رابطة ملاك شاص النيسان (( باترول الحوض))

[فواز الشمري16]

ياخوان فيه بعض البواترل مركب عليها جنوط سود حلوات ويش اسمهن وين يحصلن وعلى كم اسعارهن

هذولي جنوط فتك 2002 صينيات سعر الطقم من 1200-1400 ريال لكن اذا استخدامك جائر و راعي طرد و حجرة و حرة تراه ما يتحمل سريع الانكسار !!

[ahmed 1]

السلام عليكم ورحمة الله وبركاته
وشهر مبارك
ياشباب لي كم يوم انزل المعارض وحصلت ٢٠١٥ شاص فل قيل عادي والدفلوك اوتو
واحد نصحني قال ابعد عن الدفلوك الاوتو ومالقيت جديد دفلوك سويتش الا موديل ٢٠١٢ وسعرة ١٠٣٠٠٠
والـ٢٠١٥ ١٠٧٠٠٠
طبعاً في معارض جدة وعددها قليل السيارات
ودي اعرف اللي عندهم دفلوك اوتو وش انطباعهم عنه ينفع او لا؟
والا انتظر الين احصل ٢٠١٤ دفلوك سويتش؟

[رعد الجنوب]

السلام عليكم
مساكم الله بالخير
عيدكم مبارك وكل عام وانتم بخير

وش يفرق المكسيكي عن غيره ؟

[شقراي]

السلام عليكم جميعا ومسا الخير ابوسند9 ياسندنا بالفتك ماشاء الله عليه

مع شاص فتك 2013 وكاله قير عايدي بدون باللون بس ماهو جيزلي عزمه ماهو بخف عزم الفتك الصالون يمكن علشان الكارونه ودي اهويه احط له هوائيات وش رايك فلتر هدرز فرة ديلكو برمجه خفيفه انا ماركبت الا فرارت بس الى الآن اشر علينا الله يجزاك خير

حياك يالغالي توكل على الله وركب الفرق واضح جدا وممتاز كانه موتر ثاني ماشاء الله

[عابر سبيل 2]

مساكم الله بالخير
مشورتكم يالربع
عندي باترول حوض 2015 وودي اركب شد ارفع من التندة شي بسيط وانزل الجلسة على قد الرفارف والتانكي تحت بارتفاع 25 سم على قد الرفرف وبطارية اضافية.
ويش تنصحوني اركب عند مين ؟ يهمني التالي:
جودة ونوعية الشد
جودة التركيب للشد والتوانك.
تسليك البطارية الاضافية والكهرباء.
السعر المناسب .
ياليت اسمع رأي الجميع.
وحسب علمي التركيب عند السنيدي - عروق الشمال - الاختيار - الوادي

[6ariq]

مساكم الله بالخير
مشورتكم يالربع
عندي باترول حوض 2015 وودي اركب شد ارفع من التندة شي بسيط وانزل الجلسة على قد الرفارف والتانكي تحت بارتفاع 25 سم على قد الرفرف وبطارية اضافية.
ويش تنصحوني اركب عند مين ؟ يهمني التالي:
جودة ونوعية الشد
جودة التركيب للشد والتوانك.
تسليك البطارية الاضافية والكهرباء.
السعر المناسب .
ياليت اسمع رأي الجميع.
وحسب علمي التركيب عند السنيدي - عروق الشمال - الاختيار - الوادي

بالنسبه لي لو بركب مثل مانت طالب ركبتها عند الوادي

[6ariq]

السلام عليكم

وين اقدر اركب فصله للقزازه الخلفيه؟
ابيها تنفتح مثل الشاص التويوتا

[أبو فيصلvtc]

السلام عليكم يا أخوان
ارجو التكرم بالفزعة
ابي طبق ( غطا ) لحوض شاص النيسان
فيبر والا حديد وين يفصلونها فيه
فزعتكم ياهل الشاص

[شاهين تركي]

للبيع 5 جنوط فتك موديل 2012 مقاس 16 حقت الوكالة الاصلي

عليهن سوم 1000 ريال


للاستفسار / 0561303803

[ابويزيد75]

ممكن طلب
ابي قروب واتساب لشاص نيسان وقروب للفتك
والف شكر للجميع

[ابويزيد75]

للرفع لاهنتوا

[tkteek]

السلام عليكم ورحمة الله تعالى وبركاته

يسعد صباح - مساء الجميع

ابي صاجه حمايه تحتيه اماميه لجيب شاص نيسان 2013

وين احصلها وكم اسعارها وهل تنصحوني فيها ام لا الي مجربينها

تحياتي لكم

[tkteek]

اخوي عابر سبيل

انا انصحك بالشد يمدحون الاختيار ( حائل ) جوده و تكتيك شغل

انا مركبه عند عروق الشمال بالقصيم للامانه ما عجبني ولو بغيره بروح للاختيار ماشاءالله شغل عدل ومتكتك

مانصحك تركبه مرتفع فوق التنده في اختراع جديد يحطون له مسكات تقدر تفتحها ويرتفع الشد وتجلس فيه وتنزل الجلسات بدون مايكون مرتفع

بالنسبه للتسليك والشغل العدل المتكتك في الكهرباء

انصحك بفنون الكهرباء ببريده شغل مايعلى عليه بكل شي جوده ودقه

والله يوجهك للي فيه خير

[عابر سبيل 2]

رحت للسنيدي ورحت لعروق الشمال وفي الاخير وقع اختياري على الاختيار بحائل وفصلته بتكلفة معقولة.
الله يجزاكم خير على المداخلة.

[Obu-Nasser]

رحت للسنيدي ورحت لعروق الشمال وفي الاخير وقع اختياري على الاختيار بحائل وفصلته بتكلفة معقولة.
الله يجزاكم خير على المداخلة.

كم التكلفة؟