أي الأحجام تفضل من الخيام للرحلات الخفافية والعائلية
2*3
2*4
3*4
3*5
4*5
وهل الأفضل لديك وتعمل حسابك عند الشراء إن الخيمة الخفافية تكون أكبر مقاس مما يمكن حمله وهو خفيف
رايكم يهمني فلا تبخلوا علي بآرائكم
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
أي الأحجام تفضل من الخيام للرحلات الخفافية والعائلية
2*3
2*4
3*4
3*5
4*5
وهل الأفضل لديك وتعمل حسابك عند الشراء إن الخيمة الخفافية تكون أكبر مقاس مما يمكن حمله وهو خفيف
رايكم يهمني فلا تبخلوا علي بآرائكم
أنا اخترت 3 في 4 ولو حطيت 4 في 4 كان اخترتها لأنها الأفضل لي !!
بيض الله وجهك على الاستفتاء الجديد من نوعه وتقبل مروري يالغالي ....
.
اللهم انصر إخواننا المسلمين في سوريا ،، اللهم ارحمهم وكن معهم ووحد صفوفهماللهم عليك بمن ظلمهم ،، أرنا فيهم عجائب قدرتك يا قوي يا متين
حياك الله يا عاشق واشكرك واشكر الاخوان الي سجلوا ترشيحهم
وأنا جالس أعمل دراسة حول مشروع خيمة مميزة للرحلات من نوع جيد واسأل الله التوفيق
ولذلك حاب أشوف أيش الرغبة لدى الجمهور
انا شخصيا افضل 3*4...بس اهم شيء تكون خفيفه وسهلة النصب.
~~اللهم يا مقلب القلوب والابصار ثبت قلبي على دينك~~
والله ياخوك عقب طول تجارب مع ذا الخيام استقريت على خيمة المبيت حقة القاضي
قيمتها تقريباُ 160 ريال وتقدر تاخذ لكل واحد وحده واذا انتهى الموسم قطها لعيالك يلعبون فيها كشته في الحوش
حقيقه في نص دقيقه تفتحها وفي نص دقيقه تحطها في كيسها
تعبنا من شيل وحط ذا الخيام وخاصه ان اغلب مكاشيتي اصبح في محل واتغدى في محل واتعشى في محل ولانيب اطول يويمن الى ثلاثه وانا راجع عشان كذا معاد ازعج نفسي بالخيام
بس لي عشق مع خيمه وحده خاصه اذا رتبتها وحطيت فيها فرشاتها
ذي صورتها في احدىطلعاتي
س زي ماقلت انا الحين مع خيمة المبيت حقة القاضي وبس
موضوع ممتاز ومفيد للكثير من الناس جزاك الله خير اخوي الزينون
أخوي ثقيل الرجلين :
بالله عليك هالخيمة قيمتها 160 ريال ؟؟؟؟؟!!!!!!
أخاف تكون 1600 ريال !!!
عموما وين تباع ؟؟ أبشتري حبتين إذا كانت بهالرخص ،،
والله يبيض وجهك .....
.
وين نجد هذه الخيمة حلوه ب160ريال
اول شي اللي بمية وستين مهيب اللي صوره وردي واضح وقلت اني بعد ماكنت احب الخيام بطلتها وجبت صورة لخيمه قبل لا ابطل استخدمه وعلى فكره اللي في الصورة مهيب بالف وستميه ولا شي قيمتها 800 ريال من السنيدي
اما اللي يستفسر عن ام 160 ريال
هي خيمه من القاضي لنفرر واحد اسمها خيمة مبيت
وبعدين صدقوني الخيمه الخفيفه واللي توسع اكثر من ثلاثه وتقدر تسوي في طرفها كبستك في المطر لها سلبيات
اذا صارت خفيفه معناته اي هوى بيمزعها ولا هيب صايره دافيه وبطرقع مع الهوى
واذا صار قماشها ثقيل ودفيه ومثبته زين بتصير ثقيله وتجيب لك المرض ولا تنفع لشغل الطياري والمتنقل
لذلك خيمة المبيت تقدر تاخذ منها معك لكل واحد وحده وهي ما تجي كبر صحن الكبسه حق الثمانيه انفار لانها اذا طويتها في كيسها تكون كأنها صحن
وحقة القاضي يعلم الله العام في عز الصقيع ونايم وسطها بسليب باق الدرويش البوليستر القديم وله عندي اكثر من سبع سنين ولا حسيت بالبرد ويوم قمت كلش مثلج
وفيه في القاضي بعد نفس النوع اكبر شوي تاخذ ثلاثه انفار وقيمتها على ما اذكرفوق الميتين وخمسين
تحياتي
أشكركم احبتي جميعا على هذي المداخلات الطيبة
وأتوقع الخيمة الخفافية سواء لأربعة أشخاص أو عائلية الهدف منها الوقاية من الأمطار أو الشمس لما تجلس على جال شعيب وهي ترش ما تشيل هم
أو تجلس على الشاطيء ولا به ظل ما تشيل هم
وبالنسبة للبرد ما أتوقع إن اي يبحث عن الدفء يصطحب معاه خيمة خفافية
لقد أثمر النقاش معاكم على أهداف جديدة
واصلوا احبتي لاحرمكم الله الأجر
أشكركم أحبتي جميعا على ما قدمتوه لي من اقتراح أو تصور أو ترشيح في الاستفتاء
وقد استقر الرأي على مقاس 3*4 كتجربة
وبمشيئة الله اليوم يبدأ تفيذها ونسأل الله التوفيق
الذين يشاهدون الموضوع الآن: 1 (0 من الأعضاء و 1 زائر)