موجز الأمطار من السبت 7 / 4 إلى الجمعة 13 / 4 / 1432 هـ

[عاشق الحيسية]

مطر طيب على العيينة (شمال غرب الرياض) من حوالي ثلث ساعة

والآن خف 8:25 ص

[وادي الريمة]

قبل قليل مطر خفيف حبات كبار على شقراء من طرف سحابه رعديه
وسحابه اخرى قبل اثيثيه جنوب شقراء فيها مطر قوي مع برد صغير

[عاشق الحيسية]

الحمد لله جانا سيل طيب في العيينة وشعيب الحيسية

أمس العصر والبارح

وسد الحيسيه جا فيه خير والمعبر والعبارات مفتوحه
وكان منظره جميل واالبرد فوق الماء

[ولهان للمطر]

قبل نص ساعه سماع صوت الرعد مع رش خفيف
والان الاجواء مظلمه وسماع صوت الرعد
الله يجيب الخير لجميع الديار

[دوادماوي]

اليوم السبت 7 / 4 / 1432 هـ الساعة 7 صباحًا ..

اتصال من صديق : ( بردية من صفاقة الى قبيعة على طريق ماسل جنوب الدوادمي حوالي 30 كلم مع أمطار متوسطة ) ..

واتصلت عليه الان يقول أنا في فيضة المفص ( جنوب الدوادمي 60 كلم ) يقول ترشرش علي .. والشغايا كلها تمشي .. والسحاب الزين عنه جنوب ..

[رآآعي دخنهـ]

سسسسسسسسسسسلآم عليكم ورحمه آلله وبركآته

صصصصصصصصصبآح آلخير

آلسآعه 6 آالصبح

جآنآ مطر منن خفيف آلى متوسط ,,

[دوادماوي]

قبل قليل الساعة 9 صباحا جتنا بردية خفيفة مع أمطار خفيفة من سحابة محدود على شرق مدينة الدوادمي ..

[أبومؤيد1]

الآن بداية أمطار على الزلفي الساعة 9:08ص السبت 7/4/1432هـ السماء ملبدة بالغيوم

[مطر بدون عج]

الساعه 8 وربع طريق الملك فهد مقابل سيفوي التميمي شبوب ثم برد كبر المصاقيل

[مطر بدون عج]

الساعه التاسعه صباحا على مزرعة الملك فهد بالعادرية بالرياض مطر شديد

[هوازن2005]

السلام عليكم
اليوم الساعه السابعة الا ربع صباحاً جتنا بردية بردها كباار في القرارة

[المغترب 2006]

السلام عليكم ورحمة الله وبركاته

اليوم السبت 7/4/1432هـ
( موجز من القصيم للرياض )
نبارك للاهل الاراضي الممطوره والله يطرح فيه البركة ومتبوع غير مقطوع..

بعد صلاة الفجر اخذت قهيوتي ومسكت الخط السريع للرياض وأبشركم الغاط جايه رشاش طيب ومن المجمعه وانت متجه للرياض كل الأرض ممطوره ويختلف من متوسط لخفيف وظربت علي بالخط كم سحابة طيبة ويوم اقبلت على معبر الجمال الي قبل نقطة تفتيش صلبوخ وهذا الشعيب يمشي ماعرف اسمه كله شجر عشر مشين طيب فارشن مجراه وصورته بجوالي لكن العذر والسموحه انا بالدوام والجهاز مكتبي مافيه بلتوث ويوم تعديت النقطه وهذا الشعيب الي قبل مدينة الامير سلطان للخدمات الانسانية (مخرج بنبان) يمشي بعد الله يطرح به البركه ويتبع له.

ياليت احد يفيدنا بأسماهن لاني دورتهن بقارمن الجوال ولالقيتهن..!

[kfoOo]

محافظة النعيرية .. بشمال شرق المملكة

أمطار غزيرهـ من الساعه الـ 1 فجراً حتى الآن .. لم ينفصل بفضل من الله .. أي حوالي 8 ساعات ينهمر علينا
والبروق والرعود متصله .. والوضع الآن كأنه قبيل المغرب .. شبه مظلم
للعلم أن خلال الـ 6 ليال الماضيه كانت النعيريه تحت ديمه والمطر الخفيف يومياً .. ولا يزال بفضل من الله ورحمته

المطر غزير حتى ساعة كتابة هذهـ الحروف

[(محمد العبري)]

السلام عليكم
نبارك للجميع أمطار الخير والرحمة التي هطلت خلال اليومين الماضيين
ونسئل الله ان ييارك لنا بها

وردتني رساله من صديق في مخيم بالقرب من مفرق رماح 40كيلو تقريباً شرق الرياض
الأن الساعة 9:10 أمطار غزيرة مع برد صغير

وتحياتي للجميع

[عاشق نجد]

الشعيب اللي عند مدينة الامير سلطان الانسانية هذا شعيب بنبان . طبعاً هذا سايل من امس وانا كنت عنده قبل المغرب وهو اللي يمر على نهاية شبك الكلية الحربية من الشمال ، وكنت اشوف السيل مقبل قبل الخط وانا فوق العبارات ، لكن ما بغيت اطول وانتظره لان المغرب قرب .

وابو عشر اعتقد انه شعيب صلبوخ اذا ماني غلطان ، لكن هو يجيك قبل توصل صلبوخ .