قرابة !!!
أذا أرت السفر خدلك شفر !!!
ولكن أيش رأيك في الفورد ؟؟؟ حصل على جميع جوائز الجودة والمتانة والأمان في أمريكا على مثائله !!! الفورد عموما حمال أسية .
أسئل وشاور المجربين وشوف الأحسن واشتري ما يطيب لك , وللي ترتاحله روحله , وبتوفيق الله .

انا معاه

انصحك تفكر جديا بالفورد

اذا انك راعي كرف

بلا تويوتا بلا خرطي

[قائد السريه]

^^^

وش دخل تويوتا بالموضوع؟؟؟

[ابوديما]

الكل دلى بدلوه وأنا أدلي بدلوي
سيارتي تاهو
لافرق بينهما الا أن التاهو شبابيه حسب الاكسسوارات الخارجيه واليون أكثر اللي يسوقونها شياب
وترجع كل هذه الأمور الى ثقافة المجتمع والاقبال على اليوكن لذا تجد أسعاره أعلى لذلك حط الفرق في جيبك الا إذا كانت السياره ماتطول عندك تحب التغيير فخذ يوكن هو أرغب عند البيع حسب علمي والله أعلم