وش اقوى سيارة للبر بالنسبة لك

[عجمي]

السلام عليكم ورحمة الله وبركاته

أكيد التايوتا ال GX وبس,,,

يا ماحلى عقب المطر شبت النار **** يم الشمال بين ضاعا اوقطّار

أبخوّت اللي لهم بالقلب مقدار **** رجالٍ قرومن مايهابون الأخطار

تسري مواترهم على وقت الأسحار **** على جيوبٍ تسابق الطير لاطار

تعجبك بالبروالفيافي والأقطار **** وارد تايوتا ينطح أجبال سنجار

عزمة كما حرٍ على كف صقار **** شاف الحباري وشدّالجناحين ثم طار

أطلق شنب مايوقفة صار ماصار **** يفك نفسة وماتهمة طلقت النار

[أبو أسامة]

السلام عليكم ورحمة الله وبركاته
مع إحترامي لشاص التايوتا أقول شاص البترول وبس وا حلالاه على ما ألقى منه مستعمل 2004 بخاخ ..........................................

[شاص&نص]

وعليكم السلام ورحمة الله وبركاته
بالنسبة لي شاص تويوتا البخاخ.
وبسسسسسسسسسسسسسسسسسس

[سعود بيك]

الله يجزاكم خير على الردود والله سامحوني لاني غبت شوي عن المنتدى

بالنسبة لي الباترول لانة كبير وخفيف وقوي قومتها وفية (difflock)
الديفلوك هذا اذا مثلا تعلقت في سيف او في اي مكان رملي مثلا كفرين يدخلون في الرمل لايتحركون والكفرين الثانيات يتحركون بس في الهواء ومالة فايدة اذا شغلتة يقوم بتوقيف الكفرين الي تدور بالهواء وتدعم قوة المكينة كلها في الكفررين المتعلقات وهذة الميزالديفلوك ينفعك في اي مكان اذا كنت ببر بعيد ولا عندك احدوالله مايطلع بعد مشيئة الله الا الديفلوك .
بالنسبة للاندكروزر هو قوي وسريع ويتحمل بس انة ثقيل ولا فية ديفلوك على ما اعتقد.
والشاص ايضا صغير وكلة سست ويبي يكسر ضهرك والله هو ماشاء الله طيب بالبر بس منت عايش حياتك بالبر.
بالنسبة للهايلكس والددسن صغير ودفرنسين ويبيلك تفجر المكينة عشان طعس ولا مكان رملي بس هو كويس عموما.
وعموما هذا رايي للسيارات وكل السيارات لها ميزة من ناحية اخرى

وتقبلوا سلامي وتحياتي

[anas]

السلام عليكم ورحمة الله وبركاته
جربت مجموعة من السيارات جربت شيروكي 96 .. وgxr 99 .. وباترول 98 .. باجيرو ربع 93 .. وباث فايندر2002 .. وبغض النظر عن الخرابات التي تلحق بالسيارة من كثرة التطعيس :
1- شيروكي
2- باترول ( وهي اول سيارة اطعس بها وبصراحة سيارة لا يعلى عليها في الرمال ولا يحتاج راعيها الى خبرة في التطعيس )
3- gxr ( سيارة ما تنفع في الرمال البته وما يطعس بها إلا واحد ذو خبرة في التطعيس ).
اما السيارات الباقية فهي غير مدرجة ضمن التصويت ..

[سعود بيك]

وعليكم السلام ورحمة الله

نسيت اقولكم ان الباترول نيسان من 2002 الى 2006 طيب جدا لا يصرف بنزين زي الموديلات الي قبلة واقوى منها واخف وازين للتطعيس

وتقبلواا سلااامي

[ابو امجاد]

السلام عليكم ورحمة الله وبركاتة 0000 لايوجد منازع في قوة دبل الباترول على حد علمي 00

[حاكم المقناص]

ياخي السيار المخلوقة لتطعيس ونفود


مايبيلة حكي اكيد الربع تويوتا
وقلييييييييل ما يغرز ويتعطل

[بو خليفه]

لا تنسو جيب مرسيدس G

[بو خليفه]

أعزائي أعضاء مكشات

ملاحظة :
هذا المنتدى فيه أفضل سيارة للبر و لكن الشباب و ضعوا نيسان و تويوتا و الشيروكي

و هذا المنتدى أيها الأعضاء مشاركين من الخليج و المعروف في الكويت باجيرو

و في الإمارات المعروف لاندروفر و جيب مرسيدس G و هذه الجيبات التي تستخدمها الجيوش و خاصة الحرس لازال الاندروفر موجود الذي أتوقع موديله 60 - 80 و لا يزال يستخدم حتى الآن عند الشباب
يجب توضع الجيبات الألمانية و البريطانية و الأوروبية كي نقارن

و أيضاً الأمريكي أين الدوج و الفورد و اليوكون و الكاديلاك و الفورد و الدوج من الجيبات القديمة المعروفة و لازال القديم يستخدم حتى الآن

نأمل التنبيه من الجميع أن هذا المنتدى فيه من الخليج

[اسـير الشـفـر]

السلام عليكم ورحمة الله وبركاته

الصراحة التصويت غير موضوعي لانه في سيارات لم تنزل في التصويت يعني مثلا ينزل ددسن وهايلوكس وماينزل يوكون يعني معليش هذا مو تصويت

مو لانه في ناس ماجربت سيارات تقوم تحسب انه السيارات اللي جربتها لايعلى عليها

انا كنت من عشاق البترول والى الان البترول من افضل سيارت البر التويوتا ولا شي جنبه لكن من وجهة نظري اشوف مابعد اليوكون بعد تجربتي لسيارتي الشفر سلفرادو وهي نفس اليوكون بس بحوض والله دخلت طعوس كنت ادخلها بالتويوتا وتحس انه مكينه الجيب تبي تنقز من الكبوت ولاتنسوا انه اليوكون جير اتوماتيك يعني لو فيه منه عادي يااااوك ياويلي ويلاه
ويصراحة بعد الشفر في البر مافي وهذا عن تجربه والله ببليزر 81 بس معدل تعديل بسيط في الكفرات والجنوط (مقاس كبير ) دخلنا اماكن الاندكروزر عيا يدخلها فاتخيلوا لو ان البليزر عليه مكينه 454 وش كان بيسوي


فالتجربه خير برهان على كل شي ومن تجربتي اشوف انه الشفر وبس

بس عتبي على الشفر انه دبلاته بازارير الكترونيه وانتم خابرين اذا ماسمعت صوت تعشيقة الدبل وهو يلقم ماتحس انه معك فع رباعي

[اسـير الشـفـر]

ياخي السيار المخلوقة لتطعيس ونفود


مايبيلة حكي اكيد الربع تويوتا
وقلييييييييل ما يغرز ويتعطل

ياخوي وليش اعذب نفسي بسياره لو تدوس على عيون القط تحس انك ناقز عقم
على الرغم من قوة مكينته بس انه سريع الانقلاب يعني دايم تشوفه مقلوب عشان كذا سموه((ابو سدحه))

[اسـير الشـفـر]

وعليكم السلام ورحمة الله

نسيت اقولكم ان الباترول نيسان من 2002 الى 2006 طيب جدا لا يصرف بنزين زي الموديلات الي قبلة واقوى منها واخف وازين للتطعيس

وتقبلواا سلااامي

والله كلام صحيح
والله البترول كله زين بس وكيله الله لايبارك في شيطانه خلى الناس تعيفه

[اسـير الشـفـر]

[QUOTE=anas]السلام عليكم ورحمة الله وبركاته
جربت مجموعة من السيارات جربت شيروكي 96 .. وgxr 99 .. وباترول 98 .. باجيرو ربع 93 .. وباث فايندر2002 .. وبغض النظر عن الخرابات التي تلحق بالسيارة من كثرة التطعيس :
1- شيروكي
كلام صحيح حنا عندنا شيروكي باب واحد موديل 97 ممتاز بالبر وبالطعوس وبصعود المرتفعات الجبليه الوعره

بس مشكلته
*عامود الدبل دايم يخرب فيه او يسبب رجه يوم تشبك الدبل
*في البر تحس انه السياره تمشي على كيفها رساوته في الخط جدا سيئه وصراحة افضل سيارات بالنسبه للرساوه في البر البليزرات واليوكون

[بو خليفه]

صادق أسير الشفر و الله يعطيك العافية