القطع البديلة للنيسان باترول سفاري نرجو المساعدة والتثبيت

[عشقي الباترول]

حساس الهواء او منظم الهواء
حق الباترول 94 بخااخ ماله بديل لان سعره غااالي

[وليد الشلاحي]

بسم الله ...
اما بالنسبه لي بدلت الكلبريتر حق الوكاله بكلبريتر حق التيما موديل 94 وصار الموتر زي الحلاوه..
علما ان موتري جيب باترول موديل 97

[ابوحفصه]

حساس الهواء او منظم الهواء
حق الباترول 94 بخااخ ماله بديل لان سعره غااالي

جرب منضم هواء المكسماء تراه يركب وقيمتة 250

[ظبط]

الله يجزاكم خير والى الامااااااااااااااااااااااااااااااااااااااااااام

[عزٍيزٍ]

موضوع مفيد بارك الله في الجميع وحبيت أسئل عن اللوكات ( الفرارات) هل ممكن أركبها وأركب الغطيان حقت الوكالة ( الطيس ) ولا لازم أشيلها الصراحه ما ودي بالسيارة بدون غطيان .كان أحد له تجربه يفيدنا مشكورين

جنوط بآترول 2002 , تركب عليه الغطيان ,, ماادري عن باقي الجنوط

~ ~

كمبرسر مكيف فتك 2002 , ورشة ببريدة الشارع التجاري اسمه ( ابو تركي )
يركب كمبرسر باترول 2005 ديزل , استعمال ياباني بـ 1100 شامل سعر الكمبرسر والفريون والتركيب وكلش
ويصير آلمكيف أكوس من آول

وشكرن

[adel488]

جميع كمبورسرات النيسان من ددسن وباثفيندر وباترول تطبق على بعض مع تغيير المكره الاماميه
انا معي نيسان باترول2000 ركبت عليه كمبروسور باثفيندر وسلك

[بو حجل]

السلام عليكم ورحمة الله وبركاته:

موترى مخلية للتجارب واشتغل علية بيــدي بدون مساعدة موديلة 91 ابي اسأل عن الطرمبة طبعا طرمبتة ميكانيكية ماهيب كهربائية قريت فى بعض الردود انهم يركبون طرمبة جمس هل هى ميكانيكية ولا كهربائية

وافضل دينمو كهرب للباترول بعد كثر التجربات هو حق المكسيما 110 امبير

[ع ع]

الله يعطيكم العافيه

[بواري]

السلام عليكم ورحمة الله وبركاته:

موترى مخلية للتجارب واشتغل علية بيــدي بدون مساعدة موديلة 91 ابي اسأل عن الطرمبة طبعا طرمبتة ميكانيكية ماهيب كهربائية قريت فى بعض الردود انهم يركبون طرمبة جمس هل هى ميكانيكية ولا كهربائية

وافضل دينمو كهرب للباترول بعد كثر التجربات هو حق المكسيما 110 امبير

طرميه الجمس كهربائيه ( طرمبه الباترول قويه واذا بتغيرها لازم تركب رقليتر )

وافضل دينمو يركب بدون اي ترهيم دينمو الباترول 4500 كربريتر وقوته 100 امبير

[شلشكو2011]

السلام عليكم ورحمة الله وبركاته
صباح / مساء الخير
بالنسبه للباترول من موديل 97 وتحت حسب خبرتي بالشقا ( يعني الورشات )
1 _ بالنسبه لتماتيك المروحه وده للسيد الثاني وركب مراوح كهرب سوبارو بعد ماتسيخ الاديتر وتركيبه بعنيزه عند كهربائي اسمه اختر بالقرب من الحسون للسمكره سعره 450 وانت وشطارك
2 _ ونت عمود قدام ركب فرارات ويفضل البرازيليه السود وسعرها 500 ويقولون نزلت والله اعلم وتحصلها عند العقيل للكفرات ببريده شارع الخبيب
3 _ ليات الدوده او المكيف تكبسلها عند المخرطه وسعرها مايكلف شي
4 _ طرمية البنزين اذا خربت عليك ركب اطرمبة جمس موديل 83 مع الفلتر حقها وسعرها 230 تقريباً تحصلها ببريده شارع الخبيب عند الوليد
5 _ المساعدات ركب حقات شااص قدام موديل 2002 ورا حقات فاكس ار ويركبها لك ورشة السيف ببريده الشارع التجاري
6 _ اليايات ورا استرالي طول 3 سم ضغط 200 وتحصلها عند الرمايه وقدام يفضل ياي بلد وتركب كعكه سانتي ونص
7 _ اذا خرب عليك جنزير الدبل نصيحة اخووك ركب دبل مستعمل ياباني وتحصله عند ورشة ابوعبد الله الصمعاني تشليح بريده سعره 1100 مع التركب
8 _ كراسي البدي اشترها من بن ماضي شارع الاربعين ببريده وركبها عند ورشة الفيز نسيت سعرها لاكن غاليه هي والرباطات
9 _ اذا بنشري خرب عليك صرت الزيت تروح لورشة المحيسن بالشارع التجاري ببريده ويلحم لك جديده على القديمه وسعرها 100 وانت وشطارك يمكن بنزل لك شووي
10 _ بالنسبه للذراع يكبس كبس او يسمونه ( ترصيص الذراع ) والي يزبطه لك نسيت اسم الورشه لاكن صناعية السليم ببريده واسم الميكانيكي مختار
11 _ بالنسبه لدينمو الكهرب ركبت حق التيما وحق مكسيما وركبت تجاري يعني يمشن الحال لاكن مايدوم ويفضل التشليح وتاخذ اصلي وتلقاه عند تشليح العجلان او الخضير او الفوزان ببريده وكذلك الكمبرسر
12 _ ادري طولت عليكم لاكن تحملوو
13 _ الكبليترر وما ادراك مالكبليترر طبعاً تنضيف بقيمت 80 او يزود وينقص لاكن راح يرجع مره ثانيه ويفضل تركب جديد على انه غالي لاكن الشكوى لله بقيمت تقريباً 550
14 _ لا يطلع لي واحد بكرا يقوول وش المبالغ هاذي ويقول مثلا 100 ربيه لا ريااااااااال سعودي ههههههه
15 _ الكفرات والجنوط اتوقع معروفه لدى الجميع لاكن فيه واحد يرصص حلو صراحه اسمه السنيدي وموقعه دوار الهديه ببريده ويعطيك ضمان خذلك فره على الدوار وتشوفه هههههه
16 _ التنجيد واتوقع معرف مكانه النافوره بعنيزه وفيه واحد ثاني بعنيزه لاكن نسيت الاسم
17 _ اتوووقع يكفي صراحه مليت قلبتووو المواجع
18 _ الافضل انك تبيع سيارك وخابر لك دباب يحبه قلبك ههههههه
اتمنى اني افدت الجميع واسف على الاطاله واذا تذكرت شي الله يعينكم تحملوو ولكمو جزيل الشكر والتقدير

عفواً اخوي اي نوع هذا الكلبليتر (( الوكاله )) والاياباني
انا سالت عنمه لقيته فوق الالفين
ربع سفاري 96

[نفداوي]

يعطيكم العافيه على الموضوع لا يوقف 00000000000000000

[عساف @]

لايوقف جزاكم الله خير

[بوحازم الشنفري]

بعض مقتطفات عن الردود:

ردي حول مروحتين مكسيما وطريقة توصيلها:

والله بيني وبينك، اشتريتهن جاهزات كذا مع السيارة، لكن المروحتين تجي مع بعض يعني كذا:

____
|+|+|
------

يعني تطلع المروحة الأصلية وحاملها، ومروحة النيسان الأصلية صغيرة بالمقارنة مع مراوح المكسيما، وأتوقع إنهم يفصلون مثل حامل لمروحتين حسبما يتضح لي، ويركبون عليهن مروحتين، الإجابة القاطعة أتوقع تكون من أهل الإمارات، لأن الغالبية الساحقة من القطع المستعملة وحقت الجراجات عموما اللي عندنا تجي من الإمارات.

وأتوقع إنهم ممكن يفصلون لك مروحتين، بس مراوح المكسيما خليها ببالك، وشفت واحد صاحبي قلع مروحة المكيف اللي تجي خارجية بعد الشبك وركب أيضا مروحتين مكسيما ثانيات، بمجموع 4 مراوح مكسيما ولكن خلى الأماميات موصلات بزر داخلي، فلو داخل رملة يشغل 4 مراوح ما شاء الله تقول إعصار ههههههههه، حقته موديل 92 كربيتر وباعها قبل فترة، والحين ندمان مفكر يشتريها نفسها مرة ثانية لأنها للأمانة من أنظف النياسين في صلالة على الإطلاق.

أما مروحة المكيف، أنا قريب اكتشفت انها مشبكة فبإمكانك إضافة إلى المراوح الداخلية عند المكينة "المكسيما" تركب مروحة إضافية للمكيف أمامية وتخلي المروحتين مثلا مشبكات بزر خلف المقود، ما شاء الله انت تعرف النيسان تقدر تركب مليون زر عاملين خانات في كل مكان، فتشغلهن لما تشغل المكيف أو لما يشتد الحر، بس راح تضطر إنك ترفع الـrpm شوية حتى يوفي الطاقة المطلوبة ولا راح تستهلك البطارية، أنا السيارة عندي أولما تشتغل تكون 1200rpm ولما أكرف بها شوية ينزل إلى 1000-900 rpm، يعني من 1.2 البداية، مرات لو باردة أوازن بها في الزحمة تقول جير تماتيك مجرد أوخر وأمسك عالكلتش هههه، والحمد لله الحرارة مثلما شايف 90% فوق شرطة C، ولو دخلت فيها رملة البحر الثقيلة مع دعس ومكيف ممكن توصل فوق الربع بشوية ولما أركب ثالث تنزل إن نص الربع للمسافات الطويلة شوية يعني 40 كم رملة، أما الصحراء فرمال الصحراء ما تغرز كثير مثل رمل البحر، يمكن تستوعب الفكرة لو جيتنا بإذن الله وجربت الباترول حقك في رمال البحر بصلالة.

المهم، الكثير يشتكون من إن المراوح تفصل، لازم تشوف لك واير سميك ومتين زيادة ولو حاب أصور لك الواير أبشر، وتعمل لكل مروحة واير منفصل وفيوز كبير معها وتوصلها مباشرة بالبطارية لكل وحدة منفذها، حتى لو فصلت وحدة تبقى الثانية، بس أستبعد تماما انها تنفصل بس كل شي بإرادة الله جايز، أنا 3 مرات تحترق الوايرات لين فار دمي وقلت للكهربائي يجيب لي واير سميك وفيوز لكل وحدة، لأن قوة المراوح ترى قوية، وحتى زادت قوتها مع الواير السميك.

المراوح الأخرى اللي يمدحوها مراوح الدسكفري، بس غالبية شباب صلالة يعملون مثل اللي سويته أنا باستثناء سالفة الوايرات السميكة الغالبية ما يهتمون وكل فترة يصلحون، وللعلم نادرا عندنا تحصل نيسان حرارتها تكون ربع، الغالبية عند الـC يعني مثل علامة الجودة، ومعدل الحرارة عندنا في صلالة القصوى 35 والصغرى 12 على مدار السنة، ولكن لو مشينا للربع الخالي شمالا حوالي 100 كم توصل الحرارة إلى الأربعينات ولازلت ما جربت السيارة هناك، فيعني ما يعتبر إن اختبرتها 100% في سالفة الحرارة بس للحين من شهر 2 إلى الآن ما عبيت ماي الراديتر ولا نقص ولا زاد، عليك بحق التويوتا الأحمر لا يعلى عليه، مع ماي شرب مش حق البيت اللي فيه الكلور.

http://mekshat.com/vb/showthread.php?t=432081

وهنا تفاصيل سيارتي وقصتي معها:

خراباته سببها التلبيق، ولما تبدل كل شيء بالمستعمل، في أمور لازم تبدلها بشيء أصلي، ولو من الوكالة وأسعارها رخيصة لأن قطع الباترول بهذا الموديل صارت تتصنع في مصانع نيسان بتايلند، وكثير من القطعة أشتريها من الوكيل.

سيارتي 97 وكانت مبهذلة بشكل لا يتصور من صاحبها السابق، الزين إن جسم السيارة مرتب مافيه تعرجات "ما شاء الله" ولا الربلات ومن داخل مبهذل بها، اشتغلت عليها شوية وجبت نتايج مرضية وشخصيا مش مفكر أبيعها بأقل من 60 الف ريال سعودي مع إني شاريها بـ16 الف قبل سنة تقريبا! لأنها السيارة الثانية ومش سيارة الاستعمال اليومي.

زمان قبلما أركب هالموديل خصوصا كنت أتقزز منه على الرغم من شكله اللي كان يعجبني منذ التسعينات، بس كنت أفكر سواقته مملة، وللأمانة ولا يزعلون مني الشباب سواقة الشاص واللاند مملة والتويوتا عموما وبصراحة تقصر العمر وهي خلتني أفكر إن الباترول كذا، ولكن بعدما جربت وحدة نظيفة جدا موديل 89 وكنت باشتريها بحوالي 17 ألف، انصدمت جدا مع إنها أضعف بمراحل من حقتي اللي اشتريتها لاحقا الانجكتر، وفكرة شرائي لها كان سببه أولا لأني نيساني حتى النخاع وأريد سيارة لقضاء حاجتي في الأودية والرصد البيئي كسيارة ثانية إضافة إلى موتري انفينيتي M45 موديل 2007.

يعلم الله إني بعدما اشتريت الباترول اني تدريجيا كرهت سواقة الانفينيتي، ياخي فعلا في فرق بين تسوق موتر وموترة، سيار وسيارة، ذكر وأنثى، لأن الباترول فعلا ذكر!

كانت أول سنة مليئة بالجولات للصناعيات، وكان أسبابها في الغالب بسبب التلبيق، اشتريتها والسيارة فيها هذي البلاوي اللي صلحتها:

- فتحتات المكينة حقت الراديتر مبهذلة.
- الكلتش محروق عن بكرة أبيه.
- الربلات كأن كلب أكلها.
- الداخلية وسخة والتخشيبة حول الجير مكسرة وتدخل حرارة بسيطة.
- الراديتر يسرب.
- المكيف خربان والبرادات والمكيف المركزي الخلفي.
- جزوز مزعج جدا بدون دبات قياس 3 إنش، يعني تمر بآخر الليل برمضان تنوب عن المسحراتي!
- ميزانية المقود مشي حالك.
- التواير بدون ميزانية.
- عجلة مضروبة ومصلحة تلبيق.
- مروحتين مكسيما موصلات بواير واحد بدون فيوز نحيف ويصلح للمبات فقط! وكل مرة تحترق.
- الانجكترات متفحمة ولها عمر طويل ما تبدلت!
- الباب الخلفي للشنطة ما ينفتح إلا من الداخل.
- النوافذ أغلبها ما تنفتح "للحين ما ضبطتها كلها زين"، وكان باب الراكب الزر طالع برا تقول مصارين ضب.
- بطارية مائية مستهلكة تشتغل انت وحظك.
- ضربة بسيطة نسبيا في مؤخرة السيارة خلف التاير الايمن.

وغيرها مما يحضرني، وكملت السالفة وصدمت قلاب "شاحنة حاملة طين" وصلحتها بحوالي 7 آلاف ريال سعودي، منها فصلت راديتر جديد بـ3 عيون مع ماي تويوتا وبدلت شبكتها، والمقدمة تكسرت بشكل عام وبدلت البونيت "الكبوت" والمتجار الأيسر والصدام والشبك والأنوار على اليسار، ونزلت المكينة وصلحت بقيمة زهيدة فتحات المكينة بس تكلفة التنزيل مكلفة بحوالي 1300 ريال سعودي، فصلت وايرات منفصلة وسميكة مع فيوز مستقل للمروحتين للتبريد، ووصلتهم بالبطارية اللي بدلتها بوحدة نظيفة حقت جمس الكترونية 70 أمبير، ومن بعدها المراوح عال العال. للعلم لما كانت تتوقف كل المراوح أروح الصناعية بدون مراوح مسافة 13 كم وأدور على الجراج، والحرارة ما توصل المنتصف! ما شاء الله ^_^

بدلت جميع الأنوار حتى تجي نظيفة أكثر من برا لأن النور الخلفي صار بدل أحمر وردي من كثر انه مستهلك! وصبغتها كانت ممتازة بس كلون ما عجبني وغيرتها للأسود المطفي أول مرة بعدين أسود لامع عشان أجددها بالشرطة.

وبدلت كلتش من الوكالة بحوالي 1050 ريال سعودي وكراسي الكلتش من الوكالة أيضا لأن كراسي الجير كانت مكسرة من أول وأنا أشوف السواقة غريبة والجير مرات ما يركب زين.

بعدين ارتحت شوية من الصناعية، بديت أهذبها:

قمت بتلبيس الأرضية فوق طبقة الوكالة بأرضية حمراء بقيمة 450 ر.س وطربال 180، ونزعت التخشيبة المبهذلة حول الجير عشان يكون القماش مغطي على الجير 100%، وفصلت جلد أحمر للجيرات مع جيوب يغطي أيضا لتصير 3 طبقات وانسى شيء اسمه حرارة بشكل نهائي، وضيف عليها اشتريت صوف أصلي بحوالي 180 ريال أسود وحوطت على الجيرات ويغطي على التلبيسة الجلد الحمرة للجير يبقيها فقط في الأعمدة.

كان هذا بعدما غسلت السيارة بالكامل وعمل بوليش بالمكينة للبودي، وشفت شكل التلبيسة البيج لازال مرقع كما أن البيج القماش شكله تافه، قمت بتلبيس السقف بالجلد الأسود بـ350 ر.س، وغطية المقاعد بقماش خفيف بـ100 ر.س، وتطريز الأبواب بالجلد الأسود والأحمر مرورا بجوانب السيارة في الخلف بـ600 ر.س مع مخمل الأبواب السفلي، وقمت بتديل السماعات الأربعة بسماعات سوني بـ440 ر.س، تصليح الإنارة العلوية وتغطيتها بأغطية الوكالة الأصلية بدلما كأنك في خرابة بنجالية وكانت موجودة بالدرج.

قمت بتبديل المساحات اللي أتوقع ما تبدلت من قرون طبعا بسعر زهيد وتجاري، وقمت بتفصيل وتركيب مكينة بخاخ ماي حق رنج روفر قديم مع تسليكات وبخاخات تجارية على البونيت "الكبوت" وتوصيلها بحوالي 170 ر.س، كنت أريد أصلح المساحة الخلفية وبخاخها بس أجلت الفكرة.

اشتريت كاميرا بلوتوث وشاشتها للرؤية الخلفية وتفصيل زر مستقل بدل تشبيكها بالريوس بـ500 ر.س، وتصليح تسليكات الكشاف الخلفي اللي كان موجود اصلا. تصليح 3 اقفال معطلة في السيارة منها الشنطة وعمل جهاز فتح من بعد بـ350 ر.س. تبديل ربلات النافذة للراكب الأمامي الداخلية من الوكالة بحوالي 90 ر.س، تبديل البوشات في المعاونات الأمامية مع استبدال السيلات حقت الدفريشن الأمامي اللي كانت تسرب آيل الدفريشن منها من الوكالة القطع بحوالي 250 ر.س، وتبديل صحون البريك الأمامية و4 صفايف "سفايف + فحمات البريك" تجارية بحوالي 350 ر.س، تصليح المكيف وتبديل الكمبريسر بمستعمل بحوالي 350 ر.س وكان ثلج لدرجة إن برا كانت الحرارة 35 الظهر وانت ركبك شوية تتكسر من البرودة، ويمكن لأن وضعية الكمبريسر ما تريحه اخترب وبدلته مرة ثانية بحوالي 400 ر.س ونقصت البرودة زيادة عشان يعمر وبرودته زينة لا بارد بارد ولا حار.

مع غسيل السيارة بالديزل طلعت الربلات تتأثر وتتفتت البوشات، فأنصح بتجنب استعمال الديزل ويفضل الزيت العادي وحتى لو جديد زين ترى فرق بسيط "10 ر.س" في التنظيف السفلي، عموما بدلت 8 بوشات لكل السيارة اللي قلبت عصافير من الصرصرة وكان عندي تاير داخل وتاير بارز وطلع المعاون مضروب وبدلته وصلح لي الأمور من تحت زين بحوالي 1250 ر.س، ونبهني على سالفة الديزل في التنظيف ووراني البوشات المفتتة وهو يشتغل أمامي.

ولازلت ما خلصت 100%، كنت أريد أبدل كل الربلات حقت الأبواب والنوافذ بس تكلف حوالي 2100 ر.س.

ووعلى طاري الأنوار وإني بدلت بعضها كان باهت والآخر مشقوق بحوالي 350 ر.س تجارية ضفت لمبات أمامية هالوجينية من شركة BOSCH أفضل 50% زيادة عن التقليدية وعمر أطول ومدى 20+ متر زيادة، وأنا أكره الزينون في سيارات الكرف والإنارة ممتازة بالمقابل، وسعر اللمبتين حوالي 50 ر.س.

الصبغة الأولى المطفي كلفت فقط 500 ر.س، الثانية حوالي 180 ر.س مع السمكرة.

الإطارات يوم خذيت السيارة مستهلكة، وركبت تواير مستعملة بس نظيفة وأكبر شوية، وفكيت المداعس الجانبية حتى يطلع شكلها مرتب أكثر.

إجمالي الخساير مع الحادث تقريبا 13-14 الف ريال سعودي، ولا أملك ولا ذرة نية لبيعها

قمت بتركيب هيدرز ودبة وسطية "السويدي - الإماراتي" بحوالي 1250 ر.س، مع دبة شاص كاتمة وتفصيل 2.5 انش، الصوت اللي يطلع واضح وجيد ويبرز عند 3 وقبلها ما يهتمون فيه الشرطة ومريت من 4 نقاط تفتيش زي العسل.

ركبت مخفي في الزجاج الأمامي بالكامل 30%، وفي الجامتين الأماميتين 40%، والوسطيتين 60%، والخلفيتين والشنطة 80% عازل حراري تجاري بحوالي 300 ر.س، ويعطي فرق هائل في راحة السياقة وينسيك الشمس.

واشتريت مؤخرا خارطة GARMIN Oregon 550 مستعملة مع خوارط طوبوغرافية + مدنية + طبيعية شبيه بجوجل مابس، وبصراحة زي العسل، وهي تركب وتؤخذ في الترحال على الأقدام.


لمشاهدة الصور وبقية التفاصيل "107 حتى الآن":

$$- نيسان باترول 1997 عبر طبيعة ظفار، لا يفوتكم *_^

كثرت في الكلام، ولكن لا تلوموني ترى أتكلم عن باترول 97 ولازالت السيارة قيد التعديل والتضبيط.

سيارتي ما شاء الله تعتبر بالنسبة لمعظم النياسين من نفس الموديل اقتصادية، الخزان يمشي 450 كم تقريبا لو نقيسها لين ينظفي، وحوالي 400-420 قبلما أعبيها قريب E، وهذا صعودا بالجبل وتجوالي بالمدينة، أهم شي ما تزيد عن 120 بالسرعة.

[RW7..ALBDAWA]

سسلام عليكم ورحمـه الله وبركآته

الصرآحــه الله يعطيك الف عآفيه يآصصاحب الموضوع

هذآ الموضوع يبي يخلي الكثير والكثير مننآ يسستفيد

والغشيم بيطلع ذيب بسس مجرد مآيقرى هالردود

الصرآحــه افدتوني وافدتوو غيري الله يجزآكم الااااااااااف الخيرآت

نبدأ بالمشآكل اللي انآ اعرفهآ واشتغلت فيهآ واللي سويتهآ

1ـ دينمو نيسان 99 افضل دينمو للبآترول سعرهـ 350 ريآل بالتشليح

2. الكربريتر اذآ طول معآك وخذ فوق الـ 10 سنوآت

وبدء يقطع نصيحــه غيرهــ لأن مهمآ تسوي يرجع يخرب سعر الجديد بـ 2800 ريآل

3. الديلكو والكويــل نصيحـه ااذا تبي موترك نشيط نشيط وصرفيه البنزين تخف والتقطيع يروح ويبقى موترك صآفي ركب ديلكو الكتروني وكويل الكتروني السعر 2500 ريآل شامل الديلكو والكويل ادفع وريح رآسك ورشة ابو صآلح التركي

4. المرآوح غيرهآ سسررعه سررعه وركب مرآوح سوبآرو وخل مرآوح الوكآله تولي سعرهآ 500 ريآل بالصنآعيه القديمــه وكثير من المحلآت
بصنآعيه القديمه تضبطهآ واللي يبي المحل يبشر



5.الفرارات هذي اهم شي تسويهآ للموتر اول شي يخف عزم الموتر نفسسه خفيفه تكون بس بفرق بصيط الشي الثاني تحس ان الدركسون صآر اخف
الشي الثآلث البنزين تقل صرفيتـــه بشكل غير ملاحظ الشي الرآبع قوة الموتر لمآ تعشق الفرآر اقوى من قوتـه بدون فرآر الصرآحـه الفرار لأبد منه

6. الزجاج الخلفي تجيلــه جلد او ربل والله مدري وش اسمهآ المهم اللي تجي على حوآف الزجاج والغآلبيــه يضطر انه يشريهآ من الوكآله انآ سويت المسستحيل اني مآشريهآ من الوكآله لآنهآ غآآآآآآآآليه نآر
رحت ودورت وسآلت ولقيت يمآني بصنآعية الميـه اللي يسمونهآ صنآعية السلي يمآني اسمـه نآصر يضبط جلد زجاج خلفي اخر شي اللي تجي على اليمين واليسار الطويلـه يضبط الوحدهـ بـ 150 ريآل واذا تبي تسوي الثنتين يسويهآ لـك بـ 250 ريآل يآبلاشش افضل من انك تآخذها من الوكآله بـ 1200 ريآل ههههههه خلنآ نلعب بحسبتهم التجآر هذولي نحآربهم صصح واابي اجيب رقمـه بكرهـ بآذن لله ابي اروحـله وابي اخليه يضبطلي كم شغله وبنزل رقمـه بآذن لله

7. الرديتر اذآ لآحظت انه خربآن والزمن جرر عليه نصيحـه لوجه الله غيرهـ وركب مآليزي بـ 500 ريآل مع التركيب بـ صنآعية الخليج او اي صنآعية فيه محلآت رديترآت

التنجيـد الدآخلي ادلكم على محل انآ مآصدقت ان تنجيدهـ كذآ الصرآحـه مبدع مبدع لأخر الحدود رحت لكم محل وآسآلهم بكم تنجد الموتر كله اللي يقولي بـ 2500 ريآل واللي يقول بـ 2000 ورحت لم يمآني الله يعطيه الف عآفيه نجد الموتر وخلى الدآخليه خيآليه فقط بـ 750 ريآل او 800
واليكم الصور قبل التنجيــد










^ وهذي صور السياره قبل التعديل والحين بوريكم الصور بعد التعديل

مآشاء الله تبآرك الرحمن







وهذآ اليماني اسمـه ابو نـــور اللي يبي يجــيه ويبيه ينزلـه من السسعر يقولـه جآيك من طرفـ عبدآلـلـه الحربي

ومكآنــه على الميـه قبل شركة ذيب على اليمين بالمحطـه اللي عند الزينـه له محل تنجيد وماشاء الله شغله مآيحتاج ويعلم الله اني مآلي دخل بـ ولا ريآل بسس لأبد اننآ نفتح عيونآ ونشوف ونتعلم ونفيد بعضضنآ

وهذآ رقمــه ابو نور 0507917524

ونصآئح مني اقولهآ لكم طبعاً يقولك اسآل مجرب ولا تسآل طبيب

الفلتر واسلآك البوآجي < تعدم الموتر وتقلل من عمر المكينــه نصيحـه

اللي يبي موترهـ ينشط ديلكو الكتروني وكويل الكتروني

امآ اللي يركب كربريتر ريآضي هذآ مايعيش ابد وشهرياً يبي للموتر تصفيـه

امآ الهدرز والله اني للحين مآركبتـه لآكن ناوي على مشروع اني اركبـه

مع انه صحيح يخلي الموتر ينقص زيت بس الشكوى لله ابي ازيد موتري كل مآشفته ينقصص بسس افضل محل على كلآم الشبآب قآيد بصنآعيه القديمه او الصفدي

مآآآآآودي بالطويــــــــله

لأكن هذآ رقم اللي يركب مرآوح سوبآرو اسممه حسين 0538785117

مكآنه اذكر محلآت تبيع الاسبطآت والشمعآت المستخدمـه بصنآعيه القديمـه تخليهآ على يدك اليمين واول تقآطع سيده يجي المحل على اليمين اسمـه الوهيبي

وبالنسبـــه لـ توآنك المويـه اللي تجي بالشنطـه واحد للـمويه وواحد للـبنزيـن اعرف واحد يضبط التوآنك وآحد للمويه ووآحد للبنزيــن يفصل للبآترول او الصآلون بالشنطــه المآءء مع البنزيـن بـ 200 ريآل يآبلاشش وانشاء الله قريب اجيب رقمـه علماً بآنه حداد بصنآعية الميه واللي تبي حديد او المنيوم يضبطه لك

وآي شي تبونـــه انآ حاظر فيـــه بس ارسآل رسآله عن طريق الخآصص وابشرو بآللي اعرفه





تحيآتي لكم وتقبلووو مروري

[لاتكب البيالة]

السلام عليكم
كشافات الارمادا اضن تركب على الباترول وسعره بالخارج جيد لكن ما ادري عن الجودة
http://www.ebay.com/itm/2004-2009-NI...item2562a9456d
وليت احد يدبر لنا ارقام القطع عشان نبحث عنه