القطع البديلة للنيسان باترول سفاري نرجو المساعدة والتثبيت

[سفاري 9]

السلام عليكم ورحمة الله وبركاته
بمان الكلام عن القطع البديله للباترول راح ادلو بدلوي للفائدة
خرب علي الراس حق الفتك موديل 2002
وراحت الوجيه وصوف البواجي
الكلام عن صوف البواجي تكون راكبه في الغطاء
واذا بغيت تغيرها لازم تشتري الغطاء كامل والغطاء سعره غااالي وخبركم في الحمراني واسعاره
مااذكر بالضبط سعره لاكن تقربياً 900 ريال
لجأنا للبديل وهو صوف شاص وهي اكبر شوي لاكن المخرطه قاموا بالواجب
وممتازه وعمليه جداًالى ان بعت السيارة مالاحضت اي شي

[شادي الرياض]

نرجوا التفاعل اكثر من جميع النواحي وتحديد الورش الجيدة المساعدة في هذا المجال



ودمتم

[كسير الحظ]

فكره ممتازه يعطيك الف عافيه

معاي باترول 99 صالون بخاخ
تم تغيير طرمبة البانزين من شد البلد لطرمبة جي ام سي يقال لها 383 او 83 بعد استشارة اصحاب الخبره وسعرها معقول بحدود 250 ريال
مع العلم اني غيرتها بس للاحتياط لاني سمعت كثير ماتخرب طرمبات البانزين من هالنوع من الباترول

تركب على طول والا تحتاج توليف فيش الكهرباء و ترهيم للقاعدة الي تركب عليها؟

و كيف اداء الموتر من ناحية العزم و الصرفيه ؟

[ابو سمسم]

السلف والسويتش حق الباترول 97 وتحت اذا خرب على طول اقرب قطع غيار وخذ حق ددسن 85 وانساه يركب بدون توليف

ورخيصه مره بربع سعر الباترول

[قرم العيال]

معلومات قيمه

[حبران والمسمى]

للرفع للفائده

[سوبر سفاري99]

يرفع للاستزادة

[الموظف]

موضوع رائع الله يعطيكم العافية

[سلطان 2010]

الى الامام وموفقين خير ان شاء الله وبارك الله بمن ادلى بمعلومات تفيد الكثير من ملاك الباترول

[VTC 2002]

موضوع ممتاز راح الاخوان يستفيدون منه كثير جزاك الله خير يا صاحب الموضوع
معي فتك 2002 خرب فيه الفحمات الاماميه وسألت عنها في الوكاله قالوا الطقم 320 ريال ورحت للموزع وقال سعرها 250 اصلي وكاله وسألت هل فحمات الباترول العادي تركب قال نعم تركب واخذتها 145 ريال فلاحظ الفرق في السعر بين قطع الفتك والباترول العادي
وشكراً

[ابوحفصه]

موضوع مفيد لاهل النياسين مساعد الكبوت حك المكسماء قيمتة 70 يركب علي الباترول وقيمة مساعد الكبوت

حك الباترول 270 لكن ناسي حك المكسماء كان اي موديل

[ابوسامي 2011]

جمعكم الله من حظي سيارتي 2004 القير الدبل صار ما يعشق الدبل الثقيل وش المشكله ومن صارت معه النصيحه تكفون وين اروح من الورشه الضمونه وماهي اسباب العطل وكيف اصلاحه وكم التكلفه وكم يبي له وقت كرما

[كسير الحظ]

جمعكم الله من حظي سيارتي 2004 القير الدبل صار ما يعشق الدبل الثقيل وش المشكله ومن صارت معه النصيحه تكفون وين اروح من الورشه الضمونه وماهي اسباب العطل وكيف اصلاحه وكم التكلفه وكم يبي له وقت كرما

صارت معي في جيب نيسان موديل 95
والمشكلة كانت فقط صدئ في وصلة عصى القير الدبل

واصلاحها كان بسيط فقط فتح العصى وتنظيفها من الصدئ
باستخدام ادوات التنظيف و بخاخ الصدئ

تأكد من المشكلة الي عندك
مشكلتي طبعاً سببها ان الموتر ما كان راعيه يشغل الدبل الثقيل فتكون الصدئ في العصى

موفق يارب

[ALBDRANE]

موضوع مفيد بارك الله في الجميع وحبيت أسئل عن اللوكات ( الفرارات) هل ممكن أركبها وأركب الغطيان حقت الوكالة ( الطيس ) ولا لازم أشيلها الصراحه ما ودي بالسيارة بدون غطيان .كان أحد له تجربه يفيدنا مشكورين

[قدر مكتوب]

اقفال الابواب اللي يجي في البدي ثابت زي الشنكار ركبت حق الددسن ولا فيه احسن منه ورخيص مره مقارنة بالباترول