استفتاء على السريع عن أفضل أحجام الخيام لديك

[a.الخثلان]

أي الأحجام تفضل من الخيام للرحلات الخفافية والعائلية

2*3
2*4
3*4
3*5
4*5

وهل الأفضل لديك وتعمل حسابك عند الشراء إن الخيمة الخفافية تكون أكبر مقاس مما يمكن حمله وهو خفيف

رايكم يهمني فلا تبخلوا علي بآرائكم

[عاشق السيل]

أنا اخترت 3 في 4 ولو حطيت 4 في 4 كان اخترتها لأنها الأفضل لي !!

بيض الله وجهك على الاستفتاء الجديد من نوعه وتقبل مروري يالغالي ....






.

[a.الخثلان]

حياك الله يا عاشق واشكرك واشكر الاخوان الي سجلوا ترشيحهم

وأنا جالس أعمل دراسة حول مشروع خيمة مميزة للرحلات من نوع جيد واسأل الله التوفيق

ولذلك حاب أشوف أيش الرغبة لدى الجمهور

[ابوهتون]

انا شخصيا افضل 3*4...بس اهم شيء تكون خفيفه وسهلة النصب.

[a.الخثلان]

انا شخصيا افضل 3*4...بس اهم شيء تكون خفيفه وسهلة النصب.

اشكرك أبو هتون

وياليت من الاخوان الي يدخلون الموضوع إنهم يضغوط على الشيء المناسب في الاستفتاء

[ثقيل الرجلين]

والله ياخوك عقب طول تجارب مع ذا الخيام استقريت على خيمة المبيت حقة القاضي

قيمتها تقريباُ 160 ريال وتقدر تاخذ لكل واحد وحده واذا انتهى الموسم قطها لعيالك يلعبون فيها كشته في الحوش


حقيقه في نص دقيقه تفتحها وفي نص دقيقه تحطها في كيسها

تعبنا من شيل وحط ذا الخيام وخاصه ان اغلب مكاشيتي اصبح في محل واتغدى في محل واتعشى في محل ولانيب اطول يويمن الى ثلاثه وانا راجع عشان كذا معاد ازعج نفسي بالخيام
بس لي عشق مع خيمه وحده خاصه اذا رتبتها وحطيت فيها فرشاتها

ذي صورتها في احدىطلعاتي



س زي ماقلت انا الحين مع خيمة المبيت حقة القاضي وبس

[الوسمي44]

موضوع ممتاز ومفيد للكثير من الناس جزاك الله خير اخوي الزينون

[a.الخثلان]

س زي ماقلت انا الحين مع خيمة المبيت حقة القاضي وبس

حياك الله أخوي وحقيقة هالترتيب في الخيمة يفتح نفسك للطلعات

سؤال كم مقاسها وكم تتسع لشخص عند النوم انتظر ردك

[a.الخثلان]

موضوع ممتاز ومفيد للكثير من الناس جزاك الله خير اخوي الزينون

حياك الله يالوسمي 44

في الحقيقة أحمد الله ان الموضوع فيه فايده للأخوان ويارب يستفيد الجميع

ولا اخفيك عندي طلعة مع بعض الشباب بمشيئة الله في هالعيد وجالس أسابق الوقت وأرتب لي خيمة

[خالد940]

نحتري خيمك بفارغ الصبر اخوي الزينون وتشكر على الموظوع وتشكر على الخيمة سلفا وشف هالخيمة لا يغرك شكلها بالصورة تحسبها كبيرة نطقها ثلاثة ما تاخذ عشر دقايق ضد الما وقيمتها 1100 .

[عاشق السيل]

أخوي ثقيل الرجلين :

بالله عليك هالخيمة قيمتها 160 ريال ؟؟؟؟؟!!!!!!

أخاف تكون 1600 ريال !!!

عموما وين تباع ؟؟ أبشتري حبتين إذا كانت بهالرخص ،،

والله يبيض وجهك .....




.

[assaef]

وين نجد هذه الخيمة حلوه ب160ريال

[ثقيل الرجلين]

أخوي ثقيل الرجلين :

بالله عليك هالخيمة قيمتها 160 ريال ؟؟؟؟؟!!!!!!

أخاف تكون 1600 ريال !!!

عموما وين تباع ؟؟ أبشتري حبتين إذا كانت بهالرخص ،،

والله يبيض وجهك .....




.

اول شي اللي بمية وستين مهيب اللي صوره وردي واضح وقلت اني بعد ماكنت احب الخيام بطلتها وجبت صورة لخيمه قبل لا ابطل استخدمه وعلى فكره اللي في الصورة مهيب بالف وستميه ولا شي قيمتها 800 ريال من السنيدي

اما اللي يستفسر عن ام 160 ريال
هي خيمه من القاضي لنفرر واحد اسمها خيمة مبيت


وبعدين صدقوني الخيمه الخفيفه واللي توسع اكثر من ثلاثه وتقدر تسوي في طرفها كبستك في المطر لها سلبيات

اذا صارت خفيفه معناته اي هوى بيمزعها ولا هيب صايره دافيه وبطرقع مع الهوى
واذا صار قماشها ثقيل ودفيه ومثبته زين بتصير ثقيله وتجيب لك المرض ولا تنفع لشغل الطياري والمتنقل

لذلك خيمة المبيت تقدر تاخذ منها معك لكل واحد وحده وهي ما تجي كبر صحن الكبسه حق الثمانيه انفار لانها اذا طويتها في كيسها تكون كأنها صحن
وحقة القاضي يعلم الله العام في عز الصقيع ونايم وسطها بسليب باق الدرويش البوليستر القديم وله عندي اكثر من سبع سنين ولا حسيت بالبرد ويوم قمت كلش مثلج

وفيه في القاضي بعد نفس النوع اكبر شوي تاخذ ثلاثه انفار وقيمتها على ما اذكرفوق الميتين وخمسين

تحياتي

[a.الخثلان]

أشكركم احبتي جميعا على هذي المداخلات الطيبة

وأتوقع الخيمة الخفافية سواء لأربعة أشخاص أو عائلية الهدف منها الوقاية من الأمطار أو الشمس لما تجلس على جال شعيب وهي ترش ما تشيل هم

أو تجلس على الشاطيء ولا به ظل ما تشيل هم

وبالنسبة للبرد ما أتوقع إن اي يبحث عن الدفء يصطحب معاه خيمة خفافية

لقد أثمر النقاش معاكم على أهداف جديدة

واصلوا احبتي لاحرمكم الله الأجر

[a.الخثلان]

أشكركم أحبتي جميعا على ما قدمتوه لي من اقتراح أو تصور أو ترشيح في الاستفتاء

وقد استقر الرأي على مقاس 3*4 كتجربة

وبمشيئة الله اليوم يبدأ تفيذها ونسأل الله التوفيق