ماهي افضل شطه تذوقتها في حياتك !!

[بن حاضر]

والله الشطه انواع ..
كريستال حلوه وطعمها احلى ..
تباسكو / وام ديك ..
بس فيه شطة ذقتها في اندونيسيا بس ماهي مثل طعم سومطرا احلى من سومطرا بكثيييير ..
بس ماتصلح مع الرز لانها ثقيلة شوي حتى سومطرا معليش ما تصلح مع الرز ..
لكن تصلح تدهنها في ساندونتش مع ستيك تغمس فيها نقت او اجنحة الدجاج او البروستد او تتبل بها مشوي او همبرجر او لحم مشوي ..
وبصراحه ما ادري وش اسمها لكن عندي وحده كمان شريتها من اندونيسيا المره الاخيره تجي في قزاز نفس علبة غرشة الكاتشب طعمها كلاااااام والله وحاره بعد والشطه احتمال تلاقونها في البقالات الاندونيسية ..

[أخت البنات]

أفضل شطة وخاصة حرارتها هي

شطة أمازون ولاتوجد في الرياض إلا نادرا

وجدتها فقط في الدمام

اخوي ابو ياسر
صح كلامك شطة امازون نوعين وحااااااااااااااارهـ مررررهـ
وموجودهـ بالرياض في سوبر ماركت (الدانوب)
صورتها لكم
بس اللي ياكل منها راح يتصل ع المطافي <<تحذير

[التسعه شفر]

ماشاء الله عليكم .. وانا كنت احسب اني مكتشف سومطرا وماحد يدري عنها خخخخخخخخخخخخ اثركم انواع الخبرااات في الشطه .. اما شطه امازون خشت مزااحي وان شاء الله اجربها .. وتباسكو بعد .. بس وين القاها غرب الرياض ؟؟ احد يعرف محل قريب غرب الرياض ؟

[أخت البنات]

اخوي.. التسعه شفر

شطة امازون موجود في سوبر ماركت (الدانوب)
ولهم فرعين في الحياة مول
وفي بانوراما مول بشارع التخصصي..
ويمكن تلقاها في كارفور..

[الخادم]

سومطرة هي أفضل شطة
زينتها بالثوم و الصراحة حاره و نار

[بن حاضر]

ماشاء الله عليكم .. وانا كنت احسب اني مكتشف سومطرا وماحد يدري عنها خخخخخخخخخخخخ اثركم انواع الخبرااات في الشطه .. اما شطه امازون خشت مزااحي وان شاء الله اجربها .. وتباسكو بعد .. بس وين القاها غرب الرياض ؟؟ احد يعرف محل قريب غرب الرياض ؟

تباسكو متوفره في العثيم مول اللى على طريق المدينة او بنده على مقابل اسواق اليمامه على شارع الابراج او في محلات الرجبة اللي عند سوق الخضار اللي عند الهزازي ..
بالنسبة للامازون مدري والله لان ما قد جربتها ..

[Skyline]

شطة أبو ديك


وأنا من عشاق الشطة ، وجربة أنواع كثيرة وما وجدت أفضل من شطة أبو ديك ، رائحة ونكهة وطعم لذيذ ،
ويوجد نوعين منها حراراتهم عالية لم تعجبني مثل الشطة الأصلية

[ولدعنيزه]

افضل شطه عندي وجربوها والله ادمان
طماطم وكم قرن فلفل وكسبره وبقدونس وثوم على حسب الطلب وبالخلاط وشوف الطعم اددددددمان

[التسعه شفر]

شريت شطه ابو ديك بعد ما مدحوها الاعضاء في المنتدى ,, الله يكرم النعمه بس , مدري وش حبكم فيها ,, طعمها مر ,, ورميتها في الثلاجه

[وردة النفل]

شطة رنا
طعمها خل ولذيذه

[الحارثى محمد]

[صوتك]

السلام عليكم مع مشاركتي الاوله مع الشطه الله يستر

جرب هذي شطه رنا القروره السوداء ممتازه نكه وحراره

انتشارها قليل
موجوده في بعض فروع بنده
العثيم
اسواق ماكس

[مركز الثقل]

هذي الشطة والا فلا

[رعد الصحراء]

وعليكم السلام


هلا بك يالغالي


أفضل شطه بالسوق


أمازون .. تباسكو

وبالنسبة لي ..... شغل البيت أفضل وأنظف


تقبل تحيتي

[حمود أبو زمام]

السلام عليكم مع مشاركتي الاوله مع الشطه الله يستر

جرب هذي شطه رنا القروره السوداء ممتازه نكه وحراره

انتشارها قليل
موجوده في بعض فروع بنده
العثيم

اسواق ماكس

وهذي مشاركتي الاولى مع شطة رنا الحاره جدا

هذي أفضل شطه اللي بيجربها راح يكره الانواع الثانيه

من يوم استخدمتها ادمنت عليها وماامشي الا وهي في درج السياره

كانت بريال ثم ارتفعت الى ان وصلت ريالين ونص وبعض البقالات يبيعونها بثلاثه

كنت اشتري كرتونها بسته وثلاثين زمان

اما الحين زاد الطلب عليها وهي موجوده في سوق الرايه وعليها اقبال عجيب والشركه تزيد السعر كل سنتين مع ان حجمها نفس ابو ريال