رابطة ملاك شاص النيسان (( باترول الحوض))

[مجالس الرجال]

السلام عليكم ورحمة الله وبركاته

صباح/ مساء الخير

انا معي شاص نيسان م2013 لاكن عندي مشكله بالدفلك اذا شغلته بس تأشر اللمبه بالطبلون ولا يشبك معي فكيت الليات اللي عند الحساس ونظفتها ونظفت الحساس ونفس الموضوع

ابي حل سريع قبل طلعات النفود

الدفلك مايشبك الا مع الثقيل وشرط ان الموتر متعلق احد كفراته يعني لو انت مغرز وموترك متواسي مايشبك معك الدفلك واذا كان مايشبك وهو مثولث متعلق فأعتقد عندك مشكلة بدينمو الدفلك اللي بالكارونه

[راعي جويعد]

السلام عليكم يا أخواني
ودي الغي ثلاجه الشاص الي بين المقاعد
هل في احد فكه وزبطت معه ولا مافيها امل كيف الغيها ببدلها بمرتبه طويله من لديه الخبره ولا قد جرب فكها لا يبخل علينا الله يجزاه خير

8
وعليكم السلام الامر سهل تقص ماسورة الفريون ةتقفلها باللحام ويسويها فني تكيف السيارات
طبعا" سيتم تفريغ الفريون وتحتاج اعادة تعبئة انا فكيتها وضبطتت معي
بالتوفيق

[ابوسند9]

الدفلك مايشبك الا مع الثقيل وشرط ان الموتر متعلق احد كفراته يعني لو انت مغرز وموترك متواسي مايشبك معك الدفلك واذا كان مايشبك وهو مثولث متعلق فأعتقد عندك مشكلة بدينمو الدفلك اللي بالكارونه

الدفلك يشبك بدون دبل ان اردت
او مع الخفيف او الثقيل

[ابوسند9]

السلام عليكم ورحمة الله وبركاته

صباح/ مساء الخير

انا معي شاص نيسان م2013 لاكن عندي مشكله بالدفلك اذا شغلته بس تأشر اللمبه بالطبلون ولا يشبك معي فكيت الليات اللي عند الحساس ونظفتها ونظفت الحساس ونفس الموضوع

ابي حل سريع قبل طلعات النفود

وعليكم السلام
فيه رد في صفحه 102 بخصوص الدفلوك
والجهاز اللي با الكارونه ما يتعطل فلا تسوي فيه شي ,فقط تاكد من الليات

[مجالس الرجال]

الدفلك يشبك بدون دبل ان اردت
او مع الخفيف او الثقيل

هلا بو سند تقصد تعديل على البرمجة او كيف

[ابوسند9]

هلا بو سند تقصد تعديل على البرمجة او كيف

هلا بك اخوي
لا برمجه ولاشي هذا نظامه شد بلد ,

[مجالس الرجال]

اللي اعرفه بالذات صوالين التويوتا تشبك مع الثقيل وسألت من معه شاص تويوتا ذكر انه يشتغل الدفلك مع الخفيف والثقيل واهل الفتك صيانة العيسى يحذرون من شبك الدفلك مع الخفيف واحدن من الربع يذكر انه يشبك مع الخفيف والثقيل

[ابوسند9]

اللي اعرفه بالذات صوالين التويوتا تشبك مع الثقيل وسألت من معه شاص تويوتا ذكر انه يشتغل الدفلك مع الخفيف والثقيل واهل الفتك صيانة العيسى يحذرون من شبك الدفلك مع الخفيف واحدن من الربع يذكر انه يشبك مع الخفيف والثقيل

والله يا الغالي ماعندي خبرة با التايوتا, اللي اعرفه ان التايوتا دفلك خلفي وامامي
اما الباترول خلفي فقط
لكن غالبا الواحد ما يشغل الدفلك اللى بتغريزه قشرء او احدى الكفرات متكي, وهنا بالنسبه للباترول ,فهنا يلزمك دفلك مع الدبل الثقيل من شان ما تحرق الكلتش سواء قير عادي او تماتيك , هذي نصيحتي
اما دفلك الفتك ودفلك الباترول من 88 الى 97 يشبك بدون دبل , اما موديل 98 الى 2001 ناسي والله ,لكن اتوقع الباترول نظامة واحد
وانت اذا معك باترول اشبك الدفلك عند البيت بدون دبل وحرك السيارة ولف الدركسون شي بسيط يمين او يسار وراح يبين معك
الخلاصة من وجهة نظري جيب بدون دفلك ما اعتبرها سيارة

[عقيل2009]

السلام عليكم
يشرفني ويسعدني
الانضمام اليكم في الرابطه
ولله الحمد ومن فضل الله
اشتريت شاص نيسان 2015
اسال الله ان يبارك لنا ولكم فيما رزقنه
طبعاً خليجي على الزيرو
وعندي كذا استفسار الله يحفظكم
1- وش سالفه مسمار الثلاجه هل افكه قبل التشيك 1000 كيلو ولا بعد التشيك
2- الزيت متى اغيره على مسافه كم كيلو ومانوع الزيت الافضل للمحرك
3- وين احصل عازل الصندوق البلاستيك وكم قيمته
وبالتوفيق للجميع

[مجالس الرجال]

وعليك السلام والرحمة والبركة
حياك الله
الله يطعمك خيره ويكفيك شره بالنسبة لمسامير الثلاجة فكهن اسلم لك والزيت 10 على 30 وانا استخدم بترومين تغيير الزيت يحكمه الاستخدام لكن اعتقد انه كل 8000 الاف كيلو مقبول الفيبر خابر سعره بحدود 650 ريال

[شقراي]

الفيبر عند السليماني فيه فرع على طريق الملك عبدالعزيز وفرع في الغرابي

[عقيل2009]

جزاكم الله خيراً

[Abdulmajeed_q]

السلام عليكم ،،
يشرفني الانضمام اليكم ،،
انا مقبل على شراء شاص فتك 2016 وصراحه سالت كثير عنه وبحثت عن محلات ايجار للتجربه بس ماحصلت للاسف وان شاء الله القى الاجوبه عندكم
انا ماعندي شك في تحمل السياره وجودتها وااغلب عيوبها تستطيع السيطره عليها .
يهمني موضوع نشاطه وعزمه هل هو يجمل ولا لا يعني المعروف عن مكينة VTC4800 بالنشاط
بس قريت بمنتديات انه الشاص ثقيل وممشاه ماهو مره مقارنة بالربع الفتك
هل هذا الشي صحيح .؟
وبرضوه سمعت انه يقطع بخامس على 210 هل هذا صحيح .?
عطونا العلم الله يبيض وجهيكم

[شقراي]

عليكم السلام يامرحبا اخوي عبدالمجيد


بالنسبه للعزم فهو متوسط مهب ذاك القوه ولاهب ذاك الضعف


واذا عطيته هدرز فلتر بيفرق فرق حلو مره


وبالنسبه لمقرانته بالربع لا شك الربع اخف ولكن مهب ذاك الفرق الكبير


وبالنسبه للقطعه مدري انت تقصد الفصله ولا التفتفه


الفصله صحيح


اما التفتفه فهو خطأ


وشكرا ,,,

[Abdulmajeed_q]

الله يعطيك العافيه اخوي شقراي,,
يعني مقارنة مع الشاص التويوتا ايهم انشط ؟
يعني 210 يجيبه سلام سلام ولا بعد طلعة الروح هههههههه ؟
بالنسبه للهدرز والفلتر وين احصله وبكم تكلف هدرز وفلتر وهل يحتاج برمجه ولا الهوائيات لوحده تكفي.