القطع البديلة للنيسان باترول سفاري نرجو المساعدة والتثبيت

[شادي الرياض]

منتدانا الموقر
السلام عليكم ورحمة الله وبركاته
اود طرح موضوع مهم يخدم ملاك سيارة نيسان باترول سفاري بكافة موديلاته
بخصوص قطع الغيار البديلة سواءً قطع غيار أو أكسسوارات و نطلب المشاركة من الأعضاء المكشاتية من خلال تجاربهم وضرورة تحديد الموديل ليتسنى لنا إعداد تقرير كامل يخدم جميع مستخدمي سفاري تخص ملاكه.

ودمتم

[وحش القفار]

بما اني اول من تسنى له الرد اريد ان اضيف للموضوع اطلالة واقول بارك الله في صاحب الفكرة الجميلة التي تعود على الاعضاء بالفائدة العظيمة واشكر الاخ شادي الرياض على الطرح المفيدواتمنى ممن لديه المعلومة لايبخل على الاعضاء الكرام لأن الباترول من اروع السيارات التي اقتنيتها ولايعيبها الا الوكيل وقطع الغيار المبالغ فيها

[صبي هذيل]

بارك الله فالجميع وعساكم للقوه

[قرم العيال]

بسم الله ..

الموتر / سفاري من موديل 97 وتحت ..

المكشله / كمبروسر المكيف متعطل .

الحل / تركيب كمبرسور دادسون موديل 90 وحوله ..

العيوب/ الظاهر مايبرد مع الوقوف الطويل .. يعني تمشي يثلج توقف يضعف شوي


هذي تجربتي

[شادي الرياض]

بارك الله لك ونفع بك

[عبون الجواء]

عن تجربتي تغير طرمبة البنزين ببديل عنه وافضل من وهو طرمبة بي ام دبليو باترول موديل 2006و1997
شكرا على طرح صاحب الموضوع
تقبل احترامي اخوك / ابو عبدالله

[برهوش]

ليات تبريد الدودة
تركيب ليات بالمتر
سعر المتر عشرة ريال

[نهار الوقت]

يعطيك العافيه وموضوع يستفيد منه كل الاعضاء
عندي سؤل بخصوص طرنبة البنزين وش البديل للمديل 2002 بحيث تم تغييرها وأصبح الامبير ماينزل عن الربع الاخير وتولع اللنبه
طبعا توني شاري السياره ورعيها يقول خربت الاوله وركب ثانيه جديده وصارت المشكله

[اكيف شي]

يعطيك العافيه اخووي على الموضوع
بالنسبه لي جربت اطرمبه حقت جمس موديل 83 ركبته على باترول بخاخ موديل 97 ولله الحمد احلا حلاوه

[ابوسند9]

الله يعطيك العافيه على الفكره
باترول من موديل 2005 فما فوق حسب كلام احدى الزملاء ويمكن ينطبق الكلام على موديلات 2004 ونازل
اذا كانت الشمعات الاماميه مكسوره او مرمله تشتري شمعه تجاريه وسعرها 130 ريال وتفك الغطاء وتركبه للشمعه الاصليه,,
كذلك الشبك الخارجي سعره تقريبا فوق مئة ريال وهو قريب جدا من الاصلي
تحياتي

[العرض داري]

موضوع في قمة الروعة



والنيسان سمح في الترهيم

[مدمن فتك]

بالنسبه للفيوز فان فيوز الفورد الفكتوريا فيوزها بدال فيوز الفتك لانها اكبر وافضل

[شادي الرياض]

إلى الأمام إلى الأمام ,,ورشة ورشة,, محل محل,,قطعة قطعة ,,,زنقة زنقة
معمر القذافي على غفلة
ودنا بالتوسع بالموضوع ذكر الورش المتخصصة بالباترول و محلات قطع الغيار أو التشاليح أو القطع المجددة.
وذللك للمحافظة على محبي وعشاق النيسان من التلاعب والغش يعني ما ودنا
ب((بتاع كله))

[وحش القفار]

مدمن الفتك الله يرضى عليك ما هو الفيوز المقصود

[قناص خلاوي]

الله يجزاكم خير ويبيض وجيهك
سؤال للنشاما
معي فتك 2005 والمساعد الخلفي مفقوع ؟؟
وش اغير بداله ؟؟
استرالي أو حق جيب شاص أو جبريل أو أصلي أو .....الخ
واذا غيرت المساعد المفقوع أغير اخوه معه على الدرب ؟
علما اني مركب يايات استرالية وبالون وسط الياي ..
ياليت اللي مجرب ويعرف القيمة يرد
لاهان الجميع