وش افضل يوكن ولا تاهو ؟ مع ذكر الأسباب التفضيلية ( طبعا دفع رباعي ) ؟؟؟؟

[مكشاتي 2011]

يعطيكم العافيه

[مكشاتي 2011]

يعطيكم العافيه

[سلطان_الهديبي]

الفرق في الاكسسوارات فقط واشياء إضافية بعلمك فيها الآن، أنا والحمد لله شريت يوكون SLE الله يعطينا خيره ويكفينا شره

بالنسبة لليوكن سعره حالياً من 145 إلى 151 حسب الوكالة وشطارتك معهم مع إن اغلب الوكالات تبيع هالأيام بـ 149 ألف... عموماًـ اللي يقول لك 145 إعرف إن السيارة لها واقفه عندهم فوق الـ 200 يوم لأن سعر البطاقة الجمركية في الدفعات السابقة أقل من سعرها في البطاقات الجديدة.... المواتر اللي لها شهر وأقل من دخلت السعودية سعرها ما بين 149 إلى 151 ألف كاش وهذا الكلام لليوكن...

بالنسبة للتاهو فهو منقطع وما هو متوفر ويبغالك تنتظر ما بين 3 - 5 أسابيع لين تجي الدفعة الجديدة منه وسعره أقل من اليوكون بحوالي 8 - 10 آلاف ريال

الفرق بين الاثنين من الخارج الوجه والاسطبات

اليوكن يفرق بالتالي: المرايا تنسفط توماتيكياً بعكس التاهو يدوياً وهذي مشكلة صراحة لأن الموتر عريض وأحياناً تحتاج تسفط المرايا خصوصاً في المواقف الضيقة

اليوكن مكيفة توماتيكي ويشتغل مع السيارة من الريموت،،، التاهو مكيفه يدوي وما يشتغل مع السيارة من الريموت

اليوكن يجي بتسع ألوان بينما التاهو يجي بـ 6 ألوان

التاهو شبابي بحت واليوكن شبابي وعائلي

وبالتوفيق إن شاء الله تعالى

[كارماستر]

وش افضل يوكن ولا تاهو ؟ 2011 مع ذكر الأسباب التفضيلية ( طبعا دفع رباعي ) ؟؟؟؟

1- اقتصاديه بالوقود

وش افضل يوكن ولا تاهو ؟ 2011 مع ذكر الأسباب التفضيلية ( طبعا دفع رباعي ) ؟؟؟؟

1- اقتصاديه بالوقود


2-عمرها طويل


3- قطع قيارها متوفره


4- السعر

6-اريح


7- ثابت علي الطريق


8ــ قليله الخرابات


9ــ قوة العزم


10ــ فيه فرق بينهن بالدبل


11ــ هل زينه بالسفر



لان السياره بتكون للعائله

2-عمرها طويل


3- قطع قيارها متوفره

وش افضل يوكن ولا تاهو ؟ 2011 مع ذكر الأسباب التفضيلية ( طبعا دفع رباعي ) ؟؟؟؟

1- اقتصاديه بالوقود


2-عمرها طويل


3- قطع قيارها متوفره


4- السعر

6-اريح


7- ثابت علي الطريق


8ــ قليله الخرابات


9ــ قوة العزم


10ــ فيه فرق بينهن بالدبل


11ــ هل زينه بالسفر



لان السياره بتكون للعائله


6-اريح


7- ثابت علي الطريق


8ــ قليله الخرابات


9ــ قوة العزم


10ــ فيه فرق بينهن بالدبل


11ــ هل زينه بالسفر



لان السياره بتكون للعائله

[سعد النفيعي]

كلها زي بعض اليوكن يقوله ابو دمعه والتاهو يقوله المكحل
ولا المحركات والدفرنس والجيربوكس نظام التعليق والتوجيه والكمبيوتر كلها زي بعض

[ww99999ww]

فيه مهندس يقولي بالجميح (مع اني ما استخدمت اي نوع منهم ) ان اليوكن يفرق عن التاهو بعدد تغييرات القير لصالح اليوكن طبعا

والذمة على الراوي

[آخر العنقود]

هلا اخوي انصحك تاخذ الفل اللي جنطه 20 والله بترتاح معه بالخط وبالرساوه اشهد بالله انه موتر وكلهن سوا ما يختلف فيهن شي الا الوجهيه وخلفية الموتر وفيه فئات الفل بالتاهو LTZ وجنطه 20 ويجي هدروليك وفتحه ومكينته 5300cc ويجي سياحي LT بدون هدروليك وبدون فتحه وجنط 18 واليوكن يجي فل SLE نفس مميزات الفل بالتاهو بس يفرق شكل الجنط والشمعات وخلفية الموتر ويجي SL ويعتبر سياحي بدون فتحه وجنط 18 والمكاين نفس بعض ما تختلف والقير والدفرنس مثل بعض والموديلات الجديده صار القير 6 نمر وما هضمت سالفة 6 نمر على موتر وزنه 3 طن يعني يعتبر ثقل وما تنفع والدينالي تجي مكينته 6200cc وبالله التوفيق ....

[abu-FHD]

فيه مهندس يقولي بالجميح (مع اني ما استخدمت اي نوع منهم ) ان اليوكن يفرق عن التاهو بعدد تغييرات القير لصالح اليوكن طبعا

والذمة على الراوي

اليوكن والتاهو من 2009 وفوق كلهم ست غيارات _ 08و07 كانوا 4 غيارات

عدا الدينالي من 2007 وهو 6 غيارات
________________________

[مكشاتي 2011]

جزاكم الله خير

ولاهي غريبه على رجال مكشات

[متمكشت]

حيرتوناااااا

[أبوعبدالملك الجهني]

Z71

شفروليت

[- النشمي -]

Z71

شفروليت

التاهو Z71 هذا جيب الله يحفظك

التعليق فيه قاسي لانه جيب ويفرق عن التاهو واليوكن العادي

وهو مخصص للاماكن الوعره جدا والموتر فيه تصفيح كامل من الاسفل


تحياتي

[التمسساح]

شوف انا ماراح اتكلم كلام على قولتهم سمعت او قالوا لي من ناحية المواصفات ان التاهو مايجي فل او مكيف لمس ومكيفه مايشتغل بالريموت انا عندي تاهو 2007 ماشاء الله طبعا استخدام امريكي اخذته بطاقه جمركيه قبل اقل من شهر مواصفاته مكيف لمس-تشغيل بالريموت وعندالتشغيل بالريموت اذا كان الجو بارد يشتغل الصخان تلقائي مع سخان المقاعد واذا كان الجو حار يشتغل المكيف تلقائي واذا السياره حميت وهي واقفه تتطفى لوحدها-الشنطه تفتح وتغلق كهربائيه من الريموت و من باب الشنطه لها زر وكمان من عندازرار الفتحه لها زر- طبعا فتحة سقف-مقاعد جلد-سخان للمقاعد الاماميه-المقاعد الاماميه كهربائه مع ذاكره لمقعد السائق-مقاعد الصف الثاني كهربائيه-جنوط 20-المرايات تطوى للداخل بالكهرباء-حساسات خلفيه-شاشة ديفيدي من الشركه تحط السي دي في المسجل تشتغل الشاشه-معاه سماعات بلوتوث تتصل مع الشاشه-وطبعا فيه الشاشه الي في الطبلون توريك كم صلاحية الزيت المتبقيه وكم يمشيك البنزين الي فيه -فيه حساسات للكفرات وممكن في شي نسيتة المهم لاحد يقول كلامي مبالغ فيه او نزل صور انا والله ماعرف انزل صور الي مو مصدق يعطيني رقمه وبرسله الصور وسائط

[راعي المجهم]

التاهو أثقل من الجمس بفارق 100 كيلو تقريباً !!!!

وعند البحث عن السبب من مواقع أمريكية وجد أن الشاص الحديد الأسود

إلي يركب عليه البودي من أول السيارة لاخرها أعرض وأقوى كثافة حديده

من شاص الجمس لذلك الأمريكان يستخدمون التاهو الشفر

أكثر من الجمس

هذا بالنسبة للأستخدام الأمريكي أم الخليجي لا أعلم