وش افضل يوكن ولا تاهو ؟ مع ذكر الأسباب التفضيلية ( طبعا دفع رباعي ) ؟؟؟؟

[.أبوعبدالرحمن]

ما فيه فرق بين الجمس ( اليوكن + اليوكن اكس ال ) والشفر ( التاهو + السوبربان )

فقط التغير في الاكسسوارات وأشوف إن اكسسوارات الشفر أفضل بكثير وأرخص في قيمته

وأتمنى إنك تدخل الفورد الاكسبدشن من ضمن الخيارات ومن وجهت نظري إنه أفضل من الاثنين

والله يوفقك

[أبلج]

وجهان لعملة واحدة

[مكشاتي 2011]

مشكورين مهي غريبه

[Tamimi.fars]

اليوكن مب اغلى من التاهو لكن اليوكن مافيه سياحي زي التاهو عشان كذا غالي

[Tamimi.fars]

التاهو شريناه سياحي بدبل ١٢٧ الف اما اليوكن الي بدون دبل ب١٣٩ الف عشانه نص فل LT مافيه سياحي

التاهو افضل من ناحية السعر

[Tamimi.fars]

والدليل على كلامي ان الدوريات والهيئة الجديدة ياخذون تاهو عشان فيه سياحي ارخص لهم من اليوكن نص فل

[أبو رهف 305]

اخوي ، يقولون اسأل مجرب ولا تسأل طبيب ..

أنا جربت التاهو واليوكون ، وكلهم نفس الموديل

التاهو : خفيف ، مع الخط بس ضعيف جدأ ، مكينته خرطي وانا اخوك ، لا يستحق منك الخسارة فيه .
واليوكون : ثقيل شوي في قومته ، بس اذا مسك خط يصير مثل التاهو ، ومكينته قوية ، وفيه فرق بين
المكاين ، واللي يقول ما فيه فرق ، يروح ويسأل قطع الغيار ، عن توضيب مكينه ، بس يقول عندي صالون
والدليل بيقوله البائع تاهو او يوكون <<

هذا مجرد رأي ، وانا انصحك أخوي باليوكون .. لأنه أقوى ، وأكبر دليل السوق ، وسعرها .

[((ابوملاك))]

^^^

ابدا مافيه فرق ودليلك مهو دليل

المكاين نفس الشئ

[AxR979]

اخوي ، يقولون اسأل مجرب ولا تسأل طبيب ..

أنا جربت التاهو واليوكون ، وكلهم نفس الموديل

التاهو : خفيف ، مع الخط بس ضعيف جدأ ، مكينته خرطي وانا اخوك ، لا يستحق منك الخسارة فيه .
واليوكون : ثقيل شوي في قومته ، بس اذا مسك خط يصير مثل التاهو ، ومكينته قوية ، وفيه فرق بين
المكاين ، واللي يقول ما فيه فرق ، يروح ويسأل قطع الغيار ، عن توضيب مكينه ، بس يقول عندي صالون
والدليل بيقوله البائع تاهو او يوكون <<

هذا مجرد رأي ، وانا انصحك أخوي باليوكون .. لأنه أقوى ، وأكبر دليل السوق ، وسعرها .

اذا تقول ان اليوكون أقوى فان كلهم نفس المكينة بالضبط 5.3 للـ 1500 و 6.0 للـ 2500 ..

و اذا على الوزن فان اليوكون اثقل بـ 5 كيلو فقط ..

و القير و الدفرنس نفس بعض ..

المعلومات هذه كله من المواقع الرسمية للسيارتين ..

[أبوهادي]

تذكروا ياشباب قوله تعالى ( ما يلفظ من قول إلا لديه رقيب عتيد )

ولا يقوم الواحد ويهرف بما لا يعرف

يجب علينا جميعا أن نتثبت قبل نقل أو قول أي معلومة

وجزاكم الله خير

[* ابو باسل *]

اخوان من الاب جنرال موتورز

بس اختلاف الامهات

اليوكن امه امريكا

والتاهو امه كندا يعني مكان المصنع

والنهاية كندا هي امريكا

ومافيه فرق من موديل 2009 الى 2011 نفس المواصفات والشكل حتى الجنوط وحدة

اتكلم لانني امتلك يوكن 2009 وجربت وبحثت في التاهو

شف اللي يناسبك

اخي المصنع واحد وكلها تطلع من مصنع واحد .
بالنسبه للفرق نعم فيه اختلاف في 2010 وانت طالع اختلف القير صار ست تغييرات وعادي تماتيك وتم زيادة المكينه بفارق احصنه بسيطه وايضا في اختلاف في بعض الاكسسوارات الخارجيه للبدي مثل ازياق الابواب .

[بروق ساق]

أفادوك الشباب .... وأنا أصوت للتاهو الصراحه شكله أحلى ..وجهة نظر

[راعي البحري]

من خلال خبرة
هي مسألة مزاج مافيه فرق في المضمون الفرق في الشكل فقط
يفرق عنهم اليوكون الدينالي
ولا يهمك من يذمه
أنا مجرب وأنا بالعلم حساسي
وتفضل هذا المصنع من الداخل
http://mediasuite.multicastmedia.com...45n&aid=692486

[abo-ahmad6655]

وأنا كمان محتار بين هالموترين!!!!!!
تاهو شبابي ووجهيه روعة وسعر ممتاز
يوكن شيابي وداخلي مكيف لمس وسعر مرتفع

[ابومناحي]

ياخوك كلها من قصبه وحده مثل لبن المراعي والصافي