من يعرف سمكة البصر ؟؟؟

[راعي جلب]

تقريبا في كل كسارة بس اللي تجي علي الكسارة من فوق اجوك شويه صغار الكبار تلقاهم تحت
و بعدين لمن تتخد القدر محا اكون في صدف كلو شلاضيم ما في احد يقفل علي يدك هذاك و انته بتتعارك معا في الكسارة و ازا انتا تطلع بوت روحلك علي قطع و انزل معاك العدة تلاقي انشالله بصر و ابو نشرة كمان

[alsyaad]

70 ريال للكيلو والله غالي

يا ابن الحلال روح للكسارة تجد فيها الخير

خل معك صيخ ودخله وحركه يمين ويسار لين يموت وطلعه صح صغار بس تجد الي تبيه

[راعي جلب]

سامحني يا ابو زين قلت في الاخير انا جاهز للترجمة هههههههههه عارف محد راح يفهم علية الا قلة
المشكلة اني في اللغة العربية الفصحي امكن عشان اكتب الكم سطر دي اخدلي يومين فخلاص منتا فاهم قلي اشرحلك انا متاكد اللي عصلق معاك حكاية الشلاضيم خخخخخخخخخخ و العذر و السموحة منك و من غيرك

[ابو محمد1425]

والله يا سيدي الفاضل البصر هادا شي لا يعلي عليه
مليان في الكسارات و باحجام مختلفة تلاقيه ملصمق في الصخور و عشان تصيده ابالك سكين و عتله ازا تقدر عشان لا تجرح يدك ال صدف حقو حار وزي السكاكين
تجي مسرع و تدخل السكينة في وسطو قبل لا اقفل لانو هو يشعر بالحركة و اقفل و ازا قفل عليك روح لوحدة تانية و ارجعلة تلاقيه طلع شلاضيمو تاني (شلاضيم =براطم =شفايف ) المهم لمن تحط السكين جوتو بيقفل عليها المهم السكين ما اكون ابو ريال عشان لا انكسر و بس تروح و تحي بالسكين تقطعو لا تغزغزو يعني امشي عليه من اولو لاخرو و عشان تتاكد او مان تلاقيه فتح الصدفة شوية بس بما انو حاشر نفسو ما تنفتح كلها و تلاقي شويه شلاضيم ما اتقطعت المهم انته قربت نهاية المشوار و يا سيدي ازا لابس قلفزات ولا يدينك مخنشرة حاول تلخلخو من محلو يطلع من معاك ابو بالعتلو هذا في حالت انك قتلتو و ازا ما حصل الدبح بعضو اكون ماسك في اماكن يسها خلعه بس تلاقيه قافل المهم من ورا بتلاقي خرم محل العصب يا بالسكين يا تخلي قلبك جامد و تنخور بيدك و تقطع اي شي اجي في يدك الي اموت
المهم لا تشيل بالصدف افحها و بيدك جو كل شي اخرج معاك بس سيبك من المصران خد الشفايف السود و السكريييية و ما ادراك ما السكرية اول ما تطلع لاسكرية كلها في وقتها و ادعيلي كل البصر اللي اطلعو ارجع البيت بلا سكريات خخخخ المهم و ازا ناوي سنوركل او جلب امسك الصدفة بالبواقي اللي فيها و ارميها قدامك تلاقي السمك اتلم و سمي و يصلح لعف كمان و لك الله ما اخرج مت الهوك تقول بتجلب بلستك كفر انشالله اكون كفيت ووفيت معاك يا معلم و اسفين علي اطالة وجاهز للترجمة

الله يرحم والديك انت ايش قاعد تقول
وبعدين ايش اللي اطع براطمه انا اذا شفته باشيله هو والصدفه حقته وبعدين اتفاهم مع شلاضيف امه
السؤال المهم هل اجده في بحر الشقيق جنوب المملكة ام انه لا يوجد الا في ينبع ؟
وكيف اعرفه اذا شفته ؟
انا ناوي اهندس عند شعب مرجانية شوفتها قبل فترة وناوي اروح مرة ثانية لان شكلها كان جميل جدا والاوان الشعب والمرجان حلوه بس وقتها ما كنت اعرف عن البصر شي .
وكيف شكله هل له عدة اللوان ام لون واحد وماهو افضلها ؟
اهندس = اسنكر بلهجتنا

[صقر بدر]

يابومحمد فعلا البصر علاج للبواسير ويوجد على الكساره او قبل الكساره
وطريقه تحضيره هي ان تضعها في القدر وتجعله يطبخ قرابه النصف ساعه
وبعدين تصفيه وتشرب المرقه والله يعينك على الطعم ولكنه علاج ممتاز للبواسير

[البتال]

روح البنقلة في ينبع انا امس مريت عليها حصلت واحد يبيع بره ومليان عنده معبي سطل

وعشر حبا بأربعين ريال اما داخل البنقله ب45 ريال ومثلج

[ابو محمد1425]

اشكركم ايها الاخوان
وسئوالي هل هناك فرق بين الوانه من ناحية العلاج ؟
يعني اي لون اخذ لغرض العلاج ؟
واشكركم

[صقر بدر]

كلها واحد مافي فرق

[وليد الغربة]

اول ة اسمع بهذا الشئ

والشباب ماقصروا

اخوك وليدالغربة

[B 7 R]

ايش قاعد تقول


انا أفضل ترسل اللي تبغى تقولو تسجيل صوتي ههههه

ههههههههههههههههه صح لسانك ابو زين زيك ما فهمت شي

[للزمن ثمن]

السلام عليكم
ابومحمد البصر علاج ميه ميه هههههههههههههههههههه

[ABO ZAIN 29]

سامحني يا ابو زين قلت في الاخير انا جاهز للترجمة هههههههههه عارف محد راح يفهم علية الا قلة
المشكلة اني في اللغة العربية الفصحي امكن عشان اكتب الكم سطر دي اخدلي يومين فخلاص منتا فاهم قلي اشرحلك انا متاكد اللي عصلق معاك حكاية الشلاضيم خخخخخخخخخخ و العذر و السموحة منك و من غيرك

يارجل أمزح معاك لاتزعل وخلي اخلاقك بحريه

[يعنني مهندس]

وعليك السلام ورحمة الله وبركاته
سعر الكيلو في ينبع 70 ريال مجفف موجود في البنقلة
هذه صورة داخل البحر


وهذه الصدفة حقته

اي هذا هو
والله قبل فتره بسيطه متعشي منه
وكيلو المجفف من 50 ريال الى 70 ريال
بس تاخذ بالمشك فيه ثلاث حبات بخمسه ريال المجفف ماجربته غالي
لما اطلع الديره(( املج)) دايركت على البنقله واحلى صياديه في البيت
بصراحه ادمان وخاصه السكريه الي فيه
طريقته تنزع الكرش وتغسله بمويه حاره وبعذين على الرز ويعطي نكها خرافيه على الصياديه
قسم بالله نفسي فيه الحين

[مساميرالدلق]

لا يفوتك تراه مجرب 50 70 ولا الى انتى فيه وافضل من العمليات وحاول تتجنب الامساك قدر المستطاع وكثر في الفواكه والخضروات وتجنب المعجنات والنواشف لفترة بعد استخدامه وقبله
وسلامات وطهور ان شاء الله وكفارة

[ابو محمد1425]

لا يفوتك تراه مجرب 50 70 ولا الى انتى فيه وافضل من العمليات وحاول تتجنب الامساك قدر المستطاع وكثر في الفواكه والخضروات وتجنب المعجنات والنواشف لفترة بعد استخدامه وقبله
وسلامات وطهور ان شاء الله وكفارة

جزاك الله خير
المشكلة اني ما عرفت كيف اشحنه من ينبع الى ابها وانا اخوك
ويمكن اروح في الاجازة الى جده ومن هناك الى ينبع ان شاء الله
وتشرفت بمرورك